[أنوار البتول]

بسم الله الرحمن الرحيم


اللهم صلِ على محمد وآل محمد


السلام عليكم ورحمة الله وبركااته

يسعد لي صبااحكم ومسااكم ياشباااب ..


شحوالكم ؟ شحالكم ؟ شخبااركم ؟ شلوونكم ؟ << كلاهما يؤديان إلى نفس المعنى

شمسووين وش آخر انجازتكم بالدارسه والشغل ؟

اليووم الله يسلمكم يايبه لكم موضووع موجه لكل الشباب بدون استثناء ..

قبل مااقوول لكم شنوو اهوو الموضووع


دخلوا على هالرابط بس مااتمنى لكم متعة المشااهده ..


ولاتصيبكم الدهشه فمغزى التمني بيتضح بعد معرفة المحتوى ..:eek:

http://www.youtube.com/swf/l.swf?swf...odules=1&hqt=1

دخلت عليكم من وصول غاز عادم السيارات لكم فيصيبكم الخنق وأنا غير متعمده قتلكم ..!!



ما هنا ليس بجنوون بل رياضه !


ما هنا ليس بتهلكة بل هو انتعاش وعيش اللحظه وممارسة الجنون المرغوب فيه بحرية زائدة عن الحد !!


ما هنا هو فن لايجيده إلا البعض


فيصبح بعدها كالملك والأمير ..حينما يمر تلقى له التحية والتكريم ..


وما هذا إلا مشهد من عدة مشاهد لظاهرة بدأت بالاستفحال في أوساط الشباب ..


والضرر على الممارس والمتواجد والمشاهد !!


نحن جميعاً نؤمن بقضاء الله وقدره ونؤمن لكل شي سبب ومسبب وإن للموت سبب صح ولالا ..


والانسان يقدر يغير من قدره من طريق الشر إلى طريق الخير ..


اللي نشووفه الحين بأوساط الشباب


البعض يمارس القتل الغير متعمد في روحه وأروح غيره وراء ستاار الرياضه ..


ولما تمارس هالهوايااات من غير ضوابط ولاقيوود حتماً بتكوون العواقب وخيمة صح ولالا ..


فكيف بممارسة هواية تحت مسمى رياضة وهي في الحقيقه تهلكة دون دراية ..

شنو الشي اللي يحد الشباب على هالظواهر !!؟


يعني ماعندهم اهل تفجع بجرح اجسادهم !!


كيف بيصير مصيرهم بعد ماتفقد أرواحهم !!؟؟


ألا ينظرون الامهات من يموت ولدها موتة طبيعية تحترق في اليوم ألف مرة بنار فراقه ..!!


فكيف بأم يموت ولدها مخضب بالدماء !!


ألا يرون زوجاات في عز شبابها تفقد شريك حياتها ؟!


ألا يرون أطفال تيتموا ودموعهم منسكبة ليل نهار ؟!


ألا يرون العالم المقرب منهم محزون على حالهم وفراقهم حد الفجع ؟!


هم اصلاً عندهم وقت فراغ كبير .. لكنهم يملئوونه بجنونهم !


فيحلون لهم قتل أرواحهم وقتل الآخرين !


ويطالبون الجهات الحكومية ان تسوي لهم نوادي للتفحيط وللسباقاات الجنونيه كنوع من الحماية !


إذا أنتم ماتقدرون على حماية أنفسكم فالحكومه اصلاً غير مسئولة عن حمايتكم ..


إذا أنتم مو مسؤلين على الحفاظ على البيئة وتخفيف التلوث ..


ليش تطالبوون الحكومة بيد العون والمساعده من أجل التلوث وتدمير الأرواح !؟


انا سمعت يقولون إن المتفرج على التفحيط والمسابقات مسئول عن تواجده وإن المفحط والمتسابق مسئول عن نفسه وعن مايقترفه ..


مادري اذا هالكلام صح ولالا !!؟؟


وين مسئوليتنا واحنا نتضرر ؟!


