من هالعالم شاب الراس
ما عِدهُم ذرة أحساس
العنده افلوس ايريدونه -والماعنده ايطردونه
لا خير إبهذا المقياس
ما عِدهُم ذرة أحساس
-----
إيصح واحد ما عنده اتشوفه
تِجدَح من اعيونه الغيره
ويصح واحد يملك ثروه
بس ايبيع اُمه إعله الليره
دنيا اتراويك الاشكال-تلكَه الطيب والأنذال
وهَم محسوبين إعله الناس
ماعدهم ذرة أحساس
------
ليش اتلوم الدنيا وتدري
هاي المأسات إمن ابنادم
همه الخلو دَمعك يجري
عوف الدنيا ولوم الظالم
وكل يوم العن بالظلام-المتهزهم دمعة ايتام
فقدوا كل نخوة ونوماس
ما عدهم ذرة أحساس
-----
من هالعالم شاب الراس
ما عدهم ذرة احساس
العنده افلوس ايريدونه -والماعنده ايطردونه
لا خير ابهذا المقياس
ما عدهم ذرة احساس
السلام عليكم
حبيبي منذر الساعدي
ابدعت ولكن صدقت ان الناس تركض وراء الي عنده
افلوس حتى ضاع الاخضر واليابس اعجبتني كلماتك
وفكرتك راقت لي كثيرا لانها من ارض الواقع
تقبل مروري
تلميذك الاصغر
والاقل دوما
عبدالله العتابي
السلام عليكم
حبيبي منذر الساعدي
ابدعت ولكن صدقت ان الناس تركض وراء الي عنده
افلوس حتى ضاع الاخضر واليابس اعجبتني كلماتك
وفكرتك راقت لي كثيرا لانها من ارض الواقع
تقبل مروري
تلميذك الاصغر
والاقل دوما
عبدالله العتابي
وعليكم السلام اخي الشاعر عبد الله العتابي
شكرا لمرورك الاروع
مع اجمل التحايا
جَم محتاج الما طخ راسه
وتِجدَح من اعيونه الغيره
وشجَم تافه يملك ثروه
بس ايبيع اُمه إعله الليره
العنده افلوس ايريدونه!! بقلم حسين الساعدي
العرض المتطور
