[مرتضى شكر]

يامسهل ياالله
ليلة الحادي عشرمن محرم الشاعرمرتضى شكر

زينب نادتك يا فارس مضر
احسين بحومته الگوم اتولته
يا فارس مضر
---------------
نادتك يا من بالشدايد تحضر
گوم لبناتك گوم لا تتعذر
صوتت زينب من لفتها العسكر
من طاح اخوها امن المهر يا حيدر
تحضر رادتك اترد عنها الخطر
واتحامي الحرم وتطفي الخيم
يا فارس مضر
------------------- 1
من شافت إعلة حسين دارت صوبين
شبجت عليه اسيوف وارماح البين
انهض أورد غارتها عن جسم احسين
ثار الها عندك من بدر من صفين
گوم العادتك تستطلع ظفر
لا ما حسبت عالأمة جنت
يا فارس مضر
------------------ 2
تتعثر ابهمها غدت يا كرار
ابساحة الدم ما بين خيل اواخطار
او ما بين الخيام التشب بيها النار
حرمة اوغريبة ابلا ولي أولا نغار
بالهم گصدتك اترد عنها الخطر
من بعد الأهل بس انته الأمل
يا فارس مضر
----------------- 3
اتوجهت ليك ابصوت يروي الأحزان
من شافت الأخوة جثث عالتربان
اعلة اصدورها لعبت اخيول العدوان
سابحة ابفيض الدم حضنها الميدان
اتجهت نشدتك ما عندك خبر
لبدور الحمة غيبها الدمة
يا فارس مضر
--------------- 4
من گصد كافلها للمسناية
ايريد العذب عباس بيدة الراية
ايست من الاخو اوجوده اومايه
بزنود صبرة ايترجم اشرف غاية
رسخ چلمتك بالدم الگمر
بعيون الضمة يغرز قائمة
يا فارس مضر
----------------- 5
من بعد ما ايست من اخوتها
اتوجهت ليك الثايرة ابچلمتها
إمن إتلاهبت نارالعدة ابخيمتها
اوضربت البرالعايلة إبفزعتها
يحيدر ندبتك لا لا تعتذر
گوم اطفي الخيم لم باقي الحرم
يا فارس مضر
--------------- 6
گوم يا فارس مضر قبل الغروب
ابعزمك الماجل يجشاف الكروب
انته حاصودة زلم وكت الحروب
ليث گطب الملحمة اوطاعونها
------------- 1
ندبتك زينب يحماي الدخيل
من لفت حدها يالمصيت الخيل
اشلون لو جلجل على زينب الليل
او عالنهر نايم چفيل اظعونها
--------------- 2
فوق نهر العلقمي غاب الگمر
امقطعه ازنودة السهم طفه النظر
ابحيرة ظلت منها عباس اعتذر
ما لگت غيرك يا حيدر عونها
-------------- 3
من على التل ردت ابدمع العيون
بالألم تتعثر اوجمر الضنون
عرفت احسين انذبح دلهم الكون
والفضة اسودت طفه جانونها
--------------- 4
قصدتك بالعتب تعرف غيرتك
ايغيضها إبلا ولي ابغربة عيلتك
ابين عسكر شر دزمهة لرايتك
واكصد لكربلة أوعمر كونها
---------------- 5
اكصد لكربلة بسيف الملحمة
او لبس الغدرت سرابيل الدمة
واحرس العيلة يحماي الحمة
لو تگف دون المنية اودونها
-------------- 6
ايست منك تلم ظلت اطفال
حال زينب يالمك يصعب الحال
بين غربة أوخوف متطشره إعيال
منكم استوفت القوم اديونها
------------- 7

النجف الأشرف

[ابوتكتم الخير]

عظم الله لكم الأجر
المبدع مرتضى شكر
كتبت فأبدعت كتبت في صحيفة أعمالك
مأجور

[الروح]

عظم الله اجوركم وبوركت اياديكم ايها الشاعر الكريم
تقبل الله منكم هذه المواساة
تقديري

[سفينة البحار]

الكبير مرتضى شكر
مدادك يرسم لوحات المصيبة
بكف الموالاة
جعلها الله في ميزان حسناتكم
تحيــــــــــــــــــــــــــــــــــــــاتي