[الباحث عادل الايهم]

اللهم صل على محمد وال محمد وعجل فرجهم واهلك عدوهم

السلام عليكم ورحمة الله الواسعة وبركاته
سادتى الاكارم ...... اخوانى واخواتى المبجلين جميعا حياكم الله وبياكم وسدد خطاكم سيما خطى الولاية الحيدرية الحقة احببت ان اقدم لكم مجموعة من الخواطر العراقية القصيرة وبلهجتنا المتعارفة لهجة اهل العراق التى كتبتها بقلمي المنكسر قطعا وهى تربو على خمسين خاطرة قصيرة وساقدمها على شكل متسلسل بنفس الصفحات لهذا الموضوع .... اسال الله ان يوفق الجميع يارب
وهي كالاتى :
1
.......
گلوا صديق گلت اكثر
گالوا عزيز وگلت اغلى
گالوا محب وگلت اكبر
تاليها طعنّي والطعن بالخنجر
....
2
گالولي لا تصادق والزمن غدّار
لا وفـة لا إخلاص بگعدة الدار
گلت الطبع يا صاحبي بالناس
مو طبع الزمن غدّار
هذولة أوجوه مثل السيف بتّار
وصداقتهم جبل وبلحضة ينهار
بالچذب ما ننحسب عليهم جار
ولا مثل الغريب وإنگول خطّار
والحقيقة يا صاحبي
أطباعهم غدر والحبل عالجرّار
......
3
سولف يا قلم وأحچي شجرالك
سولف ولا تضم عالناس أحوالك
أنه أدري حزين وما مرتاح بالك
يا قلم أحچي
أحچي ولا تظل ساكت
السكوت بهالوكت إيهد حالك
سولف يا قلم وخلّي ألامل گدامك
........
متستاهل تجيني وتسألني عالحال
لأنك حطمّتني أبكـل ألاحوال
تذكر هالقلب والدمع من سال
والحقيقة أعرفتها وأطلعت محتال
عفتني وتركت أجروح وإذلال
لا تجيني ....لا تجيني
لا تجيني
لإني نسيّتك ومـا تجي عالبال
....
4
گلتلي تعال ولا تظن جايين
لانك حطمتنه وبيدك هاي إدفتنه
تذكر يا وكت من چنت تظلمنه
تذكر لو أذكرك من يمته ضيعتنه
هذا الگلب ضاع وبيدك إبعدتنه
وإنهدم ذاك البيت بايّام أجمعتنه
لا تگول تعال وانصحك تبتعد منه
لان احـنه أنچوينه ومنك أنصدمنه
لا تگول تعال
لا تگول تعال
لأن الجية لامثالك صارت نار تحرگنه
أبتعد وإذا عندك كرامة لا تقترب ألنه
ترة إحـنه تعبنه وهذا الوكت دمرّنه
.......
5
لا تظن انه بعيد
ولا تظن گلبي حديد
أنه من يوم العرفتك
گلبي رفّلك من جديد
..... لخواطري تتمة إن شاء ربي وساوردها لاحقا
اخوكم الوفي قطعا
عادل ألايهم الجعفري
نسألكم خواص خالص الدعاء

[صوت الدماء]

والحقيقة يا صاحبي
أطباعهم غدر والحبل عالجرّار


حقا بوركتم اخي

هذا واقع حالنا

والحبل عالجرار

[العاملي الحقيقي]

أخي أيهم
تحية الود والإعزاز
قرأت ذلك البوح العراقي سريعاً، ومع ذلك فقد رسم أمامي حكيماً مجرباً. أنا لست متقنا للهجة العراقية، ولكني أجد لها نكهة عربية أصيلة، تضفي على الكلام ما يشبه الندى على الأوراق.
لنا وقفات معاً، وتواصل أكثر. مع دعائي بالتوفيق والمزيد من العطاء.
مرتضى شرارة العاملي

[الباحث عادل الايهم]

اقتباس : المشاركة الأصلية كتبت بواسطة صوت الدماء [ مشاهدة المشاركة ]

والحقيقة يا صاحبي أطباعهم غدر والحبل عالجرّار حقا بوركتم اخي هذا واقع حالنا والحبل عالجرار

اللهم صل على محمد وال محمد
حياكم الله اختى الشاعرة ..... صوت الابداع
ربي يوفقكم

[الباحث عادل الايهم]

اقتباس : المشاركة الأصلية كتبت بواسطة العاملي الحقيقي [ مشاهدة المشاركة ]

