[خالد محمد مهدي]

اربعينيه ((كعده))
(( نار الباب))
***************************
نار الباب ونار خيمنه**ضلعݘ وضلوعه تالمنه
يايمّه بعدنه أوردّينه
يايّمه حسين أمتانينه**ضلعݘ وضلوعه تالمنه
***************** ********
يمه اسولفلݘ ودمعـــــــــي **مانشف للساعه يمّـــــــــه
عيني شافت ضلع دامـــي**وبالگلب خلالي لجمــــــه
وصار صبري وياي يكبر**رافگ اسمي وصاراسمه
حيدره محرابـــــه بݘـــه
ݘبد الحســــن سمَّه شݘه
الگلب سولفلــــي أشحݘه
عن ضلوعه أوفيض دمه
ليل موسَّد ناطـــر دفنه // اخذونه الظلاّم أورحنه
يايمّه ظل حاير بينه**يايمّه حسين أمتانينه
****************
يمه اخذوني يسيــــــره ** بردني اتستر الحالـــــــــي
وصرت الوذ بين همّي**وصرت الوذن أبخيالـــــي
سوط فوگ المتن يشـهد** وراس فوگ الرمح عالـي
خلَّيته ابن عقد الــولــه
جثه سليبه مرمـلـــــــه
من ݘفنّه من غســــله
وصار حال الظيم حالــــــــي
وأيتامي شردت مرعوبه // ادَّورعن واليها وصوبـه
يمه ماظل ݘف يحمينه**يايمه حسين متانينه
****************
ياوكت طف كربله اوصل**وتحݘي دمعاتي أويّ گبره
عالوجه مگلوب عفتـــــــــه** شرّف الطف دمه نحـــره
ريتها لضّلوعي رضَّــــت **الخيل من داست ابصـدره
نار الِّي بابݘ حرگتـــــــه
حتَّه المخيـــــــــم لهـــبته
حقد السقيفه جابتــــــــــه
اصلاب من اصلاب قذرة
شوكت اوصل واشتم من طيبه // وجروحي ما إلهن طيــــــــــبه
يايمّه فراگه ماذينـــــــــــــــــــه**يايمّه حسين متانينه
****************
يمه أمشي أوياي أَگعــــــده**أحݘي ماريدن عتابــه
جرحي ادري جِرَح كَلبـه **فوگ لوعاته أوعذابــه
جرح الاكبر جرح جاســم**جرح عباس أومصابه
ظهر المنيـَّــــــه من سرج
اتشوفــــــه بالموت ابتهـج
وصحبته الضَحت بالمهج
بالدمه وافت اصحابــه
وعباس العامــود بهامه // طاح وخلاني منـــظامه
يايمّه بݘفينه أوعـــينه**يا يمّه حسين متانينه
***************
طفل گمطنّه زهوره **طري غصنه وبعده مايل
والعطش يبَّس شفافه **شأخذ منهم بالمقابـــــــــل
السهم ينحَر وريـــده **نزف دمَّـه أو ورده ذابـل
عطشان وبنحره انرمه
وگماطه سابح بالدمـــه
بعيوني دنيه مظلمـــــه
هم لزم سيف ويقاتـــــل
رقيه بأرض الشام إدفنّه // طيرين اترفرف بالجنـه
يتيمه ومفطوم أمأذينــــه**يايمه حسين متانينه
*****************
يُمّه ياليل اليمرنــــــي**أتهيج روحي ونـار تسعر
اظلم اليــوم الاصّبحه**گلت اصبّر گلبي واگــدر
ابقه بجروحي اداوي**وݘبدي يــابضعه تفسّـــر
ضل اليتيم بدمعتــــــــه
بالغربه صارت سلوته
تصعب عليَّه شوفتــــه
وانتي اعرف بعد اكثر
دم نبݘي وتبݘين علينه // هَــم امصّبحنه امسّينه
يايمّه للطف ماشينـــه**يايمّه حسين متانينه

[أبن الكاظميه]

ااااه من فجيعة الباب والمسمار بضلع الزجية بضعة المختار
شكرا للابيات المؤلمة

[خالد محمد مهدي]

اسأل الله أن يمنن عليكم برضاه
لمرروركم ومتابعتكم المستمره
وفيضيكم الروحاني والعاشق للعتره الطاهره
كتبني الله على خطاكم
شكرا // ممنون