الى خادم الامام الحسين عليه افضل الصلاة والسلام
.....................................
.................................................. ....
يقاسم امك وتعبت عليك هواي
يا فرحة دليلي وبلسمي ودواي
يا فخري وكبرتي وهيبتي بدنياي
تروح اشلون للغربه يبعد اجلاي
افز بالليل والدمعه تفز وياي
وحشة غربتك يبني عمت عيناي
.................................................. ....................
يقاسم يا أمل عمري ورحت عني
نسيت ارباك يا قاسم صدك يبني
وتخليني بحسرتي ولوعتي وني
وكول اشلون يوليدي تفاركني
وجنت يمه تبوس ايدي وتصبحني
............................................
يقاسم من رحت عني خذتها الروح
وبفراكك يبعد امك عماني النوح
وفراشك افرشه بدمعي المسفوح
وشم عطرك ييمه بكلبي المجروح
وما صدك يغالي من اديه اتروح
حلم عمري على اجفوني صبح مذبوح
.............................................
احلفنك يقاسم بالثدي الغذاك
من اتروح يوليدي اخذني وياك
اموتن آنه يلغالي بألم فركاك
دكلي اشلون بعد اكدر ييمه انساك
عمري كله اخلصه كاعده واتناك
فدوه اسنيني كلها من اجل عيناك
.................................................. ..
عيني تنتظر مشبوحه ليل انهار
يمته الوالده اتشوفك تطب للدار
واحجيلك يقاسم بيـــّه شنهو الصار
جزع من دمعتي يا يمه سابع جار
بقيت محيره واتنطر الاخبار
وصفت ظلمه حياتي وخمدت الانوار
.................................................. ...
يقاسم جن شفت شخصك الــّيه لاح
كلت قاسم اجاني ورجعت الافراح
اتوجــّه علدمعي وكلبي كله اجراح
يم الباب جن اسمع لطم ونياح
شفت طفله علبابي وكلبي حن وصاح
راح القاسم من ايدي يطفله راح
ام الامام القاسم ابن الامام الكاظم \ع
العرض المتطور
