[بقايا فرح]

بسم الله الرحمن الرحيم


في البدايه مادري شو اقول ولا كيف اوصف عن عذابي وحياتي القاسيه او حضي التعيس
ولدت بكي كما الناس ولكني لم اتوقف عن البكاء الى الان
حياتي اتعس من التعاسه بنفسها
بقول لك شيء بسيط عن عذابي وصبري في هذي الدنيا الي ماكانت لي ولا حتى ليوم
واحد جميله كل الي شفته عذاب في عذاب
كانت السنوات الي طافت من عمري فيها عذاب ولكن بعدها انفراج بسيط
كنت انا اخاف اضحك
احس الضحك عندي مثل الدين الي لازم اسدده
كل ما احاول افتح باب في هالدنيا ينصك بوجهي الف باب
اسال نفسي ليش ياترى
انا شو الي سويته عشان يحصل لي كل هذا
والله اني مو مقصر وناس غيري مقصرين ومايحصل لهم الي يحصل لي
لكن بعدين احمد الله اقول يمكن اختبار
المشكله مادري هالاختبار اذا قدرت اتحمله اليوم
بكره بقدر اتحمله او لا
ما اذري ليش احس الدنيا تعاندني
اجيها يمين تجيني يسار اجيها يسار تجيني يمين
لما حسيت ان الدنيا ابتسمت لي وبتضحك لي
عطيتها كل ثقتي....وخانتني...
طول عمري عايش بحزن...
نفسي اغمض عيوني...
وافتحها الاقي كل شي مثل ما انا ابيه...
من صغري وانا والحزن اخوان...
من صغري ماعشت حياتي مثل حياة الاطفال الباقيين
كانت حياتي كلها هم في هم
والناس الي ماتتركني بحالي...
من يوم جيت على هالدنيا
وانا حياتي جحيم....
اقول يمكن اختبار...
بس ما اذري اذا قدرت استحمل هالاختبار اليوم
باجر بقدر استحمله ولا بموت بحزني
ما ادري باجر بقدر اواصل او لا...
بقدر اصبر على ظلم الناس لي ولا لا
انا بس مستغرب من الدنيا
وحزنان على الناس الي مابقى فيها رحمه ولا احساس
ما اذري ليش كل هالاشياء تصيدني في حياتي
انا
عمري ماحلمت بشياء كبيره ولا حلمت يكون عندي فلوس واخليها بنك
ولا اني اسكن عمارات ولا قصور كبيره
انا بس
كان كل حلمي اني اعيش اليوم
ولا فكر في باجر
حلمت اني اروح مدرسه ويكون فيها ناس محترمين
ويتركوني بحالي...
ورحت هالمدرسه وبتخصص ماكنت حابه
عشان انصدم
عشان تزيد همومي اكثر...
خلوني اكره شي عندي اسمه مدرسه
ابوي خلاني ادخل مسار ما احبه ودخلته ورسبت فيه سنتين
وكانت هالسنتين اتحملت فيها كل التعب والاهانات والسب الي اسمعه من طلاب
يكرهوني بدون سبب
وكل هذا كنت احطه بقلبي واسكت ولا عندي احد اشكي اليه غير ربي الي يعلم
بحالي وبالي اشوفه من الناس ومن الدنيا
ولما رسبت سنتين قلت الى ابوي ابي اشوف لي مدرسه وقال ان مايصير تروح مدرسه
لانك رسبت سنتين قلت انزين معهد قال بيشوف
وخلاني انطر وبعدين يصدمني ان هو مايبي يوديني معهد يبي احارس اكبر عشان اشتغل
بدون ما اروح معهد او ادرس وانا احب ادرس
والحين صار لي سنه كامل من نهاية 2008 الى الحين وانا قاعد بالبيت
ولان ماعندي اصدقاء ولا عندي احد في هالدنيا اتكلم معاه
قاعد بالبيت ولا اطلع واحس بضيقة الخلق والعذاب
عمري 16 وانا ابي ادرس لكن للاسف حياتي التعيسه وقدري التعيس مايخليني افرح
صعب الواحد يعيش وحيد بالدنيا ولا احد يكلمه او يكلم احد
قمت ادخل الشات عشان اشوف لي صديق ولا احد اسولف معاه
مالقيت منهم الا العذاب والجروح وماعندهم صداقه كل الي عندهم بس كلام
حلمت اعيش حياتي مثل باقي الناس الي في مثل عمري
وحاولت اخدع روحي والبس لون غير الاسود عشان اضحك
وافرح...
وشفت روحي اقص على روحي واخدعها
عرفت ان الفرح مو مكتوب لي...
حلمت لما اكبر واخلص من المدرسه اشتغل شغله مهمه
والحين ادري ان هالحلم فاشل ولا بحصل لي اي شغله
لما اكبر...لو كانت عندي ماكانت..

