[ابو معاد النجفي]

بسم الله الرحمن الرحيم
السلام عليكم ورحمة الله وبركاته
لااستشهاد الامام القاسم ابن الامام الحسن(عليهم السلام) اقول؟؟



يبن الحسن يامنيتي..انت حلمي بدنيتي
يبن الحسن..يبن الحسن
اسنين يبني اترقبــك أيا الولد..وايام يــبني مساهره وي المهد
تكبر ردتك عازتي تكون السند..دكيت ساسك بالوفه وصار الوتد
ياعظم يومك فرحتي..يبني مهجتي وسلوتي
يبن الحسن
عديت يبني بالعمر وايام راحت ويــاك..طلبيـت تعبي يالولد والتعب هدني برباك
عريس ردتك وزفتك واتحنه كون بحناك..وحسين يحضر بالعرس يتكله كلمن هناك
عريس ابني ولهفتي..ويشوف حاله حالتي
يبن الحسين

وصاك ابوك وصيته كبل الرحيل بيومه..وانطاك يبني هالحرز بركتبك معلومه
مكتوبه بيه وصيته يوم التشوف الحومه..وتشوف عمك وحده لاناصر ولاكومه
تزيد ونك ونتي..اتمثل انت خوتي
يبن الحسن

غذار يبني هالوكت بحسين وي انصاره..الاف كله بايعت خانت علي الغداره
وتشوف زينب تنسبي يبني تظل محتاره..اكعد يبن حامي الحمه سل سيفك وفقاره
وتصيح تندب شيعتي..راحو اخوتي ورجوتي
يبن الحسن

رديت يبني للوطن حال الغريبه حالي..رديت وحدي بلا ولد واتلفت على الوالي
ظليت يبني اتنطرك العمر كله كبالي..بالجبد رسمك منطبع وماينمحي من بالي
تدري شجانت صيحتي..ياهو اليطيب علتي
يبن الحسن

اخوكم
ابو علي السعيدي