او انكم ماتملكوون ثقافة صحيه !


يكفي احنا نتنفس بصورة طبيعيه هواء ملوث ..كل التقدم الصناعي أدى إلى تدمير اجهزتنا وسهولة العيش أدت إلى تدمير أرواحنا ..


وانتم تساهموون في إنشاء جو ملوث بطريقه اسرع ..


كم سباق وكم تفحيط جنوني يقام في السنة الوحده ؟! يمكن يتعدى المئه !


يعني لو نتكلم عن علوم التكنولوجيا وعلوم البيئه راح نكتشف اشياء كثيره عن هالتلوث ..


يعني مثلا حساب كمية التلوث الناتجه عنكم بمعزل عن حركة السيارات ودخان المصانع !! ستروعكم الاحصائيه كما روعنا الفقد ..


وستندمون حينما تدركون أنكم أحد أسباب ازدياد سوء حالات ضيق التنفس من ( اطفال \ شباب \ شيوخ ) وستكون حرقة لديكم حينما تشاهدون احتضار روح أمامكم بسبب طيشكم ..


وسنبكي نحن حينما ندرك أن لا متعظ وان تلك الظواهر في ازدياد ..

فلا تساهموا في قتلنا ..

موضووعي شبه منقوول يعني اقتبست الفكره نسقته وضفت له اللي اعرفه ..:rolleyes:



بس عاد احترت احط اي مقطع للتفحيط لقيت هذا جاهز قدامي بأحد المنتديات واخذته ..:rolleyes:


وكنت بحط معلوماات أكثرعن هالهوايه بس بسبب ضيق الوقت ماحصلت وكنت بستعين باأخوي عنده خبره بهالموضووع بس للاسف مسافر :cool:



فإذا انتوا عندكم معلوماات فلا تبخلوا بها علينا وإذا انتوا كنتوا من اللي عندهم هالهوايه خبروناا عنهاا بالتفصيل أو اي موقف صار لكم أو لأحد اقربائكم ..:rolleyes:


ادري هذرت واايد بالموضووع كني قاعده ويااكم واعطيكم محاضرة مادري وشفيني الظاهر متأثره اليووم بكثرة المحاضرات ..:rolleyes:



المهم إن شاء الله ينال إعجابكم الموضووع ..

تحياتي .. أنـوار البتـول ..

[ظلامة الحسن]

بسم الله الرحمن الرحيم


اول شي مشكوره اختي على الموضوع

الجميل جدا الصراحه


شوفي اختي التفحيط الصراحه وناسه ههههههه :d:d
انا مو مجرب بس كنت راكب مع صاحبي و اهو يشوف شغله
احساس حلو الصراحه

بس الشباب يبالغون فيها خاصة اذا طق مطر اذا طق مطر ماكو مكان ما في تفحيط

يعني السالفه عاده اتصير مصخره عاد السنه الي طافة كنت بالجمعيه طلعت بره ولا اشوف واحد قاعد يقحص

المهم كان في واحد قاعد يتمشه و الاهبل نفس اهبل قاعد يقحص ولا اشوي و يقحص يم ذاك الي يتمشه يعني لو امقرب متر يمه جان الحين الريال ميت المهم هذاك ركض ركض وصاده و قاله لو فيك خير تعالي و يمع ربعه و هذاك يمع ربعه بس ماصار ضرب :d:d


المهم الي بقيت اقوله انه الشباب قاعدين يقحصون في اماكن عامه و مليانه ناس و سيارات العالم و هذه شي خطر

و انا الي يرفع ضغطي الي يقحصون جدام مجرسة البنات هذولي صج قهر

ذابحينه قاعدين و فحطون انزين و بعدين شتبي يعني

والله انا الي صج يقهرني السياكل الي يقعدون ويسون حركات فيه ماتدرين اشكذر ادعي يطيح و يتكسر علشان يتادب ما يسوي هل حركات

