تشب النار بيج الليله وتزود*** بجت عينج يزينب وآنه موجود
وحك دمعج يزينب*** لخلي طفوفي تلهب
*****************************************
يزينب ظل جفوفي يحامي هالناس*** وانه جندي الخدر ولآخر انفاس
منهو اليوصل ويدروني عباس*** اليهم على الخدر يرجع بلا راس
اكص راسه لونه الخدرج يشوف*** ودم الغيره يسري ابين الجفوف
لخلي الزلم تنحب*** لخلي طفوفي تلهب
**************************************
يزينب أمشي للنهر وتخيلتج*** وانه بسيفي أبيض وجهي يم امج
عطشانه يخيتي وبس حزن يمج*** واحس همج عليه يجري وي دمج
يخيتي النهر اجره لحد الايتام*** ولعينج عيوني افدتهه بسهام
واخلي الحومه ملعب*** لخلي طفوفي تلهب
*****************************************
يساري بخدمتج يختي ويميني*** ويم خدرج وقف انذر سنيني
سيوف الغيره حتى بنظر عيني*** وعيني عليج لو كصو ايديني
نظراتي سيوف ترد الارجاس*** ولي ارماح انرمت وبزفر الانفاس
ولون هامي تخضب*** لخلي طفوفي تلهب
*****************************************
يزينب لو طحت وانتي تشوفي*** اذا تنخيني تزحفلج جفوفي
والي غيره بعد حتى بسيوفي*** عهد من غيرتي ولازم توفي
ولون راسي تعلك يمشي للشام*** تره عيوني عليج وهاي الايتام
ولون كوني تحزب*** لخلي طفوفي تلهب
*****************************************
أبو مريم الاسدي
رقيه وزينب عليهما السلام
العرض المتطور
