|
كل يوم عاشوراء ..... كل أرض كربلاء
*************
ميزة الأرض بثراها .. ويامعادن تحوي هيه
بمعدن أولاد النبوه ... إتشرفت الغاضرية ( يرجى مراجعة الوزن ، الا اذا لفظت الغاظرية بالفصحى والمبالغة باظهار الهمزة فوق الالف الاول )
يا تراب الي يضمهم ... ذوله أولاد الزجيه
كربله ناغتها مكه ... صرتي بحسين العليه
قد سقاك بالدماء .. كل أرض كربلاء
*************
كربله صارت علامه .. من تردد بيها صوتك
كل ملك بكرسيه باها ... وانته باهيت بوجودك ( يرجى مراجعة الوزن هنا )
بكل كلب يحسين كرسي ... جالس أنته بيه أشوفك
مالكه أنته يغالي .. ويجري دمه من صمودك
أنت للقلب دماء ... كل أرض كربلاء
***********
ما متت يحسين والله .. ساكن أنته بنص فؤادي
مولدك عاشر محرم ... و مهدك إسيوف الأعادي ( هنا الواو زائدة بقائها يخل بالوزن )
من نزل جبريل يمك ... والملك يمك ينادي
الفرق إيد التهزك ... تختلف عنها الأيادي
مولد فيه العزاء ... كل أرض كربلاء
********
يا أرض بيها تباها .. الباري من كلم نبيه
موسى إخلع بيها نعلك ... من وصل للغاضريه
وإحمل إبأيدك رساله ... هل الأرض مني هديه
لليقدم بيها روحة ... وجسمه لشفار المنيه
قد سمعناه نداء ... كل أرض كربلاء
*************
بكربله أفجع مصيبه ... لكن إحنه بيها عشنه
ودمكم السال بغزاره .. منه نور الحق عرفنه
كل وكت عاشور عدنه ... ودمعه نجري بيه إحنه
نواسي كل يوم الزجيه ... والطم هوه فرحنه
فرحة فيها الولاء ... كل أرض كربلاء
************
موفقط عاشور إحنه ... نذكرك و ننصب مآتم ( هنا ايضا زيادة مخلة بالوزن )
مأتمك يبن الزجيه ... تبقه بيه ذيج المعالم
مره دمعه مره فكره ... لو درس ينطيه عالم
إنته يحسين الهويه ... وبالحشر بيك آنه سالم
نقتبس منك الضياء ... كل أرض كربلاء ( هنا الالف واللام للتعريف زائدة تخل بالوزن )
ابوتكتم الخير
قاسم طاهر القاسمي ( 1 / شعبان / 1433 )
| 
إلى الأمام الحسين في ذكرى ولادته ( مولد فيه العزاء )
العرض المتطور
