[خالد محمد مهدي]

((34)) (( بصحنك الصُحبه))

*******************

آلآف \\ آلآف \\ أجت أتزورك آلآف

بصحنك صارت الصحبه **غيرك أبــــد منحبه

أجت أتزور ك ألآف

**--------------**

حاولوا ويّانـــــه خسروا ** لأن دربـــك نور واضح

فجّرونــــه وذبّحونــــــه ** وحنه غيــــرك مانصافح

يبقه شمس الكون نورك ** بكل صبح وجهك نصابح

ياحجة الله الدامغــــــه

ويّانه كلهه مراوغــــه

شبيهه العقول الفارغه ** أتريدنه للذل نصالح

أنصاف \\ أنصاف \\ عدهم ماكوا انصاف

وتبقه للشــرف كعبه** غيرك أبــــد منحبه

**--------------**

بطيب خاطــــرعن قناعه ** للضريبه بحب دفعنـــه

فرض واجب صار عَينــي ** يبو اليمه الحب جمعنه

أبد ما نبخــــــل نضحّــــي ** وعن طريقك ما رجعنه

يابو علي قدوه ومثل

رايات يرفعها الامــل

عالعهد نبقه للأجــل** والله لوله دماك ضعنه

سيّاف \\ سيّاف \\ الحاكم بينه سيّاف

درب العدل مودربه **غيرك أبــــــد منحبه

**--------------**
وكَفنه بصدور اليضدنه ** كَلوبنـــه أنصبنه مواكب

علينه حُبك والشعائـــر ** بكل وكت يحسين واجب

بالعقيــــده وبالعواطف ** أتثبتت كـــــــــل المذاهب

وآنه مذهبــي جعفري

حيدري أثنا عشـــري

وحب ابو اليمه قدري ** أمشي بدروب المصاعب

أنصاف \\ أنصاف \\ ندري كلك أنصاف

تجازي الزاير وتعبه **غيرك أبــــد منحبه

**--------------**

يصعب عليهم دمعنه ** وهل المحبه وهل الشعائر

غيضهم ينكِرَه الوِدنَه **لابصيره ولاضمائــــــــــر

بس مجالسنه مدارس ** وصوت صرختنه المنابر

أيظل المنافق منبعـــه

من السقيفه مرضعــه

تزرع حقدهه أتوزعه ** نشوفه بأنواع المجازر

منخاف \\ منخاف \\ من الناصبه منخاف

يأعظم منزلة ورتبة **غيرك أبـــــد منحبه

**--------------**

دنيَه مليانــه مصــــــــــالح ** وروس عفنه أدور بيهه

عدهه حد السيف حاكــــــم** وفاسـد الحاكـــــــم عليهه

أتصدر أرهاب الوطنــــــــه ** بالاقـــــــــزام التشتريهه

وعلينه بالشر ركّزت

حبــــك لأن بينه نبت

أمودَّه بكَلبنه نوِّرت ** أنتــــه للأنفس وليهه

خنياب\\ خنياب \\ الدم لوجره خنياب

سهله علينه موصعبه **غيرك أبـــــد منحبه

************************************************** ***

بسم الله الرحمن الرحيم
لايعلن الحبر الممات
لايعلن الصمت القلم
مادامت هناك روح وضمير حي
ولا تموت يد تُرفع الى الله توسلا
وتَُرد خائبه
الخادم أن شاء الله
(( التوقيع))
أحنه من فطنّه أعرفنه لحسين
وغّذانه الرحم من فطرة الروح
بشراييني نمت لحروف نبضات
تنبض بالورد وعطورهه تفوح
مايمنعني عنَّه وكلبـــــــي ويَّاه
من يوم الطفوف بصفَّه مذبوح

[عبدالله خلف العتابي]

السلام عليكم
الشاعر خالد محمد
لاحرمنا الله من بوح قلمكم
وتميزكم جزاك الله خيرا
تلميذك المبتدا
عبدالله العتابي
اخي خالد لاتستغرب من قلة الردود
والمعنى في قلب الشاعر

[خالد محمد مهدي]

بسم الله الرحمن الرحيم
عرفنــــــــــــه المعنه لبكَلبك عذرناك
اعله درب حسين للدوم أمشي وياك
شكرا لمروركم الكرم
شكرا \\ ممنون