ما وصل شيعي أمس يـدفن حسين ***** وطلعت الأعـراب سكــته ودفــنـتــه
وهــسه كل الناس تبجـيله وتـنوح ***** ومن شمــال الصــيــ...ن وادم زارتــه
يـالتـزور حسيــن أصـبـر لاتــزور ***** إقــره ليش حسين قـامــت ثــورتــه
حتى من تــنـزل دمعــتك عالحسين ***** تعــرف شكـــد الثـــواب بــدمعــتــه
تــدري ليش الميت أيعصره الكَبر؟ ***** وتــدري شيصــيح الكَبر في ميته؟
خاف حابس دمعه في حق الحسين ***** اليـوم تــطــلع من ظــفــر سبابــتـه
وحتى تعــــرف منك شرايـد حسيـن ***** مــو تــزوره وانته جـــاهــل غايته
حسين رايد روح تنهـض بالضريح ***** مــو تحــط ديــنار ماهــو بحــاجته
روح عــلك كــلـبــك ابـاب الحسيـن ***** وشيل كل هـذا الذهـب من حضرته
حسين مـا محـتــاج عـــالكبه ذهــب ***** الــذهـب مـحـتــاجــه راح الكبتــــه
والناس لوتري الذهب قصد الحسين ***** جـان ما نــصـرت يـزيــد وخــانته
وياهو كال الشيعه فقدت جم حسين ***** وياهــو كال هــوايــه وادم تبعــته
صاح صوت من السمه بمقتل حسين ***** وبعـــده لسه يصيح محــد سكته
من ذبحــتـو حسين بكيتو الشمس ***** بس خــيال حسيــن يشتم الــهـــوه
ومن بكَت عين الشمس ظوّة ظلام ***** وكلشي صار خيال وحسين الضوه
أقنعتكم كلها طيحــها الحسين ***** الثوره ما خلت وجه ما كشفته
وحرتو شتلّبسون سيدكم يزيد ***** وهيّ كل الشيعة عرفت صورته
ومن فضحكم نور سيدنا الحسين *** سيوفكم للراس راحت كصته
وتالي حرتوا ما طفه راس الحُسين ***** وفوك راس حسين ضوّت جثته
ومن فشلكم شلتوا راسه إعله الرماح ***** وكَلتوا راس حسين نزلت قيمته
ماتنزله رماحكم راس الحسين ***** بالعكس عالروس كلهن علّته
ثبتت الكفار فوزك ياحسين ***** والجرى بصفين بالطف عادته
بس فرق شلت يزيد بكربله ***** ما لكَت قرآن، راسك شالته
وبقت جثته حسين تضوي إعله التراب ***** ونتقل نور الحسين بتربته
وهسه كلمن يسجد بتربة حسين ***** تنزل الجنة تختمه بكصته
وأنتو بيكم بينّت شارت حسين ***** وما علينه شلون بينّت شارته
المهم فوزين فزنا إحنا بحسين ***** فوز حبه وفوز فضل زيارته
الله يحسب حجة وحدة بكل سن ***** للسبع مرات طايف كعبته
وإحنا لو رحنا مشي نزور الحسين ***** نمشي كل خطوه تعادل حجته
وياهو كال الشيعه ما عدها عقل ***** راحت النهر الفرات اولامته
لأن ملجومين نعتب عالفرات ***** إحنا ندري حسين ماهو بعازته
حسين لو رايد صدك ماي الفرات ***** جان ما ضكه العطش يم ضفته
جا وكف كله الفرات ابكربلاء ***** ودنك علحسين باسه بشفته
وجا روى العباس من دمه الشريف ***** وجا كطع دابر يزيد وشلته
وجا ولا واحد شرب ماي السبيل ***** وجا تموت من العطش كل شيعته
حسين لو ما معتني اورايد يموت ***** جان ميّة باب فك العبرته
حسين مايكدر يفك ماي الفرات ؟ ***** وموسى شك النيل شك بعصته
أحسين أبو السجاد شايل ذوالفقار ***** يعني لو طك الفرات يشتته
وجان ما يضرب سهم عنق الرضيع ***** وجان ما حنّه السمه بدم ركبته
وجان ماضل جون يضوي عالتراب ***** ولا تعطرت كربلاء بريحته
ولا يتوب الحر على إيد الحسين ***** ولاثبت للناس فوزه بتوبته
وجان كله الدين طاح ويا الحسين ***** ومابقه العباس رافع رايته
راية العباس ما رادت تطيح ***** لكن إنكطعت يساره ويمنته
وطاحت جفوف الكمر فوك التراب ***** وطاحت الرايه إعله جفه وباسته
باسته ورادت تمس خد التراب ***** كام جفه الوحده وكظ رايته
سيدي العانيته من شلت يزيد ***** فوكه عشر أضعاف زينب عانته
فوك كبرك وكفت وصاحت حسين ***** خويه ما قاسيت ما اختك قاسته
من طحت يحسين ما شفت الحسين ***** شلون حدوات الحوافر داسته
وماشفت بشعت ذبحتك من قفاك ***** والرماح شلون راسك شالته
وما شفتني شلون جروني اليهود ***** وإبنك السجاد حركوا خيمته
وما شفت يحسين من يضحك يزيد ***** وبالرمح عالكاع راسك ثبته
شلون مانبجي وندك لاجل الحسين ***** وكل سنه بعاشور ننصب مأتمه
إنكسر ظهر الكون من طاح الحسين ***** والجبال من اللطم متثلمه
ولأن ماكو جفوف وتدك النجوم ***** تنهدك علكاع وترد للسمه
تدري شنهي المعجزه بلطم الحسين؟ ***** ما تموت الناس لو تمطر دمه
ويه كل جف يرتفع يوكف ملاك ***** شما يدك الشيعي صدره يقدمه
وعدنه بالشيعه زلم لولا الملاك ***** جا صدرها بضربه وحده تهشمح
روح للمذبح تلاحظ كل ذبيح ***** يلاوي بالقصاب من كد حرقته
والذبيحه من نذرناها للحسين ***** لزمت الساطور هي وحدته
والماي يطفر من حضن حب السبيل ***** حتى يروي صدور ناس الشربته
والنار ما حركت ظهر قدر الثواب ***** ثوب أسود عالحُسين إملبسته
ويبقى صابغنه السواد إعله الحسين ***** ونبقى للميعاد نذكر ثورته
مظفر النواب ينعى الامام الحسين عليه السلام
العرض المتطور
