|
|
عضو برونزي
|
|
رقم العضوية : 68441
|
|
الإنتساب : Oct 2011
|
|
المشاركات : 936
|
|
بمعدل : 0.20 يوميا
|
|
|
|
|
|
المنتدى :
المنتدى الثقافي
يلي عندك حاجة وتسأل **أترك كل الناس
بتاريخ : 19-01-2012 الساعة : 08:58 PM
يلي عنـــدك حاجـة وتسأل **** أتــــرك كــــــــل الناس
وتوجه لحسين وأنشـــد ***** يـــــم بابــــــــه العباس
أكـــــف وسئـل **** بثوانـــــــي الحــــــل
يــــــــــم بابــــــــــه العباس
***********
لو نجي نشاهــــــد حيدره *** بمنزلته مـــــن المختار
جان الوصـــي باب النبي *** ويحمل الكـــل الأسرار
نفس ألمكانــــــــه أنشاهده *** العباس كافـــل الأطهار
منزلته نفـــــــــس ألمنزله *** مــن حسين والد الأبرار
حيدر قـــــدّم روحـــه ونفسـه *** وفداهــــــــن للدين
وعباس الضحـــه بجفينـــه *** وهداهـــــــن لحسين
العهــــد كــمّــل **** بثوانـــــــي الحــــــل
يــــــــــم بابــــــــــه العباس
***********
يل ممتلي همــــوم وعلل *** ومبتلي بهـــــــم وأحزان
ويل جايـــر عليك الوكت *** وبديـــون مبلي وغركان
ولو جنت محـروم الطفل *** وتعاني مــــــن الحرمان
أنصحك لحسيـــن اعتني *** بحاجتك ترجــــع فرحان
جم حالــــــه وحالـــــــه لشاهدنــه ***** وبهاي الأيام
وجم مشلول الداخــــــل عنــده **** بنص الحضرة كام
أبـــــد لــتــمل **** بثوانـــــــي الحــــــل
يــــــــــم بابــــــــــه العباس
***********
السّيـــــــد القـز ويني ألروه *** بموكب السّيــــــــد محمد
يكول المريــض اللي زرت *** فــــــــراش ألمنيـه موسد
ومن وصلت صوت سمعت *** صراخ وعويــــــل أتردد
واستفسرت عـــــــــن الأمر *** مات الشخص جـاني الرد
أحمل تربه أنــــــه بـجـيـبــــــي **** مـــــن تربة الحسين
خليت أنــــــه بحلكة شويـه **** رد بيها مــــــــــــن البين
الفرح أقبــــــــــل **** بثوانـــــــي الحــــــل
يــــــــــم بابــــــــــه العباس
***********
الشيخ السمــاوي اللي حجه *** والنقل هـــــــــاي الأخبار
يكول طلعت بـــرّه الصحن *** وشاهــــــــدت لمّت زوار
لن حرمـــــــــه بيديها طفل *** تغسله بمـــــــاي الأمطار
سألت أنـــــه منها عل سبب *** ردت بمدمـــــــــع مدرار
هـــــــــذا الطفل حسين هـداني **** مـــــــــن أنه تعنيت
واليوم أنــه أوفي بــنـــذري ***** والصحنــــــــه رديت
ودمعها يهـــــــــل **** بثوانـــــــي الحــــــل
يــــــــــم بابــــــــــه العباس
**************
جم واحـــد ألعنـّه أسمعت *** بل أربعيـــــــــــن تعنــّه
محروم مـــــــا عنده طفل *** الدكتور عاجــــــز عنــّه
مشاي لحسيـــــــن أرتحل *** وبمطلبـــــــــــــه يتمنــّه
بشــّره حسيـــــــن بمطلبه *** وبالفرح راجــــــع منــّه
كــــل حاجـــه اللــي تكصـــد بيها **** ميردك خجلان
مــن الحضرة تـطـلـع تـتـبــاشـر **** والمبسم فرحان
أجتهد وأعمــــــــل **** بثوانـــــــي الحــــــل
يــــــــــم بابــــــــــه العباس
***********
من عــــوف دربك للأبد *** مولاي يـــــــــا بو الأكبر
والعهـــــــــد ذاك أنجدده *** لموقعينه مـــــــــــــن الذر
وميهمنه كـــل واحد بغي *** لو أجــــــــــه بدربك فجر
باقين أحنــــــه عله العهد *** يحسين لـــــــــــــــو نتوذر
أندور عل تفجير المرعب **** مـــن هـاب مـن الموت
وكـــل واحــد صاغي ويسمعني **** ردد نفس الصوت
ومهما أيحـــــــــل **** بثوانـــــــي الحــــــل
يــــــــــم بابــــــــــه العباس
السيد القزويني : هو السيد محسن السيد محمد كاظم القزويني
الشيخ السماوي : هو سماحة الشيخ الدكتور علي السماوي
بقلمي
خادم الأطهار (ع)
قاسم حتروش
| |
|
|
|
|
|
العرض المتطور
