سلام الله تكول اعليك هـــــاي الناس .... وانت اعلى العرش دين الله سلمتـــه
وزرع اياته بيك وجســـــدك قــــرءان.... وحجة من الالـــه اعلى الخليقة انتــــه
خط تاريخنه ويـــاك العكس مــــولاي .... وهاك اخذه الدليل بعكس سالفتــــه
يكول اعليك ضامي من طحت يحسين ..... وانت الماي دونك يــابس بشفتـــــــه
وختمت الدين كله بنيـــــوى الايمان .... وبارضين وسماء السبعة ثبتـــــــــــه
الرمح ماشال راسـك حولة عين الكاع ..... كمت براسك انت اعلى الرمح شلته
بصمت اعلى الرسالة بخنصر المكطوع .... ودمك سور دين الباري شيدتــــــــه
ملك الموت يخجل لو اجاك يمـــــــوت .... رحتله انت وابد مولاي ما عفتــــــــه
عرفت ايمان جدك يثبت انه اشلــون .... ورحت للموت بيدك سيدي وجبتـــه
عركت كصة القرءان يا مــــــــــولاي .... ونحرك خضر اعلى أيــــاته نشفتـــــه
كملت الرسالة وتممتها اتمــــــــام .... ودين الله اعلى دمك انت كملتـــــــه
الا من ناصر مو انت صحت الصـوت .... هذا الدين صاح وسيدي انصرتــــــــه
*************
شدينة الدمع واعكدنــــه عيـــن الليل .... وفكرنة الفرح بهـــلالك انزرعـــــة
نزعنه من الجفن ثوب الحزن مـــــولاي .... وثوب هلال حزنك ما رضة انزعـة
ردنة بمنبرك نعلك شمــــوع العيــــد .... وشفنه العيد شمعه بمنبرك ينعـه
كِلبت انت موازين الطبع يـحســــيــن .... بيك أيغير القانون كل وضعـــــــة
معروف المهــــــد يتنطر المــــولــــود .... وكل ميـــلاد معروف الفرح طبعـة
وندري بكل مهد طيرالسعاده يحـــوم .... وجنــــاح الفرح من يصفك أنسمعه
كل عيد ابتسم بهـلالــــه وي الليــل .... وانت هــلال عيدك غمض بسرعـــة
فصلت الفرح من ثــــوب دمع العيـن .... وابعيدك ابد ما نعلك الشمعـــــة
بس انت الوحيد ودون هــــاي الناس .... نعلك من جفنه بمولدك دمعـــــة
حيرت الفكر! ياعيد غنــــه ويــــــاك ؟ .... اذا شعبان بيك انت انكسر ضلعه
خادم اهل البيت ع
الاقل
احمد رفيش
شمعة بمنبرك تنعه ..... مولود الحسين ع .... بقلم احمد رفيش
العرض المتطور
