أنا:قليل الحيا ما يسلم علي و لا كأني في المجلس !!! مب كفو حشيمة , طالع على أبوه ما يحشم أحد
اللي يمي: ما يخالف يا بو علي يمكن ما شافك
أنا:شلون ما شافني حشى وش شايفني يمك عصفور ما أنشاف,بس هذا أهم عايلتهم رافعين خشومهم فوق
اللي يمي:يا بو علي مسيكين هذا اهو يسلم على البقية و بيسلم عليك
أنا:تراك أنت ما تعرفه .....>>>إلا شوي و يدخل عليه فلان
أنا:هلا بو حسين شلونك يا بوك أش حالك >>>و يبوسه على خده
فلان:هلا يبه شلونك شلون العيال عساكم بس طيبين
اللي يمي في خاطره:حشى مو توك حاش فيه و قاص في قص الكفر
أنا:و الله الحمد لله تونا ذاك اليوم طلعونا من المستشفى >>>ترى اهو رجله و القبر
فلان:أفا عسى ما شر يبه اش صاير
انا: و الله تدري أرتفع عندي السكر من هالعيال و اللي بس مطارد في الشوارع مع ربعهم ....>>مع أنه عياله مدلعينه الى اخر حد و إذا طلعو طلعو عشان راحتهم منه لانه يضغط عليهم باسلوبه
فلان:أفا يبا و لا يهمك أوصي لك على زميلي عيسى اللي معي في الدوام >>مع أنه موصي على كم دكتور له لانه جاره و بحكم أبوه
انا:ما قصرت يا وليدي عسى عيني ما تبجيك مو هالهيس اللي عندي قاعد في البيت رابد لا شغله و لامشغله >>مع أنه أهو اللي طلعه من المدرسة عشان يشتغل معاه و يقول له اش رح تستفيد من الشهادة غير ورقه تتعلق على الجدار
فلان يلا يبا عن أذنك بروح قبل لا يجي السيد أشوف لي مكان قبل لا يبدأ
ستوووووووووووووووووووووووووووووب
ليش كذا
ليش
ليه نعتمد في حياتنا على أسلوب نسميه المجاملة بس اهو في الاصل أسلوب النفاق... أسلوب مشيني و أمشيك
ليش إذا غيرنا أفضل منا في شي نقوم نكسره قدام العالم بس لانه أحسن مني في كم شي
ليش إذا عرفنا أنه فلان رح يمشينا في شي نقوم و نبتسم له و لا بعد ما يبقى شي إلا نحطه على كتفنا عشان ما يتعب و اهو يمشي و بس يروح بعيد عنا هاته تكسير و تقطيع فيه من كثر الكلام الشين و اللي طبعا ثلاثة أرباعه كذب في كذب
أدري موضوعي مختلط و فيه أشياء تسمى شرعا محرمة لانها تسبب إلى سوء العلاقات بيننا
و لكن موضوعي هو في الأساس
الغيبة و النفاق "مو المجاملة" أقول النفاق
يعني لازم نلقى عليها عقاب قانوني عشان نوقف عن هالشيين
ما اعتقد في عقاب اكبر من عقاب رب العالمين
و عقاب رب العالمين مثل ما اهو دنيوي مثل ما اهو اخروي
يعني اش دراك ياللي تغتاب و تنافق انه ما يصير يوم اللي تغتابه يسمعك
او ينقل له الخبر شنو رح يكون موقفك هل رح تكذب عشان تغطي الموضوع
يكون وقعت في حفرة عشان تنقذ نفسك من حفرة ان واقع فيها
تسلمين اختي الغاليه للموضوع المهم
اكو نفاق لكن اسمه نفاق اجتماعي ممكن احد ميحب هذاك الشخص بس مع هذا يجامله وسلام حار وقبلات ومشتاقلك ومن هالكلام
واني شخصيا اكره لان يحمل موبس معنه النفاق لا والجذب بعد لان ديكول شي هو ميحس بي مجرد مجامله وتمشية امر
اما النفاق النوع الثاني اللي يحمل طابع الغيبه واللي ذكرتيه عزيزتي فهذا السمه المميزه لهالعصر اللي احنه بي
وعذرهم انه الحياة مصالح واكو بالعراق حجايه(احبك يانافعني) يعني مدام مسويله شغل وعنده مصلحه يمه فهو يحبه ومن تخلص المصلحه الله وياه
هذا حال الدنيا للاسف قليل تلكين بشر صادق يحب لله ويسوي الشي لوجه الله
فلان ذاك اليوم ما ......
العرض المتطور
