[كريم السعبري]

بمناسبة استشهاد اول مظلومه من ال محمد صلى الله عليه واله
اكتب قصيدتي
ضلعج يم حسين نصاب مابين الحايط والباب
ماعندج ذنب شسويتي وبهاي اللوعه تاذيتي
========
عجيبه بلاخجل دفعو عليج الباب وانتي الدنيه كلهه تسجد ابابج
يابت النبوه وخيرة الاخيار نبجي دموم من نتذكر امصابج
نسوهه المستحه وماحشمو المختار ونار احقادهم لهبت عله اعتابج
وبسمار المنيه بصدرج المصيوب بوسط الجسد نام وبالظلع شابج
يعينج الله بهذا الحال مردو يل الزهره الدلال
وبهم البيج وناديتي وبهاي اللوعه اتذيتي
===============
يارحمة الباري اليوم ودعناج وقاموس القيم من عندج اتعلم
هضيمه الجسد منج يم حسن ينصاب وهضيمه الجسد منه يسيل اطهر دم
ياشمس النبوه وسطع بيهه الكون واسمج للجرح يم الحسن بلسم
تهيج جروحنه من ينذكر طرواج وبزغ نورج علينه وبعد ماينضم
\يارحمه ونزلت عل الكون الشيعه لذكرج يحيون
بكل كلب محبتج خليتي وبهاي اللوعه اتاذيتي
=============
وبهذا الامر مرت عليج ادوار وحملتي الي جره يم النبي بصبرج
حيدر للخليفه من مشه مجتوف عليج اصعب يحره من جرح صدرج
محسن والصدر والضلع والبسمار جمعهه الخليفه وحزمه دهرج
عمر زهرة نبوه وخلص بالاحزان وللعشرين انتي ماوصل عمرج
شفتي من دهرج الام وياوسفه المثلج تنضام
للشيعي بحبج غذيتي وبهاي اللوعه اتاذيتي
============
عليج اصعب يحره من مشه الكرار لعد بيت الخلافه حاطته العسكر
لاانتي ولا كل بشريعقل هاي ولا ارجح عقل للصار يتصور
مو عادي الرجل حته مشه مجبور بس تاج البشر هو المشه حيدر
صد بعينه الج مهضوم ابو الحسنين جاتفته الوصيه بنظرته اتعذر
يتعذر من ام حسين خجلان بنضرات العين
بوصية الهادي انتي دريتي وبهاي اللوعه اتاذيتي
=============
ومحسن من وكع عل العتبه موشفتيه يعينج الله يم حسين عل المحسن
وكع كل كبرياء الارض لوتدرين السماوات السبع ضلت عليه تون
بعد بيمن نئمن عله هذا الصار بصحاب النبي مانكدر نئمن
اذا هو صحابي ودفع بيده الباب شيفعل مبغضج مانكدر نخمن
نحتار لهمج نحتار من سعرو بالباب النار
وصحتي بصوتج حركو بيتي وبهاي اللوعه اتاذيتي
===========

[رياض الرسل]

السلام عليكم

كريم السعبري

كل الشكر والتقدير لك مني
على هذه القصيده واسأل
الله قبولها منك يارب
دمت بكل خير

رياض الرسل

[ابوتكتم الخير]

يارحمة الباري اليوم ودعناج وقاموس القيم من عندج اتعلم
هضيمه الجسد منج يم حسن ينصاب وهضيمه الجسد منه يسيل اطهر دم
ياشمس النبوه وسطع بيهه الكون واسمج للجرح يم الحسن بلسم
تهيج جروحنه من ينذكر طرواج وبزغ نورج علينه وبعد ماينضم
\يارحمه ونزلت عل الكون الشيعه لذكرج يحيون
بكل كلب محبتج خليتي وبهاي اللوعه اتاذيتي

السلام عليكم سيد كريم السعبري
شاعر الزهراء
قصيدة كتبتها لك الزهراء
بحروف من نور في صحيفة أعمالك
سيدنا الكريم أجدت
ودي

[كريم السعبري]

اساتذتي واخوتي الاعزاء

رياض الرسل

ابوتكتم الخير

شكرا لمروركم وهذا فخر كبير

ومديح لااستحقه من شعراءكبار مثلكم

وفقكم الله

[القلب الاسير]

اللهم ارزقنا واياهم شفاعة فاطمة الزهراء سيدة النساء ام شهيد كربلاء بنت سيد الارض والسماء زوجة وصي خاتم الانبياء
يوم الورود بحق محمد واله الطهر عليهم افضل الصلاة والسلام
تقبل تحياتي ومروري البسيط ولك كل التوفيق انشاء الله

[كريم السعبري]

حبيبي احمد رفيش
مرورك على كتاباتي
فخر وسعاده لي
انا ممتن لكم