بعيونك وداع وأنا بعيني دمعة-السيد عبد الخالق المحنى
بتاريخ : 20-02-2012 الساعة : 09:33 PM
بعيونك وداع وأنا بعيني دمعة
بيدك شفت سيف وأنا بيدي شمعة
اختار بين الاثنين بين الدنيا وحسين
مو سهلة يبني شبابك تخسره
ربحك يجسام إمامك تنصره
والدنيا وحدة ترى الموته وحده
واليعرف حسين يضحي له عمره
عمك ينادي ألا من مجيبه
من توكف أوياه تذكره بحبيبه
موت وعيش مرتين بين الدنيا وحسين
جسام يبني جسام يبني
بعيونك وداع وأنا بعيني دمعة
بيدك شفت سيف وأنا بيدي شمعة
اختار بين الاثنين بين الدنيا وحسين
روح بسلامة وترد بالسلامة
محتارة ما بين دمع وابتسامه
بالكلفة جسام يشارك عمامه
آنه اشكر الله على هالكرامة
سيف الحسين هاك يايمه هدية
وإعمامة عندي وترك لك وصية
وافي بكربلا الدين بين الدنيا وحسين
جسام يبني جسام يبني
بعيونك وداع وأنا بعيني دمعة
بيدك شفت سيف وأنا بيدي شمعة
اختار بين الاثنين بين الدنيا وحسين
جنت اسهر الليل حساب وتمني
وانظر جمالك وأغض عيني مني
وياك الحساب ياهل ماشي عني
احسب لك دموع لحد يوم شبابك
كل هذا وتريد أشاهد مصابك
ياوليدي التعب وين بين الدنيا وحسين
جسام يبني جسام يبني
بعيونك وداع وأنا بعيني دمعة
بيدك شفت سيف وأنا بيدي شمعة
اختار بين الاثنين بين الدنيا وحسين
كل أم يجسام حلمها نعرفه
يكبر ابنها وبيدها تزفه
ما بين الأحباب تحنيله جفه
من مثلي زفت أبنهه على حتفه
يالرايد تروح أضل على نارك
آنه أشعل اشموع وأضل بانتظارك
تشهد دمعة العين بين الدنيا وحسين
جسام يبني جسام يبني
بعيونك وداع وأنا بعيني دمعة
بيدك شفت سيف وأنا بيدي شمعة
اختار بين الاثنين بين الدنيا وحسين
ودعني يا ابني واخذ روحي بيدك
ترجع لي مذبوح يا جاسم أريدك
شيبي اصبغه أنا من وريدك
دمع أمك عليك يتيمه اشيفيدك
يم ليلة امشي تحس بيه أكثر
آنه أنحب عليك وهيه على اكبر
ونعيش الأمرّين بين الدنيا وحسين
جسام يبني جسام يبني
بعيونك وداع وأنا بعيني دمعة
بيدك شفت سيف وأنا بيدي شمعة
اختار بين الاثنين بين الدنيا وحسين
والخيمة توكع إذا طاح عمدها
والوالدة تموت إذا راح ولدها
دمعات الفراك تضل على خدها
جلمت يايمه تكطع جبدها
من تلكه شباب تضل تنظر إلهم
يا رب يا رب تردهم لأهلهم
صار الجرح جرحين بين الدنيا وحسين
جسام يبني جسام يبني
بعيونك وداع وأنا بعيني دمعة
بيدك شفت سيف وأنا بيدي شمعة
اختار بين الاثنين بين الدنيا وحسين
لمن يجي الليل أهيمن يايمه
والفارك أحباب يايمه اشينومه
ثوب العرس وين يجسام أضمه
يالريحتك بيه اشبكه واشمه
فراشك افرشه ولا تغفه عيني
مذهولة يبني واحسب تجيني
من أصفك الجفين بين الدنيا وحسين
جسام يبني جسام يبني
بعيونك وداع وأنا بعيني دمعة
بيدك شفت سيف وأنا بيدي شمعة
اختار بين الاثنين بين الدنيا وحسين
آنه ورباب وي ليله كعدنه
زينب دمعها يسيل إلدمعنه
بل يشبان تذكرون تعبنه
بيمن اجينه وبعد بيش رجعنه
كل وحدة يبيني تنوح على ابنها
وتسولف شلون طعنها زمنها
آه ياسطرة البين بين الدنيا وحسين
جسام يبني جسام يبني
بعيونك وداع وأنا بعيني دمعة
بيدك شفت سيف وأنا بيدي شمعة
اختار بين الاثنين بين الدنيا وحسين
بعيونك وداع وأنا بعيني دمعة-السيد عبد الخالق المحنى
العرض المتطور
