[رحيم الحسناوي]

بين النار ... وباب الدار
طاح ابن الزجيه

ابن بضعة محمد عالارض جنّه ... وطفح كيل الهضم من زادت الونه

خضب دمّه النوايب من يوزعنه ... يكوطر للطفوف وبيهه يتغنّه
يطلب ثار ... للاحرار
وخدر اخته الابيه
عكَد روحه الكلام ونزلت الدمعه ... على رباة الاطايب ضاكت الوسعه

سبكَ محسن اخوته بكربلا الصرعى ... شهيد وبالدموم الفاجعه ترضعه
بيهه النار ... يالمختار
نكروهه الوصيه
عذابات الدهر ما عذرن سنينج ... زغيره وتنسطر بيد الكفر عينج

العقيله من الفزع صارت تناديلج ... يتامه نضل يبت خير البشر وينج
نعشج سار ... والكرار
وحده بهالثنيه
يتامه وما بكت ام تنضر علينه ... ومشت ذيج الضلوع اللي تغطّينه

نواسي احنه النفس مره وتواسينه ... نولينه من الرجس بعدك يهادينه
خصمك صار ... والفجار
يهدولك هديه
ولا يوم الفرح مر مسكنك حيدر ... هلك شافت مرار وبالكَلب يسعر

ولا صح بالشدايد ناصر الينصر ... عدوكم كل وكت بس بالحقد يجهر
بالاخطار ... ياهو الجار
بيت الفاطمية
رحيم الحسيني الحسناوي

[رياض الرسل]

السلام عليكم

رحيم الحسناوي

موفق لكل خير على هذه الرائعه
دمت بكل خير وبركه

رياض الرسل

[ثورة الحسين]

تسلم على الموضوع القيم والرائع
تحياتي
اخوك
عبدالله الشاعر