[ابو ياسر الكعبي]

الضلع والجنين

عن محسن وعن كسر الضلع * نسأل علي ومنه نستمع

إبّيت الوديـعه شصار * من هجمو إعله الدار

* * *

دمع الحزن مرسوم - يـمطرجـمر مسموم - وجَّر نيرانـي المرتفعه

للثار إجت هاليوم - صبَّت حقـدها الكَوم - والباب إندفعت عالبضعه

لن الزچيّه تـحوم - عالـمحسن المظلوم - جبدتها الطاحت متكَطعه

منها الصدر مهشوم - بشوغة گلب ملچوم - طاحت عالمحسن منفجعه

عالزهره أَكثر حَن الگلب * لوعالجنين الفوگ التُرب

يافاجـعه التختـار من هجمو إعله الدار

* * *

بشهگت گلب مجروح - دمع العتب مسفوح - نسأل من كَلبك ياحيدر
ليك النـظر مشبوح - كِلّك جـرح مفتوح - يتوسَّع كل لحظه ويكبر
عالـمحسن المطروح - لـوعالزجيّه تنـوح - إلمن حن گلبك وتفطَّر
ضلع وطفل مذبـوح - ياهو اليفت الـروح - ياهو امصابه الأثَّر أَكثر
عن كسرت الضلعين إشْتِكَول * ضلع الجنين وضلع البتول

وشْخَلَّف البسمـار * من هجمو إعله الدار

* * *

حزنك حزن يعگوب - صبرك صبر أيـوب - وصبر أَيوب الصبرك قطره

شفت الزچيّه تلـوب - گلبك عليها يذوب - متگطِّع وتـْماسك صبره
بدم ودمـع مسكوب - تندب يداحي البوب- إنطبعت بخدودي السطره
گلبي برمـح مصيوب - محسن وگع مخضوب - من دم ضلوعي المتكسره
والياكتر همك إرتـِمه * يم الطفل لويم فاطمه

ضل الفكر مـحتار * من هجمو إعله الدار

* * *

متصوّب إبسهمين - وبگلبك اصوابيـن - گلب المتصوّب شيصبره

وتـجرَّعِت مـرَّين - مُـر إبـرگبتك دين - ومُربعيونك گَمْت اتنظره
متخضّب إبْدمّيـن - بيـن الجنـين اوبين - دم أُمـه المظلومه الزهره
وتوجّـرت نـارين - بصدرك يبو الحسنين - يانـار الأَكثر مستعـره
نـار الـجنين المتوجـّره * ونـار الضلوع المتكسِّره

گلبك حـمَل يانـار * من هجمو إعله الدار

* * *

جرحك صُبح محراب - دم او دمـع سچّاب - إرتفعت نيـرانه الملتهبه

عندك ضلع مِنعـاب - وعندك طفل منصاب - متخضّب طاح إعله العتبه
إلـمن دليلك ذاب - أَسـأَل واريد إجواب - يالوعـه أَكثرعندك صعبه
ياهـو الأَشداصواب - بگلبك يداحي الباب - ولـمن دمعاتك منسچبه
واليامصيبه إِتـهل الدمع * عالـمحسن أَكثر لوعالضلع

نسـأَل يـحامي الجار من هجمو إعله الدار

* * *

من عالـم الارواح - صوت الملائك صاح - هاذه الهادي تسيل ادمومه
دم الـجنين الطاح - ودم البتـول الساح - دمّيـن إِبفد دم مجموعه
إِلـهم مُحمد ناح- رسمه ابـوجهّم لاح - وبوجها إِصورهم مطبوعه
حيدر عليهم راح - وبروحه كثره اجراح - تنثر نـاروتشهكَ لـوعه
نفس الفجيعه ونفس المصاب * حيدر علي إِلهم گلبه ذاب

هـاذه الحصل والصار من هجمو إعله الدار

* * *

ابو ياسر الكعبي

[كريم السعبري]

ضلع وطفل مذبوح =ياهو اليفت الروح =ياهومصابه الاثر اكثر
ابوياسر الكعبي ابداع في ابداع
وانت اهل الابداع
فليس غريب ان نسمع اونقرء من ابو ياسر الكعبي
هذه التحفه المحمديه
تحياتي

[رياض الرسل]

السلام عليكم

حبيبي الغالي واستاذي
الشاعر ابو ياسر الكعبي

ليس بجديد عليك هذا التألق والابداع
منك اتعلم ابجديه الكتابه ياغالي

كم مشتاق اليك

خادمك
ابو عباس

[روح الكلم]

لله درك يــ /الكعبي
في كل مرة تتحفنا بسفر نستهل منه قداسة تغسل معين الاحداق
حييت ايها الغيداق وجزيت عن كل حرف ما لا عين رأت ولا اذن سمعت
تقبل مروري
تقديري ودعائي

[قاسم حتروش]

إبّيت الوديـعه شصار * من هجمو إعله الدار

لعن الله كل أقتحم دار الزهراء قسرا

[ابوتكتم الخير]

الباكي على الزهراء
الكعبي الموالي قبل الشاعر
قصيدة بإسلوب رائع وقافيتين متنوعتين
أبدع فإن الأبداع حليفك
الدموع والأهات في كل كلمة وبيت
أحسنت وبارك الله فيك
دمت بالأيداع موشحا

[ابو ياسر الكعبي]

اقتباس : المشاركة الأصلية كتبت بواسطة كريم السعبري [ مشاهدة المشاركة ]

ضلع وطفل مذبوح =ياهو اليفت الروح =ياهومصابه الاثر اكثر ابوياسر الكعبي ابداع في ابداع وانت اهل الابداع فليس غريب ان نسمع اونقرء من ابو ياسر الكعبي هذه التحفه المحمديه تحياتي

شاعري الكريم
السعبري كريم
مازال قلبك يغدق بكرمه على سواحلي
جزائل شكري لكل هذا الاطراء الذي لستُ اهلاً له

تمنياتي لك بالتوفيق

[ابو ياسر الكعبي]

اقتباس : المشاركة الأصلية كتبت بواسطة رياض الرسل [ مشاهدة المشاركة ]

السلام عليكم حبيبي الغالي واستاذي الشاعر ابو ياسر الكعبي ليس بجديد عليك هذا التألق والابداع منك اتعلم ابجديه الكتابه ياغالي كم مشتاق اليك خادمك ابو عباس

العزيز
ابو عباس

يخجلني مرورك مرات ومرات ومرات

ولايجد عندي غير الدعاء لك بالتوفيق والسداد

لك في القلب امنية بالسعادة

[ابو ياسر الكعبي]

العزيز
أبا تكتم
وقوفك على سواحلي
يعني لي الكثير.............
لاعدمتك اخي الكريم

لك في القلب امنية بالسعادة

[سفينة البحار]

الرائع دوما ابو ياسر الكعبي
احسنت واجدت فيما نظمت من در ولائي
لك مني دعاء بدوام الموفقية