|
|
عضو متواجد
|
|
رقم العضوية : 77535
|
|
الإنتساب : Mar 2013
|
|
المشاركات : 116
|
|
بمعدل : 0.03 يوميا
|
|
|
|
|
|
المنتدى :
المنتدى الثقافي
البضعه والعذاب
بتاريخ : 04-03-2013 الساعة : 06:47 PM
بسم الله الرحمن الرحيم
اللهم صل على محمد وال محمد
قصيدتي بعنوان البضعة والعذاب اهديها الى محبي الزهراء عليها السلام واسالكم الدعاء
البضعه والعــــــــــــــــــــــــــــــــــــــــــــــ ــــــــــــذاب
شسولف يارزيه ويامصاب احجيه **** ويالوعه وعذاب الليله ارويـــهه
ما ارسم صور شعريه لا ومضات **** طك بطك صورنه اليوم نحـجيهه
نحجيهه الحقيقه الماتغيب بيوم **** ونحجي الصار عالزهره وجره اعليــهه
شكول اعله البتول العانت الويلات **** جور اتحـملت من راح واليـهه
عمرهه 18 خلص قهر وهموم **** مدري بياجرح هالقـصه ابديــهه
ماضحكت ابد ما شافت الافراح **** بصغر سنهه المصايب نار تجويـهـه
اريد ابدي واسولف وادري عندي قصور ****ويه اول رزيه اوياكم احجيــهه
على فراش الاجل طه ويهل دموع **** دموعه اعله البتول ادموم يجريـــهه
تأذه المصطفه من شاف بنته تنوح **** لان ياذيـه كلشي الجان ياذيــــهه
نظر ليهه بحزن وبقلبه تدي جروح ****عليهه أومه بيديه وجن ينـاديــهه
تدنت ليه حاجاهه بدمع مسفوح **** شاورهه بكـلام وظل يحـــاجيــهه
مو جنه حجي بيه ينطق المختار **** جن قران يحجي وبيه يناجيـهه
وصاهه بوصيه وروحه صاحت اّه **** انجوه خده بدموعه من يوصيـهه
من سمعت كلامه كفكفت الدموع **** واجروح القـلب عالهادي تخفيــهه
كلهه اول شهيده بعدي لتودعين **** ودنيـاج بهضم يالزهره تكضــيهه
اوصه المرتضه باّخر وصيه اوياه ****وجلمات الوصيه بحركه يرويهــه
نوه يكتب وصيه ورفضت الانذال **** ويتهمونه بهجر هالكـوم تاليهه
ويوم اللي انتتقل هادينه للرحمن **** ارتدت هالـبشر معروف ماضيـهه
التمو بالسقيفه بأمرة الشيطان **** وتعرفون السقيفه اشبيهـه ما بيهه
اشباه الزلم بيهه واراذل ناس **** ماحضرت أبد توديـع هاديـهه
ومنعوهه الزجيه أمن البجي والنوح **** ودموع أعله النبي ممنوع تبجيـهه
قانون الورث جم ايه نزلت بيه **** وجم مره النبي عالأمه قاريهه
فدك أخذوهه منهه بالغضب والجور **** ولا جن الرسول البنتـه منطيـهه
طوقو دارهه وعصروهه خلف الباب **** وسطرات الوجه ياشيـعه تاذيهه
حطبهم يابس بحقد الغضب لموه **** وجت نار ماتـكدر تطفيــــهه
دفعوهه بغضبهم عالبتول الباب **** وبسمار بضلعهه أسهام يرميهه
وسكط محسن ضحيه وجن رمح مطعون **** وصـرخ ضلع البتول ينادي أهاليهه
انخك صوت البتول امكسر بحسرات **** وماتـــكدر تنادي اللي يحاميــهه
مانادت علي الحكلي يابو حسين **** عله فضـــــه بألم كامـت تناديهه
وخلافا للوصيه لو شهر هالسيف **** بساعه الدنيه هذا السـيف يمــحيهه
لهنا والقلم حار الكلام البيه **** وهالقصه ابد ميموت طاريــهه
عد أبن الحسن هالقصه صار أدهور **** يختمهه بيديه وبعدله ينهيه
انكشف كل الغطه يالمهدي يامولاي **** وسافل دنيــتي هاليوم عاليهه
بس أنت التجبر كل ضلع مكسور **** وكلشي يعود للزهـره ويرد ليهه
وبس أنت التصفيهه وتحق الحق **** وغيرك سيدي محـد يصفيهه
|
|
التعديل الأخير تم بواسطة الشاعر الغريب ; 04-03-2013 الساعة 06:53 PM.
سبب آخر: تصغير الخط
|
|
|
|
|
|
العرض المتطور
