[على العاشق]

لتساوين واحد غيرته السيف
وي واحد جبان ومبدئه رچيچ
وشجاب الگعد يا روحي الغروب
على واحد گعد وي صيحت الديچ
فرق بين اليدگ الباب ويفوت
وبين الي يفوت امنشبابيچ
وشمالچ يروحي ما تفرقين
بين الي يجرحچ واليداويچ
طبعچ ليش هذا وما تبطلين
تضحكين بوجه حتى اليأذيچ
أمس من طاح يمچ أنتي شلتي
وجسر صرتي الجروحه وعبرن اعليچ
أمس صرتيله عين الچان ميشوف
ولمن شاف راد بسرعه يعميچ
أمس صرتيله شمعة بوحشت الليل
وأجاچ اليوم نفسه يريد يطفيچ
يروحي شگد لويتي الخاطره چفوف
ومن شافچ تعبتي يريد يلوچ
صحتي وما أجاچ وأنتي يا روح
رگض ترحين اله ابلا ما يناديچ
وسط النار طبيتي ونقذتي
وهسه الجمر بيده يريد يچويچ
منعنده الحمل يا روحي شلتي
وهو ايزيد حملچ حتى يحنيچ
ما ناسيچ هو ولا تأمنين
بالحط سيفه بيچ وراد ينهيچ
متيقن يذكرچ وانطي برهان
لأن غمض اعيونه وگال ناسيچ
نعم ضحكچ هو سنين وسنين
وصحيح السانه صافي من يحاچيچ
ولكن مو نضيف اگليبه والله
يا روحي النضيفه يريد يعديچ
وهذا اخر كلامي وياچ يا روح
والتزمي بكلامي الله يخليچ
وره الضحكچ لا تمشين يا روح
وركض روحي يروحي اعله اليبچيچ

ولكم اطيب التحايا
العاشق

[نور المستوحشين]

بانتظار المزيد من مشاركاتك

تحياااتي نور...

[ايمان حسيني]

الف شكر اخي العزيز على هالقصائد الحلوه ننتظر جديدك المميز دائما

[عادل الناجي]

هذي الكلمات اذتني واتمنى لو تحملو شويه مني
لان بعد ما اكدر اتحمل اكثر
شرد اگلك عالوضع شنهي الجديد ..
انته يا بيت التطبله وما كو بيه صورة شهيد ؟!
شرد اگلك ..عن رياضي العاف اهله ..
ابخير .. وبصحه .. وسعاده ..
ورايح ايمثل بلاده ..
ومن رجع ما شاف واحد .. شاف بس كومة حديد
وبيته طايح فوگـ اهله
وما مصدگـ .. مدري وهواس ابخياله
وناس غربه .. وعدهه غيره .. وطلعوا جثة جهاله
وياهو ليروح ويگله ؟؟
ايگله بس انطيني مهله ..

وشرد اگلك عالوطن ما بيه امان ..
انه سامعهه بوكت ما كان .. كان
چانت امي بزغري انه .. اتسولف القصه وانام
اتعودت كلما انام
يمه .. وعفيه يمه القصه اريد
ورايد اسمعهه ابحنان .. يمه كلهه ومن جديد
وشرد اگلك واحد امتاني العزيز
يمته يرجع ؟ يمته يوصل ؟
ومن وصله الخبر ميت !!
راد يصفگـ ايد بيد ... وما گَدر ما عنده ايد !
ما ملك بس ايد وحده .. وبس دمع جاري اعله خده ..
وشارد امن الدنيه شرده ..
جاي تسألني شتريد ..؟
جاي تسألني شگلك .. شنهو اريد وما اريد
انه اريداً كلشي اريد ..وكلشي منك ما اريد !
انه اريد لكل فقير اتصير بسمه ..
وترسم فوگـ الشفايف
وانه اريد لكل يتيم ايردله حلمه
وما ينام وهو خايف ..
وانه اريد لكل مواطن عنده كلمه
وتنحچي ابوكت السوالف ...
ما يخاف ..
انفكر احنه اشوكت نسمن ؟ .. واحنه كاتلنه الجفاف

واحنه وصلتنه المجاعه
وناس ملتهيه ابنواط الشجاعه
انه اريد .. النوط نفسه .. وكون ينطونه لفقير
بس اريد انبدل اسمه ...
وبشرط نوط القناعه ..!!
وشرد اگلك عالمصايف ..
ناس مصيفهه البحار .. وناس مصيفهه بالجوادر
وناس نامت عالخضار .. وناس ماتت عالمنابر
ناس تفتر ابمنزه .. او حديقه
وناس تفتر بالمقابر
امريه حجيه خطيه ..
والوكت حيه دفنهه ..!!
وجايه ادور اعلبنهه ..
وشرد اگلك ..
عن ابنهه اشلون مات ..؟
گاعده وتدعيله يرجع بالصلاة
وهيه سمعت صوت باب اندگـ عليهه ..
وركضت ابلهفه تفتحه ..
وسلموهه أبيديهه اوراق الوفاة
انته ما تدري ابوضعنه ..
جاي تسألني شتريد ..؟
انته يا بيت التطبله ...
عود ماكو بي صورة شهيد ..؟!

واليرحم الله اخونا الشهيد سيد ع