يبن الرضا .. والمرتضى .. ضاق الفضا
يبن رسول الله .. يبن رسول الله
عجيبه الزركَه* ما طبكت عله الكَاع بسبب سمك
يبن طه النبي المخـــــــتار والزهره الجليله امك
رحت مسمومه تلهب نار جـبدك ونسفــــح دمك
بشبابك يا سنا التأريخ يا اسم المثـل اســــــــمك
مثل ســـم الحسن سموك سمك واسه سم عمك
جعده الغدرت المســموم وانت ام الفضل يـــمك
يبنَ رسول الله .. يبنَ رسول الله
عمت عين الدهر ياريت يبن الزهره من صابـك
انتَ الجدك الكرار .. ما هـــــــــــــابه ولا هابك
انتَ الدنيه والاكـوان واجـــــــــب تركع اببابـك
شلون المعتــصم ياذيك وانته التقوى محرابك
عسه انشلت ادين الجور من حـط رَحله بعتابك
وحــِرم من شوفتك مولاي اصــحابك و احبابك
يبن رسول الله يبن رسول الله
يبن بيت الرســـــــــــاله البيــه جبرائيـل كل ليله
ينزل علنبي جــــــدك وحي امـــن الباري يوحيله
يمن قرآن اله الكــــــــــــــــون بيدك معنه تأويله
ليليه مثل جـــــــــــــــدك علي ابمحــــراب ترتيله
عجيبه اشلون ابن هارون عليك ابحقده شد حيله
عجيبه اعليك يتـجره ومـــــــــــن نـار الله ياويله
يبن رسول الله .. يبن رسول الله
يناموس الكرم والجــــــود يالجفـــــك شبه غيمه
يمطر رحمه علوادم يـزيح امن الكَـــلب ضــــيمه
جبدك بالغدر سموه جهــــــــــــــــلوا منك القيمه
كتاب الباري يا مـــــــــولاي بسمك معنه حاميمه
واضح جوهر القـــــــــرآن من جودك اخذ جيمه
يمن في جامـــــعة حـيدر تربيــــــــــته و تعليمه
يبن رسول الله ... يبن رسول الله
يصب دمع الرزيه اليـوم بيه الزهره واسينه
والمختار والاطــــهار والكـــــــرار وحسينه
او واسينه القلم واللوح والكـرسي وموازينه
او واسينه الملايك بيك و العـرش ومضامينه
يالفكرك عدل ما مـــــات عايـــــش للأبد بينه
كّبرك شامخ وينـــــــــزار وينه الحاربك وينه
يبن رسول الله .. يبن رسول الله
جواد اليمه والايــــــــــــــام ثبتت ما متت خالد
بشبابك بالعمر ضحيــــت ماجد من صلب ماجد
للظالم فلا طخيت راســـــــــــــك يالولي الراشد
راسك ما يدنكَـ يوم بــــــــــــس للقاهر الواحد
والما شاهد انــوارك اعمـــــه و ناصبي وفاسد
مثل هارون والمأمون مثـــل المعتــــصم حـاقد
هذا اعتقادي .. انتَ مرادي
يبن رسول الله .. يبن رسول الله
الى جواد الأئمة عليه السلام / يبن الرضا و المرتضى
العرض المتطور
