[فارس]

السلام عليكم ورحمة الله
الاخوة والاخوات الاعزاء قصيدة لطالما اعجبتني واحببت ان انقلها اليكم عسى ان تنال رضاكم
اعتقد الشاعر عباس جيجان
انطيني من وقتك ثواني
ما أكلك آني وآني
شاعر من أهل العراق
عربي وأصلي عدناني
قريشي ومن نسل قحطان

: لا تركي ولا مدغوش بأفغاني
لك الزمان ابيوم ذر الناس
الزمان عليك ذرّاني
وأخذ يردف علي ضرباته باليافوخ
لحد ما حيل خَوّاني
لكن بي طبع ما طيح
روح اسأل عليّ واشهودي عدواني
مو انسان يحجي وياك
جرح يمشي عله طوله وشمعه بصواني
ما عندي لجوء ايجتف الانسان
ولا مربوط بلساني

وك استاتس عندي من عمان
وسياسي... كوفي اعنان سمّاني
عراقي آني
من زاخو لحد الفاو عنواني
دجله أمي....وأبوي اسمه الفرات
وليلي مرجاني
عمت عين الزمان اشلون ذَبّاني
ولو حز ابضميري الجوع

بس ما غير ألواني
إيخسه التاريخ إذا مو باول أحروفه
يحط اسم العراق ويشطب الثاني
عراقي آني البكلبي على الساني
آنه الماصحت يوم أحاه
وعلى امتوني تكطع صوت سجاني
وأظن ما قصريت أوياه
أخويه الجان ينخاني
يِأَشِّر بيده من ابعيد
جدام الكوم يلكاني

عطش مره... شلت نهر الفرات وجيت
وشفت دجله على الجولان يتناني
عراقي آني

ما آغَنّي بعد بلاد العرب أوطاني
من الشام لبغدادِ
ومن نجد الى يمنٍ
الى مصر فتطوانِ
عراقي آني
ولو تعرفني كل الناس بس أعطيك برهاني
من داروا عليّ عرب آخر زمان وحتى جيراني
ما هزوا وحك عيناك
شعره من شعرات وجداني
عراقي آني

لكم اجمل تحية وارجوا ان تنال رضاكم

[خادمة المنبر]

السلام عليكم

اي والله حقه العربي يفتخر انه عراقي وحق العراقي يفتخر انه عراقي

ماينلام
شاعرنا عباس جيجان شاعر بديع قوي موقعه عندي في المفضلة شاعر قدير
احسنتم فارس منتدانا على المشاركة

[فارس]

تسلمين اختي العزيزة خادمة المنبر
على تعقيبكم الجيد
فعلا كلمات تمتص القلب لترهق مابقى فيه من الالم واوجاع
لتعيد اليه ذكرى العروبة والاصالة فتحية لهذا الشاعر وتحية لك اختي القديرة
فارس

[صدى الاسلام]

[frame="11 70"]

عراقي اني وبدون تزوير عمت عينة الوكت والله ومخازي

حبيبي هذا العراق مهما يجور علية الزمن ومهما تجور علية الايام

عراقي يبقى العراق عنواني وابد مابدلة لو على موتي وخلي يشهد زماني

هذا العراق رباني وعلمني انطاني درس بالصبر ودروس هواي خلالي

العراق شامخ من زاخو حتى الفاو وميهزة عروش الظلام

اخي العزيز فارس اعذرني على عدم تنسيق العبارات لكن الوطن جرح

في دمي فالى متى يندمل الجرح عراقي لاتحزن فسوف تبقى ذاك هو العراق

شكرا اخي على القصيدة لللشاعر عباس جيجان شاعر معروف وقصائدة تعجبني

الة نمط شعري جميل واسلوب لطيف

اشكرك اخي الفاضل مرة اخرى

وهذا ختم التمييز لهذه القصيدة الرائعة


اخوك صدى الاسلام [/frame]

[فارس]

اخي الحبيب صدى الاسلام
احسنت اخي والله مداخلتك هزت كل كياني واقشعر له وجداني ووبدني
فاأحسنت على تعبيرك وتركيبك لبعض الابيات الرائعة
العراق جرح الزمان
فوالله لن ولن نتغير لو انصبت علينا مصائب العالم باأأسره
اخي تحياتي لك وشكرا لك
ممنون اخي العزيز
فارس

[محمد الشرقي]

بسم الله الرحمن الرحيم

والحمد الله رب العالمين والصلاة والسلام على اطيب خلق الله محمد وعلى اله الطاهرين واصحابه المنتجبين
فاز من تمسك بكم وامن من لجأ لحصنكم



ما شاء الله شعر جميل جدا

مشكور اخوية


دمتم

[منهل]

بسم الله الرحمن الرحيم
الصلاة والسلام على سيدنا محمد وآله الطيبين الطاهرين
السلام عليكم ورحمة الله وبركاته
اخي الكريم فارس
بارك الله فيك على هذا الاختيار الرائع
موفقين انشاء الله

[عاشقة النجف]

[FRAME="2 70"]بسمه تعالى



اخي الفاضل فارس بارك الله بكم على النقل الجميل
والله والنعم من العراقي
موفقين لكل خير
وننتظر جديدكم

وتقبلوا مني هذه الكلمات البسيطه


عراقي انا وانا اصل الجود والكرم
انا صاحب النخوة والهمم
انا الذي بارضي نزلت اشرف الأمم
انا من دفن بأرضي اعمدة السماء
انا من تشرفت بالسادة النجباء
انا الذي بالدم بنيت مجدي
انا الذي بدموع الثكالى كتبت عهدي
انا الاول في الارض والكل اتى بعدي [/FRAME]

[عاشقة ام ابيها]

السلام عليكم ورحمة الله وبركتهُ

بارك الله فيك أخي الفاضل فارس

على المشاركة الرائعة و جميلة

ننتظر مزيدكم

عاشقة ام ابيها

[احمد العراقي]

السلام عليكم

اخي العزيز فارس

شكراً جزيلاً لكم على هذه القصيدة الرائعة

إيخسه التاريخ إذا مو باول أحروفه
يحط اسم العراق ويشطب الثاني

فمتى ما فتحت كتب التاريخ وجدت اسم العراق يضيء صفاحته وقد خط اسمه بحروف من ذهب فهو بلد الحضارات واول من علم الناس الكتابة.

وفقكم الله تعالى لكل خير ودمتم في رعايته عز وجل

وعليكم السلام ورحمة الله وبركاته