اسم القصيده ( العباده والشهاده)@@
========================
زين العباد الحّصل ابصبره الشهاده**درّس تعاليم الرساله والعباده
*******************
هذاامام الجعفريه العرف حقَّــــــــــه**ويَاه يلزم طاعتـــــــــــه وعالعهد يبقه
والله ينول اعلى المراتب عالي يرقه**وبالجنه رب الكــــــــــون يطيه الزياده
*****************
زين العباد ابطبعه كل الوفه والجود**ارض وسمه بالطاعه ابد مامثله موجود
الفخر يتسمه عبــــــد طايع المعبود**متواصل اركوعـــــه وسجوده من وداده
*****************
أيمر عله ابواب اليتامه والمساكين**اطباع جده حيدره واهله المياميـــــــــن
الباب ماسدهه وينشف دمعت العين**رغم المعانا والتحدي واضطهـــــــــــاده
***************
وينه الموالي خل نٌمر عالغاضريه**ونحسب اشجم لوعه ابگلب بن الزجيـــه
ونشاه اشمر عالعليل ابهل المسيه**ونتصَّفح اوراق المصيبه والابـــــــــــاده
*************
صبّح العاشر عالضعن مصباح اگشر**السبي والموت الاكيد اللي تقـــــــــرر
بوجوه مليانه سرور الكل تحضًــــــر**أوي حسين كلها اتريد منزلة السعـاده
************
دگت طبول الحرب والعسكر تقـَّــــدم**والحق تهيأ للنزال وياه صـــــــــــــــمم
يحيي الشريعه الماتت ابدمه تحتَّــــم**للدين اهل البيت هم افضل القــــــــــاده
************
مبتلي أبعلته وماگدر يگوه عليهــــــها**ظلَّت عيونه اتراقب المعركه شبيها
ظل يروي عنها الصار والجاري بيهـا**لاشال سيفه واعتله صهوة جـــواده
***********
خمسين من انصاره هم اول الفرسان**افضل الصحبه صحبته الاخر الازمان
عرِّفوا معنا للوفه ابصولة الشجعــان**فَد صوله وحده ابعزم وبقـــــوَّة اراده
***********
شبه الرسول المصطفى طـــــاح وتوذر**وبگلبه ظلت لوعة اصوابه للاكــبر
ومن شاف ليله عيونه اعله الدرب تنغر**الله اكبر عله الاكبر علي نــــــــاده
**********
وي عمته زينب ينتظر يعلك الشمعه**العريس لاكن ماأله من الحومه رجعـــه
ابفرحة الحنَّه وزفِّته سالت الدمعــه**لسنين عمره الموت هل الساعه حصاده
*************
للخيمه رد حسين من عضيده مهموم**ناده يزينب ياعلي اولوكم الگـــــــــوم
ݘفين والعين انطفت والراس مهشوم**بالالم ظل ماتنطفي جمرة افّــــــــــاده
**********
بيده اخذ عبد الله يم گوم اّل اميَــــــــــه**بلݘن يحصل للطفل شربة اميـَّــــــــه
والگلب لو صخر واشد هم رق شويه**وحرمله ابسهمه من رمه اگَّد احقاده
***********
وحده ظل حسين عيونه عيونه عالخيام**ماهمه لو عالرمح راسه ابئيد ظلاّم
گلبه يلوج اعله العقيله وعله الايتـــــام**يعرف عمر بن سعد فاقد رشــــــاده
************
لخيام شبت من لهيب الظلم وحقاد**أوهجَّت حراير ابو فاضــــــل وابو السجاد
ومخدرات العز تالي ابحبل تنكـــاد**وصار الحزن والنوح للضعن عــــــــــاده
***********
وگفت ابمجلس الظلم خامس العترة**وخلَّه ثلاث ايام جثته عله الغـــــــــبره
اتگله كد كيدك ابد ماتمحي ذكــــــره**تبقه لبو السجاد رايات السيـــــــــــاده
************************************************** ***********
فصيده بعنوان العباده والشهاده بحق الامام زين العابدين
العرض المتطور
