[خالد محمد مهدي]

(1)

)) تاج الغديــــــــــــــــــــــر((

******************************

من يصوّر التاج أبعيد الغديــــــــر ** كال واحد تاجــه من ليلو أوذهب
وگال ثاني تاجه آيه مُنزلـــــــــــه ** من الحقيقه أظن أشــويه أقترب

الحقيقيه الثابته وبلايــــــــــه شك** علي كـــل ذرَّه بكاينه آيـة عجب
علي جنَّة نور بأعلـــــــــــه مرتبه ** دونه كــــل الناس تربـان وحطب
عيد ابو الحسنين جف طه الرسول ** من رفعها الايده وعلـــن ماوجب
بلَّغ وشاهدت تبليغه العيــــــــــــون ** اليوم حيـدر وصي بالنَص أنكتب
أشكد أحبّه عيونّـــــــه أتلاگيهــــــا ** والسكن وســط الگلب طبعا أحب
ماكو فاضل عنده بالشك واليقيـــن ** حكمه ثابت والخصم بـي مارغب
والخصال الحلوه يم جدمــه أنحنت ** أتگلّه بارينــه الك كلنــــــه وهب
حيدر العلَمنه معنـــــه الاقتصــاد ** نــور شمعه من الوادم ماغصب
أيشوف بعيون الفقيـــــــر هدومـه ** `ويمســح أبجفه همومه والتعب
حاݘ من رمشـــه الثياب أو لبَّسـه ** وملح زاده وخبزه واللحمه رطب
صارت أنفاسه دفوا البرد اليتيــــم ** حتّه يرســــم بسمه أله ويّاه لعب
علي فوگ القدوه وأمثـال الشعوب ** والمثـــل يعتذر لو بسمه أنضرب
نـور من نورأنولد شگ الجــــــدار ** الكعبـــه للمرتضى ماتعصي طلب
فوك خد الورد والماي وجبـــــــــل ** والنجــــم والمَلك وأصلاب العرب
أنرسم نور حروف معناهن أميــــر ** صـــار روح أو نفِس طـه والأدب
عادل بميزانه فقّاره حكيـــــــــــــم ** علي من يگحم يمينه لوضـــــرب
بالبلاغـــــــــه والفصاحــه والنحو ** فارس الالهام محكـــــــم الخطـب
طيبه واحـه خضره وعيونه حلــم ** وياغضب بركـان لوحيدر غضـب
أرد أسألـه بجـاه أبن عمَّه الحبيب ** وينه عن خدر العقيله من أنسـلب
وينه عـن أيتامـه ودموع الطفوف ** حاصرونه ويه أبو طالب بالشُـعب
وبوطنه ياأميري كربلـــــــــــــــــه ** صــار كلَّه أمخيم وضعنـه الشَـعب
تبقه ياروح الوجود أبكـــــل صفه ** أنتــــــــــه للموزمــه ألأول للنِـدَب
حجايه وحــده بعــد أمانك ياأمــان ** وحنه حكنه بين أدينـــــــه ونّهب

ذبّحونه اعله الكراســي أبلاضمير ** هم نگــول الصوݘ بالراح أنتخب
ردنه فرحــه تمسـح أبدمع العيون ** تالــــــي حتَّـه الفرح ويّانه أنتحب