[منذر الساعدي]

لا تدهربهن عَليه امدهربات
حسين الساعدي

لا تدهربهن عليه امدهربات
كبل لا تنولد ذني ابراسي

عاين الصفحات كلها امفشخات
عله ياصفحه تريد اتواسي!

عَدد أكبر عدد وبهاي الحيات
عن قياسك يختلف مقياسي

تعلن افلاسك لأن ربحك شَتات
وعندي غيره وما علنت افلاسي

انته ناسك من ملايين الجهات
وأنه تنعد بالأصابع ناسي

لكن انته اتحير لو رت النجات
وأنه اغمض وأمشي ويه أحساسي

كاسك الخابط اعيونه امخلطات
وأنه صافي وأدري شني ابكاسي

انته بخوة يوسف اجفوفك ثبات
وأنه جَلبت ابردن عباسي

حسين الساعدي

[جوهرة الجنان]

الله الله

انته بخوة يوسف اجفوفك ثبات
وأنه جَلبت ابردن عباسي


قصيدة روعة


بارك الله فيك يا مبدع

[منذر الساعدي]

اقتباس : المشاركة الأصلية كتبت بواسطة جوهرة الجنان [ مشاهدة المشاركة ]

الله الله انته بخوة يوسف اجفوفك ثبات وأنه جَلبت ابردن عباسي قصيدة روعة بارك الله فيك يا مبدع

وبارك الله بمروركِ الاروع
الرائعه جوهرة الجنان
دمتِ بخير مع اجمل التحايا