[طيار عراقي]

أبو ذيات
---------------------------------------------------

أهديكم هذه المجموعة من الابوذيات
~~~~~~~~
يغم وكتي عله حبلك منشراني

بعتني بسوك غدرك منشراني

اذا صاج انت جفك منشراني

وحك ربك اكطعه العال بيه

~~~~~~~~~~~~~~~~~

النوايب بيه جمعتهن مشابيك

وعلّي نشابهن يردف مشابيك

جتّالك فضل سوه مشابيك

انه لوحدي رحت جنّاز بيه

~~~~~~~~~~~~~~~~

علي مبرد زمانك وشراكه

وانا البايع الوادم وشراكه

كلتلي نصير واحد وشراكه

النفس ماله انكطع نفسك عليه

~~~~~~~~~~~~~~~

حرت ماكدّر العارف وشلباي

بسبب مجرى الدمع والدم وشلباي

صرت كلي جرح ينزف وشلباي

اشتبهت وخيطت جرحي عليه

~~~~~~~~~~~~~~~

[طيار عراقي]

اسرح شعرك تهدل صوبي وانساب
وطفح دمعك على الوجنات وانساب
اسألك ياهو گلي وياك وانسب
وتجازي افعالي الطيبه برديه

وعلاه
شربت المر وجرعت الآه عالآه
واصيح الآه وانت ترد وعلآه
وحگ الي سره بعبده وعلاه
لأزگيك الزهر باثنين ايديه

بسلاك
عگدت الگلب وسط الشوك بأسلاك
ونذرت العمر ويه الروح بس لك
احبك ولا تفكر يوم بسلاك (بنسيانك)
انه بنومي ويمر طيفك عليه

مرعلينه
ترف يامن ضعنكم مرعلينه
هجرتونه وجفاكم مر علينه
حلفت مهما الزمان يمر علينه
منسه ايام عشناها سويه

وصـل
يا گاطع بالهجر الارحام وصّـل
ومد جسور وللصوبين وصـل
لعگرب لا تأمن يوم ولصـل
يلدغك لو چنتله بيوم اخيه

[طيار عراقي]

وگلبي شعده غيرك عده انته
ازعل الدنيه كلهه عده انته
لأن زعلك يزعلني عليه

@#@#@#@

عليك الچفن ما فد يوم سلهم
وحبك يا حبيب الرووح سلهم
اللي عدوان وانت روح سلهم
يحچولك هواك اشعمل بيه

@#@#@#@

اريد افرمت كلبي والغي رامه
واشيل العشك منه والغي رامه
عليك انت المخطط والغرامه
لان حسنك كسر غفله عليه

@#@#@#@

اكتبلي شماردت تكتب ورد الك
ازعل وابتعد وامشي وارد لك
بساتين بوسط الكلب زرعت ورد لك
عزيز وغالي تبقى عليه

@#@#@#@

والاكدار
حلو طعم الحزن لاجلك والاكدار...(المكدرات)
بس ال كربـــلا دمـعي ولك در...(صب دمـعي)
ِبگلبي ما بقى مـسكن ولك دار...(لك بيــت)
أسيْر اعليه صرت صبح ومسيّــة

@#@#@#@

احوك بثوب حسنك وانسجنه
بجهنم حبك ارضهووانسه جنه
انحبسنه بقفص عينك وانسجنه
وتحط رمشك كلبجات باديه

@#@#@#@

سليته

حُبي على گلبك ياحُبي سليته ............. سحبته
وإنته جسمي من فرگاك سليته ............ مرضته
تدري شجاوبني گلبي من سليته .............. سألته
يگلي أحبه وفرگا تعني المنيه

[ايمان حسيني]

اكتبلي شماردت تكتب ورد الك
ازعل وابتعد وامشي وارد لك
بساتين بوسط الكلب زرعت ورد لك
عزيز وغالي تبقى عليه
عاشت ايدك حلوييييييييين كالعاده
بس اللي مثلي لازم مترجم وياه يترجمله
تسلم

[صدري للمات]

ابوذيات جميلة عاشت يداك

[عاشق كاظم الغيظ]

مشكور اخي على هذه الابوذيات** بس اكو ملاحظه ازغيره وهي انك نسيت بيت من الابوذيه التي تقول فيها(كلبي اشعده غيرك عده انته) لازم اكو بعد بيت قبلها او بعدها تحياتي لك

[نور المستوحشين]

نقل موفق أخي الكريم ...

أبوذيات جميلة استمتعت بقرائتها

بانتظار المزيد

تحياااتي نور...

[محمد الجابري]

شكراً المروركم
نورتونه

[عاشقة النجف]

بسم الله الرحمن الرحيم
اللهم صل على محمد وآل محمد وعجل فرجهم الشريف

السلام عليكم ورحمة الله وبركاته


ماشاء الله
اختيار موفق يااخي
بارك الله بكم
موفقين

[محمد الجابري]

اقتباس : المشاركة الأصلية كتبت بواسطة عاشقة النجف [ مشاهدة المشاركة ]

بسم الله الرحمن الرحيم اللهم صل على محمد وآل محمد وعجل فرجهم الشريف السلام عليكم ورحمة الله وبركاته ماشاء الله اختيار موفق يااخي بارك الله بكم موفقين

اتشرف بتواجدك بين صفحاتي اختي الغاليه
نــــــــــــــــورتـــــــــــــــونـــــــــــــ ــــه