[ابو معاد النجفي]

ابدي بالرسول الـيوم هوساتي
ياحمل الرسـاله التعجز ابياتي
يبو القاسم اصلى اعليك لااماتي
واهنانه تحضر شدتنه

علي. علي راية محمد وصه بيه الكون
كالهم علي من بـــعدي لا تضلون
من تحضر شدايــد انت تطلب عون
يحضرهه كل شده اعليكم

برهان الرســـاله اثبتت باثنين
من ضلع الزجيه ودم ابو الحسنين
ومن بعده الحجج تعمه عليهم عين
للزهره افرح واتهنه

كالو بالكرم حاتم صبح معروف
شاهدته بحلم للحسن راح يطوف
يكله العذر منك يكريم اضيوف
يتنخه ضل حاتم باسمه

الشفاعه من توالي وتسـجب العبره
يوم التذكر انت حسين عليه الفاتحه اقره
اشرب ماي واتهنه وليهم اقره واتذكره
واتهنه واسعى بمسعاهم
جثير اخوان بس الاســــم تلكاهه
ثبت ساسه العباس بجفوفه وعلاهه
بيه انعرفت الخوه معدنه ومعناهه
بس يمه تسكت جلماتي
يازين العــباد ووراث الرحمن
ياسجاد كومـه وحامل القراءن
خيرة هل الخلق من الانس والجان
والرايه انت الحامله
ياباقر علوم الكون بيـــكم الامل معقود
هاي الشيعه وياكم كله تصيح بيكم زود
هاي اهل العراق اليــوم كله اجنود
وفايه للباقر واهله

انت جعفري وانــت ابو الثايه
ياجعفر الصــــادق بالعلم ايه
مدارس تنهل بعلمه بيه الناس قرايه
من علمه تنهل هل العالم

ياابو الجود يالكاظم منك رايد مرادي
يانسل الصمــــيده وعترة الهادي
سجين ومالاذت بااكتــار وتنادي
انزيحه للظالم حتما

يالمبعد غريب ومبعد على العين
يالجدك محمد وارث انت حسين
يالبيك الشفاعه تنوله بكل حين
والزاره يتهنه بيومه
ياجود المحنه وجود اهل البيت
انت للكرم يعســوب ماخليت
يالبيك الصفات من الحسن خليت
متنوره الدنيه بعلمه

للهادي اكول وحيـلي كلش باد
من فجر الكبــه وهدم الاوتاد
ضريحك بالكلب ياسيدي ينعاد
وبعيني منزله الكبه

الك شكوى يمولانه وحسره بالكلب للدوم
جرعنه من المصايب وانسكيـنه اهموم
تمنيت ياابو القائم بحضرتك هل اليوم
انواسيه الحضره الليله

الك . الك ياقائــــم العتره
رايد بس نصر وتزف لنا البشره
كلبي من الهموم وكبرت الحسره
اترده كل عايل بسمك


خادم اهل البيت
ابو علي السعيدي