[أبواسد البغدادي]

اللهم صل على محمد وآل محمد .......
السلام عليكم احباب قلبي ...
الكل منا يحب القصص والحكايات المواقف والعادات والتقاليد القديمة ..
والبغداديات اعني بها نوع من احياء التراث وذكر ايام زمان ........
واعدها بادرة لتذكير الاجيال بل والشاب الصاعد بتقاليد وحكايات واعراف المجتمع الاصيل ...
ونذكر هنا الالفاظ المتداولة والعادات الباقية منذ زمن ونستذكر منها ما اضمحلت وباتت في طي النسيان ..
وايضا نستذكر حكايت الاباء الاباعد والاجداد الاماجد .. والشخصيات المعروفة قديما في مناطقنا وحارتنا القديمة ..
وعادات الامهات وتوجيههم لبناتهن .. وكيفية التصرف الذي كان مع الجار واهل الدار والضيوف ..
.
ولست اعني بالبغداديات فقط مدينة بغداد القديمة صاحبة الشناشيل الجميلة ؟ بل كل منطقة قديمة في الوطن العربي ...وكلها رائعة
فجميع هذه المناطق القديمة لها حكاياتها وناسها وطرائفها وتقاليداها واعرافها وشخصياتها الكبار .........
وكانها دعوة لمعرفة تلك العادات وللتقريب بين تلك المعارف والتي تكاد ان تنقرض بسبب التقدم العلمي الحاصل وسرعة التطور في وقتنا الحاضر ؟

1// والمطلوب من كل عضو يريد المشاركة ان ياتي بصور قديمة لبلده اومنطقته اوشارعه او لشخصية اولحادثة او حتى لآلة في ذلك الزمان الغابر ...

2// راح احجي بالعراقي يعني نحجي باللغة العامية والي مايعرف الحجي العراقي ذنبة عله جنبه 8_8

وابدء اولا ...........

السقة // حامل القربة او الجود من جلد الماعز ...
جماعة من الرياجيل الكبار حجولي سالفة حلوة عن السقة ؟
كالوا فد يوم من الايام جان اكو دكتور محترم بغدادي يلبس سترة وبنطرون وسدارة على راسة او طربوش وجان عندة زوجة كلش حلوة اجنن ؟
وجان هذا الدكتور متدين شريف يحترم الناس واولاد المنطقة كلهم يحبوه وجان المجتمع كلة نفس الاخلاق واحد يحب الثاني ...عادي
وجان اكو سقة كل يوم يدكبابه حاله حال كل الناس يجي من الفجر يترس الحب (جرة البيت الجبيرة ) بالماي حته يبرد الماي للظهر ..
اي... وفد يوم هذا الدكتور جان بالعيادة مالته يفحص ابنية مريضة .... وجانت آية من الجمال والعيادة فارغة مابيه احد بس الدكتور والبنية!
الشيطان لعب إبعبة للدكتور ..وكام الدكتور ومد ايدة على ايد البنية ولمسه !؟ وبلحظة الدكتور انتبه ورفع ايدة واتندم على فعلته ..
البنية كامت وشردت من العيادة .....................
وبهاي الاثناء مر السقة مو مثل عادتة ودك باب بيت الدكتور ! طلعت زوجة الدكتور وكفت وره الباب لان قبل النسوان مايوكفن بالباب ويحجن ويه الغريب !!!
اي وكفت خلف الباب وكالت عمو السقة شتريد ؟
كال اريد فلوس الماي .. كالت دقيقة
راحت جابت الفلوس ومدت ايده من وره الباب ...
وبلحظة شيطانية كام السقة لمس ايده ثواني وفك ايده ؟! مع العلم عمو السقة جان خوش رجال واخلاقه حلوة !!
وزوجة الدكتور ماتت من القهر ذبت الفلوس وسدت الباب .......
ومن صار وكت الغدة اجه الدكتور ومتكئب ..وضايج
كالت له زوجته الله يساعدك ابو غايب ... ها شكو خير شو ضايج ؟؟
حجاله السالفة وانه لمس ايد بنت شريفة وهو متندم حييييييييييييييييييل ؟!!
كامت زوجته وخبرته بلي صار وية السقة بس كالت له لاتعصب الله يخليك ؟؟
كال الدكتور كلمته المشهورة ((( دقة بدقة ... لوزاد الدكتور .. لزاااااااااااااااد السقة !!! )

ها وصلت الفكرة .......
ممنون منك ياطيبين

عمو السقة ...........


