يَمّي كــــــون حاضر بالجــره والصار
لحصد روس كــــل ألهِجْمَوْ أعله الدار
********
انه العباس والكل يعـــــــــرف بزودي
وكل الناس تعرف بيــــــــــه وبجودي
أبّيت آل النبي طك ونبــــــــــع عودي
وخَذِت منهم شجاعة ومرجله وأسرار
*******
خذت منهم عقيدة وكــل أصول الدين
وفنون الحرب مــــــن والـــد السبطين
الإبـــاء تعلمت مــن الحسن وحسين
وتعلمــــت ألوفــــه والطيب والإيثار
*********
يوم الباب لمّــــــن عِصْــــــــــرَوْ الزهره
تمنيت أني حاضــر وأنصـــــــــر ألعتره
جان اللي كرب يمـــي انتهى عمره
وأروّي السيف منهم زمـرة الأشرار
*********
جان اللـــــــي كرب للدار يمي أنداس
واكطــع روس ذولـــه زمرة الارجاس
وذكرهـــــم ينكطع مـــا بين كل الناس
ومــــــــــــا بقي أثر للي اعتده والجار
**********
مهما يكون هذا اللي أعتنــــــــه اسمه
انه بسيفي اروّي الكـــــــــاع من دمه
كبل مـــــــــا يوصل الدار ويجي يمه
روحـــــــه من الجسم اخطفهـا بالبتار
*********
جـــــــــــان اللي اعنته للباب وادفعها
وعصـــــــر أم الحسن بالحايط فجعها
كبــــــــــــــل ميمدها ليده أيده أكطعها
واخلـــــــــــــــي هالامر لليعتدي تذكار
********
جان اللي رفع أيديـــــــه واسطرها
كبل ميشيل أيــــــــــده أيده اكسرها
هاي أم الحســــن معروف ليضرها
جهنم مسكنه وخالد يضـــــــل بالنار
********
زمرة اللي اعتنت جان الهم أتصديت
ومــــــــا رد منهم مخبر جمعها فنيت
كبل مـــا تعتدي وتوصل حدود البيت
اجزرهــــــــم أضاحي كبال باب الدار
*********
بجفوفي أسألك يـــــــــا الغني القيّوم
وضلع أمي ألزجيه ومحسن المظلوم
تعجّل بالفــــــــرج للغايب المعصوم
وتعينه يربــــــــي بيوم أخــــــذ الثار
يَمّي كــــــون حاضر بالجــره والصار
العرض المتطور
