مو بس جدار الكعبة هالليلـة ..... للباري يشكيلة
بيت اللــه كله منهدم حيلة ..... للباري يشكيلة
من طبروا الايمان ........ ضل ينزف القرءان
للباري يشكيلة
جدار الكعبة من طبرة علي اتفطر .... واركان الهدى ابيت الله تتطبر
سال الدم كتابة وفيض الكوثر .... ويتيم الدين صاح ابقى بلا حيدر
شجاه الموت ما يندل ميادينــة .... متكلي يا حيدر
اجاك شلون ابن ملجم يوالينه .... متكلي يا حيدر
من طبرة العدوان .... ضل ينزف القرءان
للباري يشكيلة
الاذان يصيح حيدر طبرتك صعبة .... وعيون الزكاة الحضرتك تربــــــة
يم قبلة حبيبك ياعلي وربــــــة .... وبجت حتى الصلاة وسجدت التربة
وسيفك بالقنوت ينادي يا حيدر .... ما نبقى من دونك
عاين لليتامـــــا الليلـــة تتطبر .... ما نبقى من دونك
دونك بلا عنوان .... ضل ينزف القرءان
للباري يشكيلة
حين انطبر حيدر شالة محرابــة .... وشاف بدمة سال الدين واكتابـة
وسيف الذوالفقار الليلة بمصابة .... لبس ثوب الحزن واتخضب كرابة
وزينب عالدمع واخوتهــا بالحسرة .... يا علي لمصابك
وطلعت عالصبح نار الشمس جمرة .... يا علي لمصابك
من دمعة الوليان .... ضل ينزف القرءان
للباري يشكيلة
جبرائيل حزنه مجتف جناحــــــة .... ولبن ملجم كصدلة يصير ذباحـة
وصل محراب حيدر زود نيـاحـــة .... لان طر الفجر ما شفنه مصباحة
الدنية ضلمة صارت بدونك .... يبجي صبحنه
ما شفنه نور بغمضة عيونك .... يبجي صبحنة
تنعى الانس والجان ..... ضل ينزف القرءان
للباري يشكيلة
من ذاك الوكت فر بينه جف الشر ..... وصوت من الضمير ينادي يا حيدر
جم مرحب لكينه وما لكينه اشتر .... مـــا معقولـــة مــا بينه مثل قنبر
تشهد علينه عيون دمعتنه .... المنبر يزكيها
تدري يحيدر هاية خدمتنه .... المنبر يزكيها
عدنه الف برهان .,... ضل ينزف القرءان
للباري يشكيلة
خادم اهل البيت ع
الاقل...............أحمد رفيش
بيت الله كلة منهدم حيلة ..... لطم .... بقلم احمد رفيش
العرض المتطور