شناشيل بغدادية ........... روعة

[الشفاعه ياعلي]

ياخويه رجعتنه لايام الطيبه
الف شكر والقصه جدا جميله وحلوه وفعلا بس احنه هسه بزمن بعد هالحجي صار محمد يحجيه
صارت غيره ماكو وليس كل مايعرف يقال

[أبواسد البغدادي]

اللهم صل على محمد وآل محمد
العضو الشفاعة ياعلي منورين آغاتي
لابد من الرجوع الى تلك الايام ولوعلى قدر افهام الجيل كيف كانت الغيرة والحمية والنخوة واحترام الجار
جزيتم خيرا وشكرا على المرور الطيب
ممنون

[فضّه]

اللهم صل على محمد وال محمد وعجل فرجهم

عاشت ايدك اخي ابو اسد على البغداديات الاصيله


حكايه فيها عبره ودرس ان كل من هانت عليه اعراض الناس يسلط على عرضه وكما تدين تدان


لما اضمحل توارد مثل هذه الحكايات تفشى بين الاوساط الفساد فقد كانت مسك المجالس وعنبرها



اما الان ياترى بماذا جعلوا الناااس منشغلين !! وبماذا يتحاكون !!



انتم ادرى ...


متابعين لهذه الزاويه النقيه وكم تمنيت ان اضيف شيئ غير اعجابي ولكن للاسف لا املك منها شيئ ^ــــــ^



جمييييييييييله جدا هذه الشناشيل ولكن سؤال لو سمحت


اشتهرت واقترنت الشناشيل بالبصره القديمه فأي من المدينتين هي الاصل لبناء الشناشيل الحلوه ..



موفقين دائما

[أبواسد البغدادي]

اقتباس : المشاركة الأصلية كتبت بواسطة فضّه [ مشاهدة المشاركة ]

اللهم صل على محمد وال محمد وعجل فرجهم عاشت ايدك اخي ابو اسد على البغداديات الاصيله حكايه فيها عبره ودرس ان كل من هانت عليه اعراض الناس يسلط على عرضه وكما تدين تدان لما اضمحل توارد مثل هذه الحكايات تفشى بين الاوساط الفساد فقد كانت مسك المجالس وعنبرها اما الان ياترى بماذا جعلوا الناااس منشغلين !! وبماذا يتحاكون !! انتم ادرى ... متابعين لهذه الزاويه النقيه وكم تمنيت ان اضيف شيئ غير اعجابي ولكن للاسف لا املك منها شيئ ^ــــــ^ جمييييييييييله جدا هذه الشناشيل ولكن سؤال لو سمحت اشتهرت واقترنت الشناشيل بالبصره القديمه فأي من المدينتين هي الاصل لبناء الشناشيل الحلوه .. موفقين دائما

هلا هلا بالاخت الغالية .. حياج الله
اولا اني زعلت ؟؟؟شلون ماتشاركين .. اعتقد انك عراقية مو لومومو ؟؟
المسالة بسيطة بسجيبي صورة قديمة لاي شي عراقي او من الدولة الي تنتمين اله ؟؟ وقصة اوتعليق اوتعريف بالصورة اوسالفة قديمة وبس .........
وثانيا بالنسبة لشناشيل البصرة نعمهي قديمة نظرا لان البصرة كانت عاصمة قديمة وتسمى قدية احدى العراقين يعني الاخرى الكوفة ..
والبصرة بنيت قبل بغداد شي طبيعي ..
ولكن شناشيل بغدادجدا قديمة واهله بنوها قبل البصرة ولكن اشتهرت البصرة بالشناشيل اولا لان حافظت على معظم التراث
ولان بغداد عاصمة العراق وشهدت تطور وبناء عالي واخذت مساحات كبيرة وبدء الناس بغيرون معالم المدينة القديمة
والباقي من الشناشيل هدمت والاخرى رممت وبعضه انمحت كل معامه الا القليل في بعض المناطق ..

