قصيدة بحق فاطمه العليله
**********************
عليـله والدمع بـالعـين وحدي من تركـتـوني
ماخـذتــوني ويـاكـم الـمن بـويـه عـفـتـوني
*********************
عـفـتــوني بحـزن وبـهـم وتسـليـنـي هـالـدمـعـه
من راح وبـعـد عـنـي ضعـنـكـم بـعـد شيـرجـعـه
اصيح انه بعلات الصوت وصوتي محد ايسمعـه
ابچي بـدم عـلى الفـرگـه ابچي وراحـن عـيـوني
******************
ظلـيـت بحـزن عالـراح انـوح واشـتـكي لـدهـري
يـابـويـه بـعـدكـم كـون مـيـتـه ولا ردت عـمـري
شصبــر والگلب بي نار يبويه وهـالنفـذ صبري
وحــدي بـغـربـتـي ظـلـيـت عـلـيـلتـكـم يـسمـوني
******************
ابچي بكـل دمـوع العـيـن أصبر روحي واتصـبـر
وانـه بـالامـل ظـلـيـت عـلـيـلـه بـهـمـي اتـنـطــر
يـبـويـه وانـتـظـر مـنـك تـرجـعــلي علي الاكــبـر
ياخـذني واجي ويـاه اشـوف اهـلي ويشـوفـوني
**********************
لكـن والامـر مـحــتــوم ابــقـه بــالـغـرب وحـدي
يـبـويـه مـن بـعـد هـل حـال يـسلـيـني دمـع خـدي
اتـنـطـر تـجــيـني اخـبـار لكـن كـلشي ما يـجــدي
لااخـبـار واعـرف كـون بـيـها وبـويـه فـرحـوني
**********************
ضـاع الامــل والاخـبــار ضاعــت كـلهـا ويــاكـم
بـيـكــم بــس افــكـــر دوم مـا اصـبــر بـلـيـاكـم
يـبـويـه الگـلـب مـا يگـدر مـيـفـكــر ويـنـسـاكـم
لـكـن الـحـزن عـالـراح غـيـر حــالـتـي ولــونـي
********************
بعـدكـم ريـت لاظـلـيـت يبـويـه شتـنـفـع اسنـيني
شيصبـر گلـب مجــروح تـدري وزايـد اونـيــني
شيـفـيـد الـدمع والنـوح وانتـوا ابعـاد عن عـيني
يريت ومن بعـدكم كـون يـبويـه وميـتـه يـلگوني
*****************
رياض الرسل
قصيده بحق فاطمه العليله / ادخل للبركه
العرض المتطور