حلمت يكون عندي صديق
مثل كل الناس
لما احزن اقول له عن احزاني لما افرح اقول اليه عن افراحي
يشاركني واشاركه نساعد بعض
اعتقدت في ناس انهم اصدقاء
لكنهم خدلوني وتخلوا عني حتى في اصعب حالاتي
كنت انا ضايف عندي بالماسنجر اميلات ناس كنت اعرفهم بالمدرسه
افكرهم اصدقاء مع اني اسمعهم يسولفون عني بالسؤ لكن اقول ماعليه اهم شي يكون
عندي احد يسمعني ولا اتكلم معاه
ودخلت الماسنجر افتكرت اني وحشتهم لاني مو بالمدرسه
لما دخلت واحد سو مشغول والباقي حدفوني
الحمد لله على كل حال
كنت اتمنى بس تتركني الناس بحالي
وماتجرحني ولا تتكلم لي...
كان
كان كل همي بس ان ماحد يأذيني في حياتي...
وشفت ولاقيت كل شي هالدنيا...
الظاهر مو مكتوب لي افرح في هالدنيا
مابقت لي سلامه في هالدنيا
كل شي عندي حزن

وكل هذا انا مستحملنه في هالدنيا...
ولما اطلع واقول بنسى احزاني
تسمع كلام تخليك تنجرح
وتحزن
وتندم انك طلعت
وتخاف من هالناس....

انا بعد صلاة الفجر كل يوم ارمي خبز للعصافير عند نافدة غرفتي
اشوف العصافير تاكل وترفع راسها للسما
اقول اكيد تدعي لي بالخير مع اني ماكنت اعطيها عشان الحسنات كنت اعطيها لمجرد
انها تاكل
ادعوا لي اخواني ان الله يفرج عني
انا قاعد الحين بحزاني وكل يوم مشكله ورى مشكله

صار ماعندي شي ولا عندي احد
كل شي اخدته مني الدنيا
الحمد لله على كل حال

الله يخليكم ادعو لي ولا تنسوني من الدعاء

بحق فاطمة الزهراء

ادعو لي

انا اسمي محمد عطية عبد الرسول

وادعو الى امي لان امي ايضا حزينه
ومضايقه ومن بين هالمشكلات ان اخوي الصغير
مسكين قالو مايتكلم

اسم امي
مكية مهدي كاظم يوسف

الله يخليكم

لاتنسوني من الدعاء

انا تعبان جدا فوق ماحد يتصور
انا كل يوم بالبيت
ولا عندي مكان اروحه
خاطري اروح المدرسه او اشوف معهد

الله يخليكم ادعو لي

[ربيبة الزهـراء]

