[احمد العراقي]

السلام عليكم

قصيدة جميلة قراتها واحببت ان انقلها لكم


العراقيه كًمرْ وإنجومْ

عبايتها حزنْ وإغيومْ

العراقيه كًمرْ وإنجومْ

تضوي...

ترد الروحْ ضحكتها

العراقيه نبعْ للنورْ

تكسي العالمْ إبومضة حجايتها

العراقيه عبايتها

شرف للروح ما تنكسر رايتها

لو مره إنكسر

ضي الزمان إو غابت البهجه

تقدم خبزة المهجه...


العراقيه صبر تنور نار البيه متوهجه

العراقيه عبايتها

محرابْ إلـ صلاة الله


صلي يا طيور الله...

وضمي نغمة الترتيل للأوتار ضميها

وسحي لحنك المهطال لوجدبت بواديها

وكالحلم...

غني اسمها...

وضمي الوجد للإسم...


العراقيه تظل أمي

غسلتني إبدموع العين

إو حطت همها وي همي

صرت همين

من فرشاة أصابعها

أخذ لون الدفو رسمي

عبايتها مضيف أحباب

عبايتها نبع لأهلي

إنزعي إذنوب عمرج بيه

ياروحي ولج صلي

مو كبلج إطيور الله

إلخمس إفروض صلتها



العراقيه عبايتها

نسيج إهموم...

جمعنا إخيوطها والنول ينخه النول

حشد وادم تحشم إجروحها

وإتصوغ منها إحجول

ترن إبوحشة المصيوب والمجتول

مواكب من حزن تنزف نزيف إطبول

إذا رحلة حبيب الروح عنها إتطول



سوادُ الليل ينسكبُ...

على أيامنا الحبلى

بأيام بها عطبُ

وجمرُ الروح ملتهبُ

وضوءُ الجرح ينتحبُ

اذا ما أجدبت أحلامنا يوما

سحي الحلم من حلمة عباءتها

سحي الحلم يا سحبُ

لنا في باحة الكفين مقتربُ

لنا رغم احتشاد الحزن

في أحشاءها طربُ

لنا سفرٌ ستنسجُهُ عباءتُها

اذا ما رتلتهُ الريحُ

ستطوى دونهُ الكتبُ



العراقيه بخت...

وإحنا إبلا بخت ما نكًدر إنواصل

رحلتنا إبزمن سافل

العراقيه شموع إسطوره من اوروك

من آشور..من بابل

تضّوي إو تعدل المايل

العراقيه نزف موّال

العراقيه وجع نايل

العراقيه أبوذيّه

يغنيها الجنوب إو يطرد العايل

العراقيه خبز طيّب

لذيذ إو مشبع السايل

العراقيه سؤال إمدوخ الدنيا

من جزّو ضفايرها...

إو قدموها ضحيه إلغضبة الطوفان

غزت وجه العراق أحزان

صارت دمعته بركان

تفجّر غيض

واليغتاض نار إيفيض

برد إو كًيض



خذيني يا رياحْ الله...

خُذيني يا رياح الله

اذا ما هدّني التعبُ

تحاورني عباءتُها:

نسيت الدرس يا ولدي

أينسى السادة ُ النجُبُ؟

وأبحثُ في صدى التصهال

وصوتي ذاهلٌ خربٌ

أنا لا أنسى يا أمي

نورا عاش في ذاتي

سلي عني قطار الدمع

سلي عني محطاتي

سلي عني دموع الشمع

سلي عني صباباتي

سلي عني رغيف الخبز

سلي تنور آهاتي

سلي زقورة للعز

سلي تاريخ أيامي...



أظل مثل الطفل مربوط

بمهاد المحّنه

وحتى إلضحكة أحلامي

أظل ظامي

إلفرات إجفوفج الحلوات

وإلريحة عباتج دوم أظل ظامي...