فالهل شي الي قاعدين يسونه و الاعاده الي قاعده تنتشر عاده و صخه

و يبيلها اهتمام اكثر


المهم
و هذه الي في بالي الحين :d


واسفين شكلي طولت عليج انا




و يعطيج العافيه اختي على الموضوع الجميل

و ناطر اشوف مواضيعج اليديده الصراحه مواضيعج كلهم على قولتج قمييييل



فتقبلي مروري اخوج الاصغير ظلامة الحسن

[أنوار البتول]

اقتباس : المشاركة الأصلية كتبت بواسطة ظلامة الحسن [ مشاهدة المشاركة ]

بسم الله الرحمن الرحيم اول شي مشكوره اختي على الموضوع الجميل جدا الصراحه ولوو العفوو خيي وهذا من ذووقك الحليوو .. شوفي اختي التفحيط الصراحه وناسه ههههههه :d:d انا مو مجرب بس كنت راكب مع صاحبي و اهو يشوف شغله احساس حلو الصراحه ايي اكييد حليوو ونااسه لانهاا من اجمل هوايه الشباب وخصوصاً المراهقين . بس الشباب يبالغون فيها خاصة اذا طق مطر اذا طق مطر ماكو مكان ما في تفحيط الظاهر يحسوون بمتعه اكثر اياام المطر. :rolleyes: يعني السالفه عاده اتصير مصخره عاد السنه الي طافة كنت بالجمعيه طلعت بره ولا اشوف واحد قاعد يقحص المهم كان في واحد قاعد يتمشه و الاهبل نفس اهبل قاعد يقحص ولا اشوي و يقحص يم ذاك الي يتمشه يعني لو امقرب متر يمه جان الحين الريال ميت المهم هذاك ركض ركض وصاده و قاله لو فيك خير تعالي و يمع ربعه و هذاك يمع ربعه بس ماصار ضرب :d:d المهم الي بقيت اقوله انه الشباب قاعدين يقحصون في اماكن عامه و مليانه ناس و سيارات العالم و هذه شي خطر و انا الي يرفع ضغطي الي يقحصون جدام مجرسة البنات هذولي صج قهر امممم يقحصون يعني يعبرون الشارع ولاشنو :confused: الله يعينكم ايي انتوا بالكويت هالظاهره منتشره عندكم بزياده ..:cool: وخصوصا السرعه عندكم عجيبه الله يغربلهم ذااك اليووم طيحوا قلبي لما كناا وااقفين عالشاارع عند الماريناا .. احنا فيه مو مافي بس مو بكل مكاان .. ذابحينه قاعدين و فحطون انزين و بعدين شتبي يعني والله انا الي صج يقهرني السياكل الي يقعدون ويسون حركات فيه ماتدرين اشكذر ادعي يطيح و يتكسر علشان يتادب ما يسوي هل حركات ايي انا بعد احياناا اذا شفتهم ادعي عليهم ..:p فالهل شي الي قاعدين يسونه و الاعاده الي قاعده تنتشر عاده و صخه لا اهي مو عاده وصخه خل نقول مدمره بس اذا يبغوون يمارسونها يمارسونهاا بعيد مو بكل مكاان ..:rolleyes: و يبيلها اهتمام اكثر المهم و هذه الي في بالي الحين :d واسفين شكلي طولت عليج انا ولوو ماطولت ولاشي عادي اخذ راحتك اهم شي ان كلنا نستفيد وناخذ براي الجميع ونتعلم من اخطاء وتجارب غيرنا .. و يعطيج العافيه اختي على الموضوع الجميل و ناطر اشوف مواضيعج اليديده الصراحه مواضيعج كلهم على قولتج قمييييل فتقبلي مروري اخوج الاصغير ظلامة الحسن الله يعافيك ويسلمك خيي .. هههه ان شاء الله وتسلم ماتقصر هذا من ذووقك الحليوو ..

