|
|
شاعر
|
|
رقم العضوية : 39574
|
|
الإنتساب : Aug 2009
|
|
المشاركات : 1,995
|
|
بمعدل : 0.36 يوميا
|
|
|
|
|
|
المنتدى :
المنتدى الثقافي
رائعة السيد عدنان الحمامي .. شوق الى النجف
بتاريخ : 11-12-2009 الساعة : 02:23 AM
القيت هذه القصيده من قِبَل الشاعر المبدع السيد عدنان الحمامي .. في سوريا .. في محفل كان يضم شعراء النجف الاشرف ايام الطاغيه
احببت ان اضعها بين ايديكم .. لجمالها و صدق حروفها
ياهو بيه ايطير ويوديني
للنجف وبعلي ايسرها العيني
--
ياجنح يحملني وبروحي يطير
وفوگ وادي النجف هاللحظه اصير
وگبل مايوصل على سوگ الچبير
ايذبني بالميدان ويخليني
--
ايذبني بالميدان ويگلبي اليرف
والعلي مو مشي ازحفله زحف
على اركبي وخلي ياخذني النزف
ومن اطب الحظرته ايداويني
--
حضرته شوفتها بلسم للجروح
تجلي همي والحزن مني يروح
اي وحگ آدم ضجيعه الويه نوح
ابشده لو طايح علي اينجيني
--
ابشده لوطايح اروح الگبته
واگعد احچي اوياه شعندي بعتبته
لو گلتله محب جاي ابحاجته
گبل ما اطلب علي ينطيني
--
بعد ما من عنده آخذ حاجتي
اطلع اتمشه ابفرح بولايتي
شكثر شوفتها تسرها المهجتي
وشارع الصادق الي ايسليني
--
بشارع الصادق وبالمشراگ أمر
شلون عندي اطراف كل واحد بدر
بالعماره هوه بيه اطيب عطر
ومن اشمه انسه ظيم اسنيني
--
وبالحويش وتصعد الذاك الجبل
للبراگ اتعاينه ابراگ الامل
والنظر صوب الشوافع لو وصل
للشواطي اعوينتي اتراويني
--
اعوينتي الحنون لو نظرت اله
ولله حوريه اشوفه امكحله
كل سجايا الطيب تحويها هله
بحب علي الواحد امن ايحيني
--
ومن اطب خان المخضر بالصباح
اتشوف هذا الولف جاي وهذا راح
شلون ناس امن اهل حي اعله الفلاح
ابشوگهم ربي اشكثر باليني
| |
|
|
|
|
|
العرض المتطور
