تعنـه المـهـدي وبگـلبه تشب ناره
مشـه لأرض البقيع ودمعه يتجاره
*********************
مشه ايشاهـد اگبور اجـداده وبلوعه
ويدري اهل الحقد عالشيعه مدفوعه
بچه ودم عالوجن من نـزلت دموعه
يحس نار بـدلـيـله وروحـه محـتاره
********************
ينـظـر للحـســن والگـبــره المهــدم
وينحـب عالگـبـر مـن شافـه واتألـم
يا هم اكـبـــر واصــعـب بـعــد يا هم
ودموعه تصب عـالـوجـنــه مطـاره
********************
وشاهـد وبـدمعـتـه فـعـلـة الأوغـــاد
من هـدموا گـبـر جـده عـلي السجاد
صور گـدام عـيـنه بكل وكـت تـنعـاد
وي حاوطها صبره ولهـفت اسراره
******************
و رد شاهـد گـبـر ماظن اله سـابــق
للشيعــه الهــويــه وبالعــدل نــاطـق
گـبـر جـده ويعـرفه جعـفــر الصادق
گـعــد يـمـه يـشمـه وبــيــده بـتــاره
********************
ومشه لأخــر گبـر ويشاهـده وصابر
عجـيـبه شلون شافه يكسر الخـاطـر
رمــز بـاقي الگـبـر لمحمد الـبـاقــر
لچن وسفه الگـبـر مهدومه اسواره
*******************
بـقـه يـديـر النظـر ودمـوعه بعـيونه
ينحب على اجـداده ومنخطـف لـونـه
صاح بجـمـرة احـزانه ويسمعــونــه
النواصب والنواصب تعــرف اخـباره
***********************
صاح الـثـار ثــاري والأمـر أمــري
ويضل يكبـر يضل ولانـفـذ صبــري
لون بس لحظه وحده باقيه بعمري
كل گـبــر انهــدم اني اخــذ بــثـاره
*********************
رياض الرسل
قصيد الى هدم قبور ائمة البقيع (ع) ادخل هنا
العرض المتطور