مشكوور خيي ظلاامه على مشاركاتك الراائعه .. سعدت بتوااجدك القمييل .. يعطيك العافيه وعسااك عالقووه ..
موفق لكل خير ..

[ربيبة الزهـراء]

بعد يالغالية مشاكل الشباب في ادنيا ما اتخلص
خصوصاً المواهقين الله اعينهم اهاليهم عليهم

مشكوره يالغاالية

[أنوار البتول]

اقتباس : المشاركة الأصلية كتبت بواسطة ربيبة الزهـراء [ مشاهدة المشاركة ]

بعد يالغالية مشاكل الشباب في ادنيا ما اتخلص خصوصاً المواهقين الله اعينهم اهاليهم عليهم مشكوره يالغاالية

ولوو العفوو خيتي وشكرا لتواجدج الطيب والقمييل ياقمييله .. نورتي

[عاشق الأكرف]

خوش موضوع لشباب

والله السرعة والمقاوم فيه اثاره ومخاطرة وحلاوتها بالمخاطره

هرمون الادولاين مادري شسمه يزيد عند الواحد لين صار في هالشي يبغى ازيد وازيد

لكن فيه اختلاف بين تفحيطنا وتفحيط البدو

البدو تفحيطهم بهمجيه لان يجي يسرع ويهد السيارة تلعب يمين يسار

وساعات تفلت منه

احنا بس خمسات ههههه

واحسالان التفحيط موضة قديمة

الان اكثر شي قومات بين سيارتين بس وانا صراحة من هواه هالقومات اشاهد طبعا في الكرنيشات وكده

وساعات لين واحد تعلف فينا على الخط وفينا شدته نكسر راسه >>> لغة شبابية هههه

ولكن بالنهاية دي خطر في خطر

والواحد بعد الززواج يركد ترى اكثر شي يعني خلو الشباب تكسر في عافيتهم لين مايتزوجو ويركدووو هع هع


والله يعين الشاب الي يفقده اهلة

تشكري خيتو على الطرح الجميل

ودمتم

[نور المستوحشين]

خوش موضوع انوار

احس هالحركات تطلع من ناس بايعين حياتهم

يعني لاسمح الله اقل غلطة بتروح روحه وارواح غيره طبعا ...

وبصراحة اخاف يعني وانا في البيت اسمع صوت قلبي يوقف واذا مرينا بالشارع وشفتهم

اقول ياربي نمر ولا حد منهم يصير فيه شي يمي اخاف اشوف الدم انا اكثر من مرة امر بالشارع واشوف سيارة تقطر دم وبعدها ماتحصليني حالة هستيرية وكم ليلة اتحلم بهذيك السيارة


اخوي عاشق الهرمون اسمه الادرينالين

وخاف على عمرك بلا قومات بلا ماادري شنو


تحياتي نور..

[أنوار البتول]

اقتباس : المشاركة الأصلية كتبت بواسطة نور المستوحشين [ مشاهدة المشاركة ]

