[ابو معاد النجفي]

بسم الله الرحمن الرحيم
السلام عليكم ورحمة الله وبركاته
عظم الله لكم الاجر باستشهاد الامام الحسين(ع)
لسان حال عقيلة بني هاشم تخاطب الامام الحسين(ع) تقول :



يراس احسين ناشدني...غريب اليحدي بضعني
غريبه امسيت يخواني...سبيه ابين عدواني
بعدك ياهو يسعدني

الك اشكي يبو السجاد...لوعات الشمر بينه
ريت اللي كفلني اليوم...ينظر حالة اسكينه
اشكيله الجره والصار...كوم الدارت اعلينه
شبو بالخيم نيــران...كوم اكعــــد يوالينه

كوم وشوفنه بياحال...صرنه بولية الانذال
غيرك ياهو يفكدني
حالات الســــدة وياي...صعبـــه اعليه اشرحهن
اسياط الشـــمر ياخوي...صــــار بروحي طبعتهن
مصايب شو حملنه اهواي...جميع اضلوعي حنيتهن
واساني الدمع بالعــــين...جفني وعيـــني لهبتهن

عيوني شافت الاهوال...وبعدهه اتشيب الدلال
واسمع شمر ويسبني
واروليك بعض ماصار...مصايب مرت وشفنه
عفنه اخوان بالميدان...بــــس ماعفنه خوتنه
ياوحش الدرب ياخوي...جوع وهظم ماخفنه
تركتك والجفوف وياك...تركت الجثث وبطفنه

عليكم اعقد الامال...يخوتي البعد كلش طال
بعدكم حيل ويحزني

حزن فركاك ياخويه...هظمني وهدم امالي
وانت المادريت اشصار...بيه اشصار بلا والي
سواد الليل والوحشه...والهــــم لفه دلالي
اريد اتناشد انه وياك...اريد وياك يالغالي

عمري بعد ولاطال...بيه تنظرب امثال
راح الجان يرشدني
االسعاده راحت وي احسين...وحزن فركاك ياذيني
انت ياضوه اعـــــــــــيوني...وانت النــور تهديني
يبو السجاد ترضــــه الهم...شلون بهــــــم تخليني
اصيح بصوت خويه احسين...ترضه الشمر يحدني

حملي صدك شو المال...بهمني ناخت الاحمال
وين الكه الينادمني
نديمي راح يااخواني...وحس الطبل وعاني
حنيت لهذا اليـــوم...اليوم اهتزت اركاني
ربينه ازغار ياخويه...ابوي شكثر وصاني
وصيه امي كلفتني...عليك اتصير وحداني

حبي احسين الي بالحال...وينزلج اذا خيال
ذيج الساعه اذكرني

امانــــه جانت بذمتي...ظلت تســــري بدمي
احفظته من زغري وياي...وصيه جانت من امي
امي كالت وصيــــــــه...بيــــــه بنيتي اهتمي
امانـــــــه للوكت وياج...حتما انـــــتي تعلمي

ترعين النسه واطفال...وبيكم تنظرب الامثال
صبر زينب الحيرني


اخوكم
ابو معاد النجفي

[لبيك داعي الله]

رائع جدا

بوركت يمناك...