[سنان الكيم]

بــدرب الـحــســيـن
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
عجـب يسأل عـله تاريخ الأجـداد خــل ينـظـر الـواقـع يلمَسَه بجـفـه
بزمن صدام صارت روسنا شموع عـله روس المناير تعـلك وتـطـفـه
فـصلـنـا الظـلام ألـنه دشـاديـش و نـسـتـنه الفـواتـح بـسـمة الشـفـة
بـدرب حـسـين ما همتنه جـيـلات نـركض عالـمـنايـه ركضة الـزفـة
وأحـنه العـَلبزول مشـينه حـفــاي و من دمنه صبغـنه الشوك والحلفة
وأحـنه البِلأهـوار لشاشنه بـلام والبـردي الأصيـل أشجم جسـد لفه
وعلى روس الجبال أشكثر صولات قـارعـنه الظـلم سـوينه بي رجفة
وصبرنه أعله الفقر منخاوي شيطان مــا دنـسـنـه أيدينه بوسـخ جـفـه
و كل اللي أذكـره وتعـرفه الناس يبو محمد ألك بيه كل وكـت وگـفة
من درب الحسين توسمت منهاج يرفعـك للأمـلاك الـبـاري بلـطـفـه
أضن حب الحسين أنزرع بالروح وأضن هذي العقيدة ما أجت صدفة
نزلـت عالـرسل من آدم ألياسين والبـاري شـرعهه بـكـتبه وبصحـفه
ولأجلهه نبيع ألهه عـزاز الأرواح يبو محمد سبگـت هـواي متخـلفة
على درب الشهادة ألخطه الحسين أنـتـه ما ونـيـت ولا خـفـت كـلـفـة
أهـنـيـك بمـقامـك يـم الحـســيـن الخـلگ أتـلاگـه كـلمـن وصنـفـه
وأعـدائك سجـلهم بيد أبو سـفـيان جـيـشه الحاربوا أهـل النبي وخلفه
أولاد الرذيلة الحـقـدوا أعله الدين بدون عـقـول وعيون الحقد صلفة
يريدون الحـقـيقة تنحجـب بالغـيم أبـداً ديـن أبو الـقـاسـم فلا يـطـفى
وأحنه المانطخ لأهـل الغـدر هام (هـيهات) الطلقهه حـسـين من طفه
يا راعي الغـنـم لاتخاوي الـذيب بعـدهه نيابه ما نكـرت طعم ظلفه
نزَف دمنه نزِِف محـد يحـس بيه وأذنـاب آل أمية أعـلـينه ملـتـفه
من يوم الضلع گوم أسأل التاريخ مـن هاليوم دمنه ما وگـف نـزفه
ولهسه يتـوسع نهـر دم حـسـيـن يـومـيـة شـهـيد الـقافـلـة مألـفـه
بالجملة ( أحباب حسين مشتاقين) أشوكت نلتحق بيهم يا ألف وسفة
جنود أحنه بمسير الشوكة ماشين وقـائـدنه الحـكـيـم نتبعه ونخـلـفـه
أبو ذر آمر الوحدة هذاك الزين وأبو محمد عضيده وساعده وصنفه
ولتگـولون نسـلم منهه لتگـولون أقـروا الفاتحة أعله أرواحكم وگـفة
مصير الحي يدركه گال الحـسين هــذا الـمـوت چـنه گـلادة مـلتـفـه
يـبـو صالح أندبـك يـبـو الشـدات عـلـيـك أحـوالـنا ما ضنتي تخـفـه
علينه ضاگت الوسعة وأعدانه كثار أيـهـود ونصاره وناس متخـلـفـة
أدركـنه تـرانه بـشـدة يا مذخـور الفـرج بيديك أنهض للوضع نـظـفـه
شرع جدك تلاعب بيه الأرجاس صار أسلامنه طير وعله السعـفة
............................................... كتبها / سنان الكيم

[الروح]

القدير الكيم
قصيدة رائعة تفجرت بالكبرياء والألم من عمق الواقع
الواقع الذي ضحى بقربان الله الحسين
ورفع رأسه على رماح الكرامة ..
هو نفسه الذي رفع رؤوس شبابنا على أسنّة العزة
تقديري العميق

[رآحيل]

سلامٌ ورحمة على حرف يتنزل بدرب الحسين"
أبدعت أستاذنا الكريم
جزاك ربي خيرا

[سديم الفجر]

قصيدة رائعة جداً ايها الشاعر
بارك الله بك وعليك
موفقين