[جودت الانصاري]

ديرة بطيخ
ديرة البطيخ : هوره,, وما يمر بيه
القطار
والطيور تنومست بالليل ,, من مات
النهار
واللصوص تحزّمت باستار كعبته وبعد
متخاف من رب
الديار
لبست وجوه الخجل ,, جوّ الجفافي
وصار قاموس الدجل عدهم
شعار
تبطنتْ الجلمات ,,ولسان الصدك صار
انتحار
رجع هارون القديم,, يقود ربعه
اوشهريار
تعبت شفاف السوالف ,, صار فلاح
الشلب يزرع
خيار
اكلت سنون المناجل ,, أيد حاصده الغفت
بالانتظار
والنخل ودّع صواعيده ,, وهجر جرف
الانهار
تركت التوقيت ,, واصوات المآذن ,,والربع
صلّت عله ,, صوت
انفجار
والمنايه مسودنه ,,ودارت قراهم دار
دار
سولفولي عليك ,,, لكن
باختصار
وجمعت كل المواويل بسلفنه
ولعنت كلمن ركب دينه,,, سفينه
وشتره كرسي بدواوين الحكومه اوصار يخطب
باقتدار
وين رغفان الشعير ؟ وين ابونه :
الما يبات ابيته درهم ,,وين صاحب
ذو الفقار؟
صار دولاب الوكت يفتر ,,عكس
اوطلعت نجوم الظهر,,, ويّ السعيلو
اوطنطل الديره رجع ,,ياكل
زغار
وسولفولي يا وطن لكن ,, شكول
العظه طلعت,,,,,,, بالجلال
الذيب يذبح بالقطيع ,, او احنهّ دنجمّع اصوات وننتظر منه
انتصار
والسوالف ما تفيد الماله وي دهره
اختيار
الاخوه شعراء الشعبي يسعدني مروركم وتصويباتكم
فقد تعودت على الفصيح

[مصحح المسار]

أجدت وأمتعت بحروفك جودت الأنصاري
لافض فوك

[قاسم حتروش]

أحسنت أخي جودت الأنصاري
وبارك الله بيك
تحياتي

[جودت الانصاري]

ذوله اهلنه ,, بيوم صار الخبز : ذلّه
لفو التمرات بكشور الخيار
اسعدني تواجدك اخي
مصحح المسار
احترامي

[في الروحْ تَسكنْ]

رائع يانقي الكلمْ ..
الأنصاري النديّ .. لله درك .. وكــفى ..

[جودت الانصاري]

الاخ الغالي قاسم
احييك
شرف ان تمر بنصي المتواضع
وبالقوافي تواصلنا

[جودت الانصاري]

ديرة البطيخ ,, ما بيه دفاع ولا
اعتذار
وليعلس الوكت ميفيد شهود ولا
فرار
مساء الخير سيده في الروح
ارجو ان يكون النص قد لاقى رضاك
لم اكتب الشعبي مذ زمن ,, اليوم لم اجد في الفصيح ما يشفي الصدر
فكانت القصيده
اشكر تواصلك

[ابوتكتم الخير]

واللصوص تحزّمت باستار كعبته وبعد
متخاف من رب
الديار
جودت الأنصاري
السلام عليكم
عذرا ( لقد أهنت البطيخ ) فعليك الأعتذار لأنه لأسمى من الذين تعنيهم وأطهر
تقبل كلماتي على هذه القصيدة المعبرة
دم شاعرا يصدح بالحق

[جودت الانصاري]

ها ها ها
عذرا سيدي ابا تكتم لك وللبطيخ
حدثنا اباؤنا عن منطقة لا يزرع فيها الا البطيخ ,, ولعن الله النسيان
لا اتذكر قصة المثل بالضبط,,, وعلى ما اظن خارج بلدية النعمانيه الان
حيث كانت تفتقر الى ابسط انواع القوانين ,, في ايام العثمانيين ,,
واذا كنت تعرف المثل ومناسبته قذكرنا به
عم صباحا اخي
ونتواصل

[البدري14]

عجب من وكت التمدن والحضارة الماتطيح
التستحي بيه الزلم من حجي الشعبي
وتعتذر لاهل الفصيح
ويا زمن بسك مناطح وي اهلنه التعض زند
المنايات وما تصيح
شكد مشوا بالدرب زفة يغرد الفلاح بيها
وبلبل اشواكه فحيح
استعار الصوت من صوت الحيايا وتنكر لصوته
اليهوس من يظل رزقه شحيح
هلا بيك بكد علو سابع سمه يكلها من يشوف الضيف
مجبل ع المضيف ويصيح باليطبخ الهرفي
زيد جثر بالطبيخ
----
واهلا وسهلا بيكم يا جماعة وساموحنه
مودتي لكم
استاذ جودت الانصاري
ارجو ان اكون قد اوضحت الصورة
بمحبتي للشعبي وعدم معرفتي بقوانين
القريض
مما جعل قصيدتك تلامس شغاف القلب بنقلك
للصورة العراقية بحذافيرها