[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم


آهات آهات ( شور لأستشهاد الأمام علي ع )
ــــــــــــــــــــــــــــــــــــــــــــــــــ ــــــــــــــــ
مولاي - مولاي - مولاي حيدر ياعلي == آهــات - آهـــات – آهات بينه ياولي
ـــــــ
رافضي إيصيحون من أﮔصد أزور == حيــــــــدره الكـــرار وإﺑﮔبره أدور
ما دروا يملي النفس حُب إو ســــــــرور == ﻣﻟﮔاك - ﻣﻟﮔاك - ﻣﻟﮔاك ﻋﺷﮔي إو منهلي
ـــــــ
ياعلي ننخاك ياخيــــــــر العمل == كَفّرونه الناصبه إو أهل الجهل
ما نعوف الحُب إلَك وإنــــــــتَ الأمــــــل == نهواك – نهواك – نهواك آني إو كُل هلي
ــــــ
ريت سيفك سيدي إنشوفه يصول == بيـــــــد غايبنه الأمل إبن البتول
ما يظل أي ناصبي إبحـــدّه يــــــزول == وإنشوف – وإنشوف – وإنشوف نوره يعتلي
ـــــ
من معينـــك سيـــــدي ناخذ درس == ما نخاف الشر أبد مثل الشمس
ما يغطّي الغيـــم ضيهــــا إو تنتكـــــس == وإهموم – وإهموم – وإهموم عندك تنجلي
ــــــ
ياحليف الحق يمولانه الأغـــــر == بس إلَك ولحضرتك يحله النظر
ريت مثلك سيدي إيقود البشـــــــــر == دنياي – دنياي – دنياي بالحب تنملي
ـــــــ
باﻟﮔلب عايش ﻋﺷﮓ من مولدي == ﻋﺷﮕــك الماينتهـــــي ياسيــــــــدي
بالحشر آخذ جزائي إو موعــــدي == ويّاك – ويّاك – ويّاك همّي ينجلي
ـــــ
بالحشر تحضر حسابي إو محنتي == وإبحنان الروح تمســــح دمعتــــي
وأدخل الجنّــــــه إو أحقّــــق غايتـــــي == وأرتاح – وأرتاح – وأرتاح من تنظر إلي
ــــــــــــــــــــــــــــــــــــــــــــــــــ ـــــــــــــــــــ
مع تحيات شاعر اهل البيت / جابر النجفي
http://www.wlidk.net/dld8v845731.mp3.html

[عدنان منعم]

بحق علي وحرمة علي التوفيق والاستمرار بخدمة محمد وال محمد موفق وعاشت الايادي

[جابر النجفي]

اقتباس : المشاركة الأصلية كتبت بواسطة عدنان منعم [ مشاهدة المشاركة ]

بحق علي وحرمة علي التوفيق والاستمرار بخدمة محمد وال محمد موفق وعاشت الايادي

ـــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ العزيز عدنان منعم
اشكرك وعظم الله اجورك

[قاسم حتروش]

عظم الله لنا ولكم الأجر بذكرى أستشهاد سيد الموحدين وأمام المتقين وقائد الغر المحجلين أسد الله الغالب مولاي علي بن أبي طالب (ع)

[جابر النجفي]

اقتباس : المشاركة الأصلية كتبت بواسطة قاسم حتروش [ مشاهدة المشاركة ]

عظم الله لنا ولكم الأجر بذكرى أستشهاد سيد الموحدين وأمام المتقين وقائد الغر المحجلين أسد الله الغالب مولاي علي بن أبي طالب (ع)

ـــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ العزيز قاسم حتروش
اشكرك ثبتك الله على ولاية امير المؤمنين علي عليه السلام