[ابو ظاهر البركي !]

السلام عليكم احبتي
اليكم هذا البيت على وزن تجليبه

أجلبنك يليلي والجرح ماطاب
وكلبي على بلادي صار جلعطاب
حكامي بقصور وانه مامش باب
وبيبان الحدود مفتحه بريبه
أجلبنك يليلي ثنعش تجليبه

اخواني الشعراء اتمنى منكم المشاركه بالمجارت بمقطع واحد على وزن التجليبه ولاكن مقطع قصيده وليس بيت تجليبه مثل البيت اعلاه

يلا وهذا مقطع من قصيدة التجليبه خلونه نتجاره ونتساجل على نفس الوزن ومنتظركم

أجلبنك يليلي والكلب ينزف
وعيني عللعراق بحده دوم ترف


أجلبنك يليلي صار سبع سنين
سكفي من جذوع وحايطي من طين
الظاهر مايحلهه بس ابو السبطين
وأبد مايوم غيره للحكم يعرف

أجلبنك يللي والكلب ينزف

تحيات
أبو ظاهر البركي

[سعد مطلوب]

أجلبنك يليلي وراح تصفچ راح
وسفه عله العراق أنصاب كله جراح
شو ياهو اليجينه يكول أنا الملاح
وبالمعبار أول واحد اليرجف
********
مع تحياتي
سـعد مطلوب الخفاجي

[ابو ظاهر البركي !]

الله الله اخي سعد مبدع


ميفيد الصفكنه الراح فوك الراح
لابد ننتفض ونصير كلنه سلاح
لأن عمر الشعب مايوم بي مرتاح
وبهاي القضيه يريدله اليعرف

ابو ظاهر البركي

[درة النجف]

يا علي اشكد حلوة هاي المساجله...ههههههه لو اعرف جان شاركت بس,,,,,,حرامات

تحياتي
درة النجف

[ابو ظاهر البركي !]

اقتباس : المشاركة الأصلية كتبت بواسطة درة النجف [ مشاهدة المشاركة ]

يا علي اشكد حلوة هاي المساجله...ههههههه لو اعرف جان شاركت بس,,,,,,حرامات تحياتي درة النجف

شرفتينه ابنيتي

صدقيني كلشي تعرفين تكتبين وهذا النوع سهل جدا
بس جربي الوحدج وراح تشوفين كم هو سهل



تحيات
ابو ظاهر البركي

[درة النجف]

والله عمو مثل ما كلت,,,اجربلي فد مرة هههههه

[نسايم]

وأجلبنك وأجلبنك وأجلبنك

وأجلبنك وأجلبنك وأجلبنك

هههههههههههههه سويت شطرين الحين من التجليبة

عفيه عمو أبو ظاهر شرايك بالتجليبة مالتي

هههههههههه

لاتحطمني وتقول تجليبة فاشلة ههههههههه



بارك الله فيكم


متابعة للمساجلة

وان شاء الله تكون مساجلة شيقة بكل معنى الكلمة




موفقين لكل خير ...

[ابو ظاهر البركي !]

اقتباس : المشاركة الأصلية كتبت بواسطة نسايم [ مشاهدة المشاركة ]

وأجلبنك وأجلبنك وأجلبنك وأجلبنك وأجلبنك وأجلبنك هههههههههههههه سويت شطرين الحين من التجليبة عفيه عمو أبو ظاهر شرايك بالتجليبة مالتي هههههههههه لاتحطمني وتقول تجليبة فاشلة ههههههههه بارك الله فيكم متابعة للمساجلة وان شاء الله تكون مساجلة شيقة بكل معنى الكلمة موفقين لكل خير ...

الله الله الله بنيتي الغاليه


شنو هذا الابداع طلعتينه كسر


شوفي يالغاليه هو تذوقكم للشعر الشعبي هو بحد ذاته شاعريه
رائعه من عندكم

وماكو متابعه وبس نريدج تعلقين على كل واحد منا
ومو بس انتي لالالالا انريد الكل يطب ويصفق للمبدع سعد



عمو ابو ظاهر

[سعد مطلوب]

الاخ العزيز
أبو ظاهر البركي
عاشت ايدك وتسلم على هذهِ التجلبيه الرائعه واليك ردي .
***************
عرفناها القضيه بواحد وتسعين
من صار النظام بصفـّة الميتين
لنهه تكالبت عالشيعه بالصوبين
ولاشفنه الضمير اليحكم أوينصف
**********
مع تحياتي
أخوك سـعد مطلوب الخفاجي

[ابو ظاهر البركي !]

اقتباس : المشاركة الأصلية كتبت بواسطة سعد مطلوب [ مشاهدة المشاركة ]

الاخ العزيز أبو ظاهر البركي عاشت ايدك وتسلم على هذهِ التجلبيه الرائعه واليك ردي . *************** عرفناها القضيه بواحد وتسعين من صار النظام بصفـّة الميتين لنهه تكالبت عالشيعه بالصوبين ولاشفنه الضمير اليحكم أوينصف ********** مع تحياتي أخوك سـعد مطلوب الخفاجي

انت رائع ياسعد شاعر فذ
ومقتدر

وفقك اللهدنيا واخره

واليك الرد حبيبي سعد

صدكني سعد أحنه الهه ساس وراس
وحك أسم الصميده وأبنــه العباس
لو ردنــــاهه النـــــه أبد ماتنجاس
لجن بينه الشهامـــه لو ولينه نعف


خادمكم
ابو ظاهر البركي