+اللهم صلي على محمد وال محمد
وعجل فرجهم الشريف يارب

صل على النبي اخوي الف مره
مو مكتوب لكً بالحزن بس انت يمكن اجيب لكً الحزن بنفسكً
او تفقد الامل بيدكً وتقعد اتشك في الدنيا وتشك في نفسك
واتقول ما اقدر اخطوا هل الخطوة
خل عندك امل واصل الحياه كمل دراستكً حتى لو رسبت مرتين الفشل مو حرام
حاول مرة اولى ثانية ثالثة لما تنجح حتى لو صار عمركً 22 سنة .. بعدين كمل معهد او جامعه
اما تقعد في البيت واجيب لكً الحزن .. هذا امرض الانسان واصير عنده وسواس بعدين
نصيحة كمل دراستك حتى لو مسار مو راغب فيه اكيد بحق الزهراء بتتنجح ولا راح ننساك من الدعاء ..
لا اتخلي الشيطان يلعب براسك وتدخل شات او غيره هذا اليي اخرب الانسان الشات وسوالف
ادري بتقول وقت فراغ حتى لو تقدر اسوي في الفراغ تقرا قران اصلي ركعتين تدعي حقكً ..
اتواجه ربكً تشكي له الحـال ..
والله سبحانه وتعالى ما ينسى عبده ..
انت توكً شباب لا اتخلي الحزن اسوي عمركً فوق ..

انشاءالله بحق ام البنين وبحق فاطمة الزهراء وبحق الحسن والحـسين وبحق اهل البيت يفتح لكً ابواب السعاده وابواب الخير ..
ويفتح لكً رزقكً ووفقكً يـارب
ويبعد عنـكم الحـزن .. وعن جميع المؤمنين والمؤمنات يـارب ..

احين بعد عنكً الحزن حط لكً اساسيات اسويهم

تكميل دراسة .. وغيرهاً

انشاءالله الله اوفقكً يـارب

مثل ما قلت لك الله سبحانه وتعالى ما ينسى عبده ..

انشاءالله راح ندعي لكً والى امكً ..

موفقين بحق الزهراء ع

[بقايا فرح]

بسم الله الرحمن الرحيم

اللهم صلي على محمدا وال محمد الطيبين الطاهرين

انا اشكرك اختي لاعطائي الامل لكن للاسف الدراسه الحين مو بيدي
لان البلد الي انا فيه الي هو بلدي مايقبل ياخد ناس رسبو سنتين
ادا سنه وحده عادي مايخالف لكن سنتين مايرضون
يعني انا خاطري ادرس في اي مسار
لكن للاسف مايرضون الوزاره
دورت معهد وللحين ماتصلو وشكلهم ولا بيتصلون
تصوري قاعد في البيت ثلاث سنوات
شقد شي صعب
مثل السجن حتى السجين له وقت ويخلص منه الا انا
من زمان وانا قاعد بتجي السنه الرابعه الحين
اشكرك اختي على كلماتك ودعائك

الله يبارك فيك اختي

[صلوا على النبي وآله]

اللهم صلي على سيدنا محمد وآل محمد...

اختي انصحك بالعلاج في منتديات السيد الفاطمي حفظه الله وان شاءالله تعالى تنفرج همومج.

[مريم د]

بسم الله الرحمن الرحيم
اخي هذا الذي تمر به انه امتحان من الله عز وجل لا ترسب به بل اصبر
واريد ان اقول لك احمدالله على الذي انت فيه وتوسل باهل البيت ع لن يتركوك
وبس تسمع مصيبت غبرك بتهون عليك مصيبتك
لن انسال عند اهل البيت ع بالدعاء

[الرباب]

الله يفتح لك أبواب الخير أنت وأمك بحق محمد وآله الطيبين الطاهرين ..

لا تيأس وتفاءل بالخير تجده إن شاء الله .

[ازهار فاطميه]

الله يفرج عنك وعن والدتك بحق محمد واله الطاهرين
أخي حاول جاهد كمل دراستك
توسل باهل البيت عليهم السلام
حاول وحاول وحاول لين توصل
الله يوفقك يااااارب

[دمع حسيني]

الله يفرج همك اخويه

واني رايحة للحسين عليه السلام وادعيلك هناك الله يفرج كربتك

[رب ارحمنى]

الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ

الله يفك لك كل ضيق و ييسر لك كل عسير

[ربيبة علي]

الله يسهل امورك يارب