[كريم السعبري]

الى سيدي ومولاي باقر علوم الاولين والاخرين بمناسبة قرب استشهاده
ياوارث علم جدك --- منهو اليوصل لحدك
امام وحاضي بالجدين ---ياوارث علوم الدين
----------------
يابقر علوم الدين اشهدلك--وعلوم الانبياء وكل علوم اهلك
ملكتهه ياامامي ونشهد بفضلك--وتظل اقلامنه القاصره تكتبلك
اعله من النجم مجدك---منهو اليوصل لحدك
عله منهجك ماشين---ياوارث علوم الدين
-----------------
عمرك اربعه وشايف مأسي الطف--ودمعك عل الوجن يجري ولاينشف
أمام انته الامام وبالحزن تلتف--والمثلك عجيبه شلون يتوصف
المأسي هاكثر عندك--منهو اليوصل لحدك
نبع من منبع الطيبين--- ياوارث علوم الدين
-----------------
تتذكر حسين وتذكر الاصحاب--وعله خدودك جره ادري الدمع سجاب
لاتنسه الزجيه ولانسيت الباب--ولاتنسه الجره من طبرت المحراب
بدت وياك من مهدك---منهو اليوصل لحدك
تظل تبجيلك الصوبين--ياوارث علوم الدين
------------------
لهشام وكل اميه دائمه اللعنه--يل انته بالكرامه وبالشرف اغنه
حبك ياامامي يمشي في دمنه--وتغذينه عله حبك من ثدي امنه
غير الرحمه ماعندك---منهو اليوصل لحدك
اساس من الحسن وحسين--ياوارث علوم الدين
----------------------
امامي اليوم نبجي دموم لمصابك--وتوصل للبقيع اشلون احبابك
ال اسعود ماتقبل نصل بابك--ولو بكلوبنه مفروش محرابك
بكلبنه مرقدك صاير---والك يتوجه الحاير
اذاننخاك مرتاحين---ياوارث علوم الدين
---------------------------------------------------------------
بقلم خادم اهل البيت سيد كريم السعبري

[الروح]

عظم الله أجوركم وأحسن الله لكم العزاء
بوركت الأيادي لهذا العطاء الولائي
مأجورين يا سيدنا

[الناقد]

السعبري الكريم ....عظم الله اجوركم
قصيدة رائعة ....في ميزان الحسنات ان شاء الله
ود وتقدير

[كريم السعبري]

الاخت ام جعفر
الاخ الناقد
السلام عليكم
مروركم شرف لايمكن الاستغناء عنه
السعبري

[القلب الاسير]

ابدعت واجدت وفقك الله لكل خير مولانه
تقبل تحياتي وفائق تقديري
الاقل
احمد رفيش

[كريم السعبري]

الاخ احمد رفيش عذرا الرد متاخر
شكرا لمروركم
السعبري

[عبدالله خلف العتابي]

استاذي الكبير السعبري
مبدع حقا وسدد الله خطاك
تلميذك
العتابي

[كريم السعبري]

الاخ والاستاذ الكبير عبدالله العتابي
شكرا لمرورك ايها الغالي
السعبري

[هيبتي بعبائتي]