اللهم صلِ على محمد وآل محمد
كيف حالكم شباب وبنات ؟؟
اليووم أنا اهني بيوميات شباب بعطيكم دروس بعلم التجويد من خلال الدروس اللي تعلمته رغبة من الاخ فلانوو ومنها تذاكرون وياي لان علي امتحان بعد اسبوعين ..
يلا صلوا على محمد وآل محمد
نبتدي اول شي ..
طبعاً اول مانبدأ بالتجويد نتعلم مخارج الحروف الرئيسيه وبعدين نتطرق لصفات الحروف والقابها وبعدها الحكم من ترقيق وتفخيم بعض الحروف ..
المخارج
المخرج : هو الحيز الذي من خلاله يبدو ويظهر الحرف للوجود .
المخارج تنقسم لقسمين :
1- مخارج مقدرة اللي اهي الأحرف المديه
2-مخارج محققه اللي اهي باقي الحروف
كيف نعرف مكان المخرج ؟؟
ندخل حرفاً متحركاً على الحرف اللي نبغى معرفة مخرجه بعد تسكينه طبعاً ولما ينطقع الصوت هذا هو مخرجه .
مثلا اعطيكم : أب - أخ - أج شوفوا اخر حرف وين يكوون مخرجه .
بس طبعاً بعد ماتعرفوون المخارج واتوقع الكل يعرفها .
انجي للمخارج الرئيسيه :
الجوف - الحلق - اللسان - الشفتان - الخيشوم
الجوف : هو الخلاء الداخل في الفم يعني (مخرج مقدر)
او هو مجموع التجويف الحلقي والتجويف الفموي
يخرج منه :
الألف الساكنة المفتوح ماقبلها مثل : جَاْء ، قَاْل
والواو الساكنة المضموم ماقبلها مثل : سُوْء ، يَعْمَلوْن
والياء الساكنة المكسور ماقبلها مثل : قِيْل ، جِيْء
الحلق :
الحلق فيه ثلاثة مخارج لستة أحرف :
الهمزة والهاء من أقصى الحلق يكون عند (منطقة الأوتار الصوتيه)
مثل : يأتون - يهتدون - به - إليه - هذا
العين والحاء : من وسط الحلق يكون عند (منطقة المزمار)
مثل : أنعمت - الرحمن
الغين والخاء : من أدنى الحلق يكون عند (منطقة الحنك اللحمي)
مثل : فسينغضون - خالدين
هذا وصلى الله على محمد وآل محمد
انتهى درس اليووم
ملاحظة : اللي مايعرف مخارج الحروف من وين تطلع يبحث بالكتب او بالنت بالصور عشان يسهل عليه ..
لان كتابي مو واضحين الصوور لو جبتهم لكم اهني مابتعرفوون ..
بس بحاول ادور بالنت صور واجيبهم لكم عشان يسهل عليكم
وطبعاً دروس التجويد تكون صعبة اهني بالكتابه مثل ماتعرفوون مافي تواصل بصري ..:cool:
وإن شاء الله فهمتوون على شرحي ..
واللي عنده أي سؤال بهالدرس يتفضل ..
تحياتي .. أختكم أنوار
حلو حلو درس خفيف اختي
اللهم صل على محمد وآل محمد ^_^.
قاعد احاول واجرب منتهز الفرصة مافي حد حولي لا يقولون شفيه الأخ ههه
كل شي واضح استاذة من قبل شفت صور وكذا درس في التلفزيون ^^
يلا ننتظر باقي مراجعاتج اذا في ^^
اهاا زين يعني فهمت علي :rolleyes:
اهاا تمام انك متطلع وتعرف وين المخارج لان اهم شي ..
اووه في واايد بس ماحد يشجع اهني بكره بكمل على خير إن شاء الله
بس مو اهني بسوي موضوع مستقل لا بعد شسمه يحطون عينهم علي :cool:
العرض العادي