نسيت الدرس يا ولدي

أينسى السادة ُ النجُبُ؟

أينسى من همُ في ليلنا شهبُ؟

أينسى من لهم

ذكرٌ جميلٌ مذهلٌ عذبُ؟

أينسى من همُ

أسيافُ كف الله

بها الأنفاسُ تُحتطبُ؟

لا والله لم أنس...

همو خُزانُ علم الله

همو الأخيارُ والأطهارُ والنسبُ

لا والله لم أنس...



وحق نور السره بالليل

وي جبريل

على ظهر البراق إو وصل للشجره

وحق عرشه العظيم المعتلي السدره

وحق كل دمعه مخزونه إبجفن جمره

وحق اليسروه للشام

إو دوّخها الخلافه إو حارتْ بأمره

وحق صبره

إو صبر السيده إلْماوصلو إلْسرّه

وحق ونّة جبد مفجوع

وحق حسرة كًلب موجوع

إبعبايتها العراقيه أنهار إدموع

حزنها من حزن زينب

إو سواد البيها ظل ينبوع

إبكل لحظه نظل إنجوع

لزيارة علي وإلجنّة الحضره

إلعباتج يا وفيه الناذره العينين

جمر وإدموع للزهره

حزن وإدموع للزهره...!



تحية اجلال واكبار الى كل ام عراقية صابرة مجاهدة


وعليكم السلام ورحمة الله وبركاته

[عاشقة النجف]

وحق نور السره بالليل

وي جبريل

على ظهر البراق إو وصل للشجره

وحق عرشه العظيم المعتلي السدره

وحق كل دمعه مخزونه إبجفن جمره

وحق اليسروه للشام

إو دوّخها الخلافه إو حارتْ بأمره

وحق صبره

إو صبر السيده إلْماوصلو إلْسرّه

وحق ونّة جبد مفجوع

وحق حسرة كًلب موجوع

إبعبايتها العراقيه أنهار إدموع

حزنها من حزن زينب

إو سواد البيها ظل ينبوع

إبكل لحظه نظل إنجوع

لزيارة علي وإلجنّة الحضره

إلعباتج يا وفيه الناذره العينين

جمر وإدموع للزهره

حزن وإدموع للزهره...!


*****************

اخي احمد

ماعساي اقول في حق هذه القصيده
واي كلمات تفي حق من نطق بها
تسلم الايادي التي كتبتها والتي نقلتها لنا
وتسلم كل فاه نطق بحرف منها
جميل والله جميل
رووووووعه وكلمة روعه قليله في حقها
بارك الله بكم اخي
واتمنى لكم كل الموفقيه
لاتحرمونا من ورائع نقلكم

[عناقيد عشق]

اللهم صلي على محمد وآل محمد
وعجل فرجهم الشريف

قصيدة رااائعة

شكرا لك اخي الكريم .. احمد العراقي
على النقل الرائع

تحياتي

[احمد العراقي]

السلام عليكم

اختي الفاضلة عاشقة النجف

شكراً جزيلاً لكم على مروركم العطر وتواجدكم الرائع

وفقكم الله تعالى لكل خير

لاعدمنا تواصلكم الجميل ودمتم في رعاية الله تعالى

وعليكم السلام ورحمة الله وبركاته

[احمد العراقي]

السلام عليكم

اختي الفاضلة زهراء

شكراً جزيلاً لكم على مروركم العطر وتواجدكم الرائع

وفقكم الله تعالى لكل خير

لاعدمنا تواصلكم الجميل ودمتم في رعاية الله تعالى

وعليكم السلام ورحمة الله وبركاته

[ربيبة الزهـراء]

السام ليكم يا احمد العراقي
مشكور على القصيدة رائعه
اشكرك جزيل الشكر
والله لا يحرمنا من مواضيعك و دودك الجميلة

تحياتي لك
زنوب

[احمد العراقي]

السلام عليكم

اختي الفاضلة زنوب

شكراً جزيلاً لكم على مروركم العطر وتواجدكم الرائع

وفقكم الله تعالى لكل خير

لاعدمنا تواصلكم الجميل ودمتم في رعاية الله تعالى

وعليكم السلام ورحمة الله وبركاته