أوفي بوعدي ..... بالدم أفدي
ريحانة سيد الأكوان
****************
آنه إبن شمعة محمد ........ آنه إبن سيد الهواشم
هذا أبوي وهذا صيته ....... الحسن سيد المكارم
الكرم والجود ضيفه ........ والحلم بمضيفه نايم
بالحرب معلوم سيفه ........ وبالعلم تدرونه عالم
من برز يخطب بيها .... هذا القاسم
خيل وزلم يفنيها ...... هذا القاسم
الكرار جدي ..... بالدم أفدي
*****************
برز عريس الهواشم ......... ينادي ياطغمة أميه
هذا ريحانة محمد ........ضامي بأرض الغاضريه
وأدري إتعـرفــون أمه ... فاطـمـه الزهـره الزجيــه
وأعرف إتسفكون دمه .... عل الترب فوك الوطيه
ياشيعة بني سفيان ...... هذا القاسم
عريس وزين الشبان ..... هذاالقاسم
العهد عهدي ..... بالدم أفدي
***********
توسط الجيمان جاسم ..... يروي سيفه من دماها
يرتجز بجيوش إميه ...... آنه أبن حامي حماها
حيدر الكرار جدي ..... بدمكم الغبره رواها
والزلم طشار صارت ..... فرت ونكس لواها
متجه صوب الصيوان ..... هذا القاسم
لاما يهاب الجيمان ..... هذا القاسم
عفرت خدي ...... بالدم أفدي
************
من نزل من مهره جاسم .....ما يهاب إجيوش إميه
من وكف نعله يشده ...... لن يضربه إبن الزنيه
براسه والبرنص ملاها ..... بدمه والونه خفيه
بصوته ناده حسين عمي ..... بدمي رايح للزجيه
هذا سلام المسموم ....... هدا القاسم
الحسن ننعاه اليوم .... هذا لقاسم
الود ودي ..... بالدم أفدي
*******************
عز على عمك يكله ..... تستغيثه وما يجيبك
ولو يجيبك ما ينفعك ...... من بعد كطعت وريدك
عمي لو تسألني إمك ..... للخيم إشلون أشيلك
موذر ومذبوح جاسم ..... والعطش كطع دليلك
رمله من نادت يحسين ..... هذا القاسم
مدد رجله وغمض عين .... هذا القاسم
بقيت وحدي ...... بالدم أفدي
ــــــــــــــــــــــــــــــــــــــــــ
قاسم طاهر القاسمي
ريحانة سيد الأكوان
العرض المتطور
