[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

رقيــــــــــــه شهيــــــــدة الألـــــــــــــــم
ــــــــــــــــــــــــــــــــــــــــــــــــــ ــــــــــــــــــــــــــ
يارقيه يازغيره إعلى الألم == ريت عد قبرج أكون إمن الخدم
ــــــــــــــــــــــــــــــــــــــــــــــــ
ريت ازورج كل وقت واجري الدمع == وأشبع إزياره إو أعِلْقَه للشمع
وإغسل إجروحي إبضريحج وإستمع == صوت من خلف الضريح إو بي شمم
ــــــــــــــ
يانبع صافي إو حوه طيب الحسين == ياسليله إو طيبه من طيبين
ياحفيدة فاطمه بنت الامين == من مصابج كل محب نار إنضرم
ـــــــــــــــ
ريت ويّاج إو أشوف إلْلي حصل == يوم جابوا راس ابو اليمه إو مثل
وإنتِ شفتيه إو دمع منّج همل == نور صار الراس يضوي وبكرم
ـــــــــــــــ
وإنتِ ظنيتي الأبو حي إو عدل == شفتي راسه البلطشت دمعه يهل
فاضت الروح إبسقمها تشتعل == والحزن زاد إو قلب زينب ورم
ــــــــــــــ
ما حملتي شوفة الراس الجريح == وإنتهى عمرج يبت اشرف ذبيح
بس بقيتي صوت بالكون الفسيح == صادح إينادي إبأرق وأحلى نغم
ــــــــــــــ
مو غريبه إنتِ بقيتي إبحضرتج == عاليه إتلوح الأعالي قبتج
والاحبه تعتنيج إو تقصدج == تاخذ إمراد إو تعود إبلا الم
ــــــــــــــــــــــــــــــــــــــــــــــــــ ــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت الرادود ابو كرار العراقي
على الرابط التالي
http://www.wlidk.net/dldkbD58528.mp3.html