[شبكة جنّة الحسين]

تقبل يشيعي غيرتك زينب يســــــــــــلبوها********مسبية ويه العايله للشـــــــــــــــام يهدوها

تقبل يشـــــــيعي غيرتك من طاح ابو اليمّه********طلعن خواته مـــــــن الخيم و تجمّعن يمّه
شافنه مرمي اعله الثرى و مخضــب بدمه********راسه على راس الرمــح و رگبته حزوها

حين اللي شافت حالــــــــــــته نادت يوالينا********ياهو الذي يباري الحرم عگبك يبو سكينه
لو هجمت علينه العــــــدى ياهو اليحامينه********عدوان ما عدهــــم رحم و الغيره نزعوها

يا شيعي ساعه و العدى هجمت على العيله********ايتام فرّت بالفــــــــــــــــلا و المدمع تسيله
ما ظل محامي من الاهــــــل للحال تشكيله********سلبو حللها و اليزر و الخيم حرگــــــــوها

فرهود صاحو بالخيم حين الإجــــه العسكر********و الخيل ظلت و الزلــــــــم بين الخيم تفتر
سلبو خمرها العـــــــــايله و المقنعه و اكبر********اللي تمانــــــــع يا علي بالصوط ضربوها

يا شيعي ظلت حايــــــره و اللون مخطوفة********كافلها يم المشـــــــــرعه و مگطعه ݘفوفه
و الگــــــــــــــوم نيتها بيسر تاخذهه للكوفه ********اعله نياگ هــــــــزّل للحرم كلهه يركبوها

بالصوط ضربوها الحرم و اطفال ابو اليمّه********گامت تنادي مـــــــن الهظم يم الحزن عمّه
اشوف الكفيل اعله النهر و مخضّـــب بدمّه********و حسين بخيول العــدى لضلوعه رضّوها

دارت وجهها للنجف و الدمـــــــــــع يتجاره********نادت يبويه يـــــــــــاعلي الما ينهظم جاره
ذبحو حســـــــــــــين بكربله ما جتّك اخباره********من فيض دمـــــّه اللي جرى تربتها روّاها