[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

جعفـــر إمامـــــي ( ميمر في مولد الصادق عليه السلام )
ــــــــــــــــــــــــــــــــــــــــــــــــــ ــــــــــــــــــــــــــــــــــ
جعفـــر إمامـــي إبمولده فرحانـــه == أرض إو سمه إو نور الولي غطانه
ـــــــــ
أرض إو سمه فرحت تنادي جعفر == أهــلا وسهــلا بيك يابــــــن حيدر
ﻋﺷﮔــي إلك يبن الرساله أخضر == ما ينمحي هذا اﻠﻌﺷﮓ عنوانـــــــه
ــــــــ
ما ينمحي هذا اﻠﻌﺷﮓ عنواني == عنـدي أمل إوفي الزﭽيه آني
ثابت على نهج النبي إيمانـي == حب عترته وسط اﻠﮔلب نيشانه
ــــــ
حُب عترته واجب فريضه إعلينه == وإبمولــــد الصـــادق نهنـــي جينه
سادس إمام اليــوم مِتْرجينــــه == من عترة الهادي القدير إنطانه
ـــــ
من هيبة الهادي أخذ أنواره == وإحنـه إجينه إنبارك إو خطاره
محظوظ كُل مَنْ بالمدينه زاره == للصـــــادق الغالي تظل نجوانه
ـــــ
والصادق الغالي يظــل نبراسي == جعفر إمامي إو بيه رافع راسي
وإبذكر أبو موسى تطيب أنفاسي == بسْمَه تطيب إرويحتي الحيرانــــــه
ــــــ
بِسْمَه تطيب إرويحتي المهمومه == وأفرح وهنّي إبمولده وإبيومــــــه
راعي العلم أصبح معيني دومه == علمه مله الدنيه يشع مولانــــــه
ـــــــ
علمه مله الدنيه يشع يهديها == أمة محمد معرفــــــــه ينطيهــــا
للحق أبو موسى الأبي يحديها == يروي ظماهــــا للعلم عطشانـــــه
ـــــ
يروي ظماها بالعلم والقــرآن == ينقذها من شر الظلم والطغيان
هالأمّه يحميها إو يعلّي الأركان == يحيـــي الشريعه إبهمته إو إيمانه
ــــــــــــــــــــــــــــــــــــــــــــــــــ ــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.alshiaclubs.com/upload//view.php?file=2e587cc099

[سفينة البحار]

الله يوفق هالقلم ياحظه
ندعيله بارينه القدير يحفظه
وكون الشفاعه من محمد يحضه
ويخلي حب آل النبي عنوانه

تحيــــــــــــــــــــــــــــــــاتي

[جابر النجفي]

اقتباس : المشاركة الأصلية كتبت بواسطة سفينة البحار [ مشاهدة المشاركة ]

الله يوفق هالقلم ياحظه ندعيله بارينه القدير يحفظه وكون الشفاعه من محمد يحضه ويخلي حب آل النبي عنوانه تحيــــــــــــــــــــــــــــــــاتي

ــــــــــــــــــــــــــــــــــــــــــــــــــ ـــــ

بسم الله الرحمن الرحيم
اللهم صل على محمد وآل محمد وعجل فرجهم
الاخت سفينة البحار
اشكركِ وفقكِ الله لتنالي شفاعة محمد وآله الطيبين صلى الله عليه وآله

[ابو ياسر الكعبي]

كلّش عِذِب يامحله وزن الميمر
بيه القوافي اعله الشعر تتبختر
كلمن يوالي آل النبي مايخسر
هُمّه القٌطُب للكون هُمّه أركانه


"
جابر النجفي

موفّق موفّق موفّق

[جابر النجفي]

اقتباس : المشاركة الأصلية كتبت بواسطة ابو ياسر الكعبي [ مشاهدة المشاركة ]

كلّش عِذِب يامحله وزن الميمر بيه القوافي اعله الشعر تتبختر كلمن يوالي آل النبي مايخسر هُمّه القٌطُب للكون هُمّه أركانه " جابر النجفي موفّق موفّق موفّق

ــــــــــــــــــــــــــــــــــــــــــــــــــ ــــــــــــ

بسم الله الرحمن الرحيم
اللهم صل على محمد وآل محمد وعجل فرجهم
الشاعر القدير ابو ياسر الكعبي
اشكرك كثيرا احسنت واجدت بارك الله بك وكل عام وانت بخير

[سكينه الحزينه]

***روعة جداً ما كتبته
واحساسك فاق كل الروائع
لم استطيع سوى كتابة تلك الكلمات البسيطة جداً
فتقبل مروري ببساطته***