أخي أيهم تحية الود والإعزاز قرأت ذلك البوح العراقي سريعاً، ومع ذلك فقد رسم أمامي حكيماً مجرباً. أنا لست متقنا للهجة العراقية، ولكني أجد لها نكهة عربية أصيلة، تضفي على الكلام ما يشبه الندى على الأوراق. لنا وقفات معاً، وتواصل أكثر. مع دعائي بالتوفيق والمزيد من العطاء. مرتضى شرارة العاملي

اللهم صل على محمد وال محمد
الغالي العزيز على القلب ( جوهرة لبنان )
الاستاذ الاديب العاملي
..... كلما اجدك بين كلماتى .... اعلم باننى سانحنى لظلك ايها القدير والمبدع
ساكون بالقرب منك دوما سيدي الاكرم
اخوك
الباحث

[الباحث عادل الايهم]

السلام عليكم ورحمة الله وبركاته

أليكم الحلّة الثانية للخواطر أرجو ان تنال رضاكم
أيها الاعزّة
6
.............

چنّه إصغار وإمغّضمين العيون
ولمتّنه سوا بفرد هالبيت والماعون
الگلب أبيض دوم والوجه فد لون
ومو الطبع الحچي هذا وذاك شلون
تاليهه غربال الزمن حد الآسنون
وفرقنا مثل أطيور إمختّله برازون
صاح بينا لا تجون وللابد لا تجون
سوالفكم إنتهت وياريت لو تنسون

.........
7

صح أنه الوفي والوفة مرهم
للصديق ولجرح الغلا بلسم
لكن هالوكت خوّان ومايرحم
واذا صح الغدر راح انگلب سم
المن ؟
عليمن ؟
عل كلمن وفيت وياه
وباعني بدرهم
................
8
خاشوگة تصير إبوسط إلحلوگ
وتريد إتصير شمعة وتظل معلوگ
أيّسْ يا حبيبي ولا تنسى هالطوگ
اللى چان بركبتك وبابك المدگوگ
ترة الدنيا زمان وباعتك بالسوگ
واذا ناوى أتعود
لازم تنزع هالقميص
وتلبس المشگوگ
لان هاى الحقيقة والعيب ألبيك
أيظل أبركبتك طوگ
..............

9
مو كل ألتريده أيصير مسعاك
ولا كل ألتحبه أيكون لاجلاك
وكت الخير غاب وترك ملگاك
الكل حقير ونذل أيخون وعداك
واذا تسالنى هسه
أگولك امش ولا اتباوع وراك
صحيح الخوة جانت كبل
بس إذياب صارت و أتحوّلت اعداك
بس إذياب صارت وأتحوّلت اعداك

............. للاعوام المحصورة مابين ( 2007_2008 )
الايهم
لنا تتّمة بحول الله تعالى

[ايمان حسيني]

جميله جميله جدا لكن بقدر جمالها قاسيه
اتمنى من الله ان يبعدك عن كل مكروه
وتكون ايامك القادمه مملوءه بالسعاده بحق محمد واله
(تكتب بلهجتنه اشعار حلوه اجنن متقل روعه عن الفصيح انت مبدع بكل اللهجات وبكل اللغات)

[العاملي الحقيقي]

"أگولك امش ولا اتباوع وراك
صحيح الخوة جانت كبل
بس إذياب صارت و أتحوّلت اعداك
بس إذياب صارت وأتحوّلت اعداك،

وصف الذئاب قليل على أولئكم أخي أيهم، وفقك الله إلى المزيد من هذه الخواطر التي تنم عن نفس حية شفافة وضمير مستيقظ وسط حشود من النيام. دمت متوهجاً.
مرتضى شرارة العاملي

[نسايم]

اللهم صل على محمد وال محمد وعجل فرجهم وفرجنا بهم


في منتهى الابداع

هنيئاً لتلك الذائقة الأدبية المتميزة

موفق لكل خير أخي الفاضل

ننتظر المزيد بشوق ...

[خاتم عقيق&]

ماشاء الله رائعه جدا ماتكتب اخي الغالي عادل
اني احب اللهجة العراقية واحب اهل العراق
فدوه
يسلمو اخي ايهم واكثر مااعجبني
سولف يا قلم وأحچي شجرالك
سولف ولا تضم عالناس أحوالك
أنه أدري حزين وما مرتاح بالك
يا قلم أحچي
أحچي ولا تظل ساكت
السكوت بهالوكت إيهد حالك
سولف يا قلم وخلّي ألامل گدامك
جميله جدا الابيات
الله لايحرمنا من جديدك وبانتظار الباقي
اختك غدير