[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم


لبــــــو اليمّــــه فرحنـــــه
ـــــــــــــــــــــــــــــــــــــــــــــــــ
إجينــه – إجينــه == حفل نعقد إجينه
لبو اليمّه فرحنــه == دُوه إو مرهم جرحنه
حفل نعقد إجينه
ـــــــــــــــــــــــــــــــــــــــــــ
نهنّي المُصطفه بحسين هاليوم
بدر شع إو ظهر من بين النجوم
وإبطاري السبط تنزاح الهموم
أملنه إحسين نور الكون معلوم
ولينــه – ولينــه == أبو الأكبر ولينه
بولايتهـــم نجحنـه == دُوه إو مرهم جرحنه
حفل نعقد إجينه
ــــــ
نهنّي المُرتضه إبأجمل هديّه
هداها الخالق الحامي الحميّه
حسين البي زهت هاي البريّه
ملتْ هالكون أنواره البهيّه
إدينـــه – إدينـه == شُكر نرفع إدينه
أمل ربنه مِنَحنه == دُوه إو مرهم جرحنه
حفل نعقد إجينه
ـــــــ
نهنّي فاطمه الزهره الوديعه
نهنّيها إو ننادي ياشفيعه
أبد للموت حُبنه ما نبيعه
حُب إحسين نعمتنه الوسيعه
ربينــه – ربينــه == على حبهم ربينه
محبتهــم ربحنـــه == دُوه إو مرهم جرحنه
حفل نعقد إجينه
ـــــ
وجيه إحسين من يوم الولاده
حُوَه إقدام حيدر والأراده
حُوَه إصرار أحمدنه إو سَداده
محبته للمُحب خير إو سعاده
سفينه – سفينه == أبو اليمّه سفينه
يهل بيها صبحنه == دُوه إو مرهــم جرحنه
حفل نعقد إجينه
ــــــ
حُب إحسين للخالق وسيله
أظل أهواه وإبروحي أشيله
أبد هيهات ما أعرف بديله
بغض وأحقاد ما ﺗﮔدر تزيله
علينــه – علينــه == يشع نوره علينه
إلَه يحله مدحنــه == دُوه إو مرهم جرحنه
حفل نعقد إجينه
ــــــــ
إلك مولاي ﻋﺷﮔي إو كُل حنيني
أريدك باﻟﮔبر تحضر تجيني
تريد إبشوفتك ترتاح عيني
من عندك يبوالأكبر مَعيني
مشينــه – مشينــه == إلَك ﻧﮔصد مشينه
نذوب إبحبك إحنه == دُوه إو مرهم جرحنه
حفل نعقد إجينه
ـــــ
إلَك أرواح نفدي ياإمامي
يظل بيكُم يبن حيدر هيامي
تشوفوني إو تسمعونه سلامي
تحضروني إو تكشفونه ظلامي
رهينــه – رهينـــه == تظل روحي رهينه
أبد مَتْشوف محنه == دُوه إو مرهم جرحنه
حفل نعقد إجينه
ــــــــــــــــــــــــــــــــــــــــــــــــــ ــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldbrh21342.mp3.html

[قاسم حتروش]

المبدع
جابر النجفي
أزف لك أسمى ايات التهاني في هذا المولد المبارك
حشرك الله مع محمد وال محمد
تحياتي

[زكي الياسري]

الله الله الله

العم المبدع شاعر اهل البيت
جابر النجفي

بحورك تبقى بأمواجها امواج الولاء
ادامك الله ذخراً لخدام الشهيد

تحياتي و اعتزازي

[القناص الاول]

حُب إحسين للخالق وسيله

واي وسيلة اشفع من الحسين عليه السلام
اللهم لا تحرمنا شفاعة الحسين

بارك الله بك سيدي الكريم
وحشرك مع الحسين عليه السلام

[الشاعرخالدالسعد]

اللهم صل على محمد وال محمد


مبارك لنا ولكم بشعبان الخير

جزاك الله خيرا
وسدد خطاك

ودي