اعزائي اعضاء منتديات انا شيعي الكرام
هذه قصيده من تأليف شخص عزيز علي وضعتها هنا عشان اعرف ردودكم وكذلك عشان اخذ منكم المفيد او اي خلل بالقصيده من دون مجامله ارجوكم
****اسولف ويه ابو اليمه ****
يايوم اشوفن كربلا واشم تراب هلارض الزجيه .
وابوسن عتبة باب ابو اليمه واهزن شباك الحضره واكولن غير حسين منهو الاليه .
منهو الاليه ومنهو النخاه يوم الهم يتكتل عليه .
غيرك يا ابو اليمه تره محد اليه .
واقعد بحضرتك يحسين وهل دمعه دمعتين اقدمهن هديه .
وارد اسولفلك ........ وارد اسولفلك ياابو اليمه
واسولفلك يا ابو اليمه على كثر الاذيه.
وارد اكلك ياابو اليمه
وارد اكلك مابقى بهل الوقت اشراف الا الشويه
والباقي كلمن حاير بنفسه الدنيه .
جا وشمحضر للمنيه ؟
اكلله جا وشمحضر للمنيه ؟
يكلي يا ابو اليمه يكلي يا ابو اليمه :
بعد وكت للموت هسه هذا بعد وكته عليه .
اريد اجاوبه واكله : تريد ابو اليمه يشفعلك وتكولن باجر ادخل الجنه وانت والشيطان سويه ؟
عليمن تحجي هالحجي هذا وانت ماتعرف شنو الاسلام تقشمر على الناس لو تقشمر عليه ؟
اذا ان اتمنى اصيرن ذره من تراب نعل ابو اليمه بس حسره عليه وهاي انه الاصلي واعرف الاسلام وذنوبي ماليه من راسي لرجليه .
جا شتكول على نفسك يل ما تصلي وتصوم واعلى الحرام تحوم وتريد تدخل الجنه وماتعرف منهو حسين ابو النفس الزجيه؟
واسألته يا ابو اليمه
ماتكعد مع نفسك شويه ؟
ها ماتكعد مع نفسك شويه ؟
وتفكر وتكول شلون حتقابل رب البريه ؟
اذا مو علمود احد ...
بس علمود ابو اليمه اللي قدم نفسه حتى تبقى كلة لا اله الا الله لكل البريه
واخذ من حسين ولو اقل من الشويه
وتعلم من ابو اليمه كيف ترضي رب البريه
يا ابو اليمه تعرف شنو يكول ويرد عليه ؟
يكلي هذا بعد وكت عليه ومثل ما يكول المثل كل الوقت القليل وماكو وقت لربك نريد نسمع بهل الدنيا ومايدري اظن بالدنيه دنيه
اكولله واكلمنه لكن شنهو البديه
وما يسمع كلام ولايصغي اليه
وشكد يا ابو اليمه تتحمل من هيج بشر اذيه
واسولفلك يا ابو اليمه لان اعرف وادري انت التحس بيه
وانا ارد اوصل لكربلا حتى احجيلك البيه
واردن ادعي كل ثانيه من عمري
اريدن اوصل للغاضريه
اريد اصيحن بأعلى وتي
واقولن احبك يا ابو اليمه احبك واقدملك روحي هديه
واريد اشوفن منهو اليعتب عليه
احبك يا ابو اليمه احبك واريد اشوفن منهو اليعتب عليه
وصلى اله على محمد وال محمد الطيبين الطاهرين
والحمد لله رب العالمين
اسولف ويه ابو اليمه
العرض المتطور