تدرين اني حسبت انك يا اختي عايشة في بغداد لان لهجتج بغدادية ...
ومرات من اتردين على الوهابيات والتيوس الوهابية اموت من الضحك 8_8
جزيتم خيرا اختي المباركة واتمنة اشوف مشاركة جديدة
ممنون

[عطر الجنآن]

الموضوع حلووو ويعرفنا على تراثكم


بس هذي " شناشيل "
مافهمت ويش هي من قبل فكرت زي البيت
وبعدين شفت فضه تقول شرت !


واخر شيء يعني احنا ماتقدر نشارك في
هذا الموضوع

بس بنكؤن من المتابعين له ^^


وربي يوفقكم

[فضّه]

اقتباس : المشاركة الأصلية كتبت بواسطة حكايا الورد [ مشاهدة المشاركة ]

الموضوع حلووو ويعرفنا على تراثكم بس هذي " شناشيل " مافهمت ويش هي من قبل فكرت زي البيت وبعدين شفت فضه تقول شرت ! واخر شيء يعني احنا ماتقدر نشارك في هذا الموضوع بس بنكؤن من المتابعين له ^^ وربي يوفقكم

حبيبتي انا ماقلت شرت قلت اشتهرت يمكن ما نتبهتي لها ^ــــــ^


وهي فعلا بناء كما في الصوره فهو مميز في الشتا والصيف

اترك المايك لخونا البغدادي يتحدث عنها


فهي في قلب مدينته وهو اجد بالشرح عنها



تحياتي لشش ^ـــ^

[أبواسد البغدادي]

اقتباس : المشاركة الأصلية كتبت بواسطة فضّه [ مشاهدة المشاركة ]

اترك المايك لخونا البغدادي يتحدث عنها فهي في قلب مدينته وهو اجد بالشرح عنها ^

احم احم ............
حلوه هاي مال مايك ... 8_8
شرحت الموضوع بمشاركتج اختي الطيبة روحو وشوف واني خادم
ممنون

[عطر الجنآن]

اقتباس : المشاركة الأصلية كتبت بواسطة فضّه [ مشاهدة المشاركة ]

حبيبتي انا ماقلت شرت قلت اشتهرت يمكن ما نتبهتي لها ^ــــــ^ وهي فعلا بناء كما في الصوره فهو مميز في الشتا والصيف اترك المايك لخونا البغدادي يتحدث عنها فهي في قلب مدينته وهو اجد بالشرح عنها تحياتي لشش ^ـــ^

هههههههههههههههههه

فشيـــــــــله ي فضـــه ماقرأت عدل :o

اممم

والحين فهمت وشو الشناشيل

بس على فكـره الكـلمه تضحك هع

[أبواسد البغدادي]

اقتباس : المشاركة الأصلية كتبت بواسطة حكايا الورد [ مشاهدة المشاركة ]

الموضوع حلووو ويعرفنا على تراثكم بس هذي " شناشيل " مافهمت ويش هي من قبل فكرت زي البيت وبعدين شفت فضه تقول شرت ! واخر شيء يعني احنا ماتقدر نشارك في هذا الموضوع بس بنكؤن من المتابعين له ^^ وربي يوفقكم

اهلا اهلا بالطيبين .... شرفتونة
لالالالالالالالالا ابدا ما اقبل كلامك ؟؟شلون ماتشاركون ؟
ليش ماقريتو بداية كلامي ؟؟؟؟؟؟؟
كلت اي واحد من اي دولة يتكلم عن تراثه وعن عاداته وتقاليدة وعن مواقف لطيفة وهكذا ...؟ بس وياكم صورة
والامر مومختص بالبغداديين والعراقيين ...
شكرا على هذا المرور المبارك نورتونا
ممنون