خوش موضوع انوار تسلميين خيتي هذا من ذووقج الحليوو .. احس هالحركات تطلع من ناس بايعين حياتهم يعني لاسمح الله اقل غلطة بتروح روحه وارواح غيره طبعا ... ايي والله بايعين حيااتهم وبعدين لين صار شي قالوا الله كاتب لنا .. شنو اللي الله كاتب لك رب العالمين ماقال لك رووح والقي نفسك بهالمخاطر .. وحتى لو ان الله كاتب لك بإمكانك تغير قدرك بكثره اعمال الخير واللي تطول العمر .. زي ايي مره كان في زواج وطبعا مايحلى الا بالتفحيط عندهم وولد عمي راح يشاهد ودعمووه ويات له ضربه بالرااس والحمدلله ان طلع منها سالم .. ودوون الحوادث اللي اسمعهاا من اخووي .. وبصراحة اخاف يعني وانا في البيت اسمع صوت قلبي يوقف واذا مرينا بالشارع وشفتهم اووه انا اشووفهم اذا بروح المزرعه اقول يااعلي وش هالينوون اللي صااير عندهم ..:eek: ولابعد في ارض فاضيه قريبه لبيتناا يمكن شفتينهاا اييون مايقصروون ويحفطوون فيهاا ولابعد احياناا الفجر يسوون برفوفااا ليووم ثاني ويزعجونااا بس من زماان ماسمعنااا تفحيط الظاهر الجيران اشتكوا عليهم ..:rolleyes: اقول ياربي نمر ولا حد منهم يصير فيه شي يمي اخاف اشوف الدم انا اكثر من مرة امر بالشارع واشوف سيارة تقطر دم وبعدها ماتحصليني حالة هستيرية وكم ليلة اتحلم بهذيك السيارة لا انا اذا شفتهم اقوول ان شاء الله يتكسر عشاان يتأدب ومنهم ولد اختي اللي مو راضي يعقل كل يووم صااقع له واحد ومكسر سياره ..:cool: اخوي عاشق الهرمون اسمه الادرينالين وخاف على عمرك بلا قومات بلا ماادري شنو ايي كااني اقوول له .. :rolleyes: تحياتي نور..

مشكووره خيتي نور على مشاركتج الرائعه .. سعدت بتواجدج الطيب والقمييل ياقمييله .. يعطيج العافيه وعسااج عالقووه ..
مووفقه لكل خير ..

[أنوار البتول]

اقتباس : المشاركة الأصلية كتبت بواسطة عاشق الأكرف [ مشاهدة المشاركة ]

خوش موضوع لشباب والله السرعة والمقاوم فيه اثاره ومخاطرة وحلاوتها بالمخاطره هرمون الادولاين مادري شسمه يزيد عند الواحد لين صار في هالشي يبغى ازيد وازيد ايي واذا زااد ينقلب ضده وبعدين يقول آآآه لو ادري ولوو .. الخ :cool: لكن فيه اختلاف بين تفحيطنا وتفحيط البدو البدو تفحيطهم بهمجيه لان يجي يسرع ويهد السيارة تلعب يمين يسار وساعات تفلت منه اهااا يعنوو حتى بالتفحيط فيه فرق اول مره ادري :rolleyes: احنا بس خمسات ههههه اممم شنو بعد خمساات وش تطلع :rolleyes::confused: واحسالان التفحيط موضة قديمة الان اكثر شي قومات بين سيارتين بس وانا صراحة من هواه هالقومات اشاهد طبعا في الكرنيشات وكده وساعات لين واحد تعلف فينا على الخط وفينا شدته نكسر راسه >>> لغة شبابية هههه يااعلي كلكم الشباب كذا سيم سيم مافي فرق ..:eek: عندنا خير واايد باولادناا وبالذاات بالتفحيط اما القوماات ماسمعت انهم يسونوهاا ..:rolleyes: يووه الله يغربلك ماعليك من اللي يتعلفيوون فيك وخلهم يولوون .. ولكن بالنهاية دي خطر في خطر والواحد بعد الززواج يركد ترى اكثر شي يعني خلو الشباب تكسر في عافيتهم لين مايتزوجو ويركدووو هع هع ايي يقولوون يبغوون يعيشوون حياتهم .. يلاا خل يحصلوون لهم كم كسر بعضلاتهم وكم شمووخ .. ايي لاحظت ان اغلبهم اللي تزوجوا خفواا شووي عن واهم شباااب وبعضهم تركوهاا ..:rolleyes: ويلاا انت بعد خلاص لاتسووي قوماات ولاترووح تتفرج عليهم .. والله يحفظكم من كل شر .. والله يعين الشاب الي يفقده اهلة تشكري خيتو على الطرح الجميل ودمتم ولوو العفوو خيي وهذا من ذووقك الحليوو ..

مشكوور خيي عااشق على مشاركاتك الرائعه .. سعدت بتواجدك الطيب والقمييل .. يعطيك العافيه وعسااك عالقووه ..
موفق لكل خير ..