[الشاعرخالدالسعد]

مثل طلعــة صـــفَــر ...امريكـــا طلعــت هيݘ

فنهض يا عـــــــراق اݘفـــوفــك اتوگـفـــك




انت العــالأرض لو حــرّكــت رجليــــك

تضــل تهـتز كراســـي الســاكـن بصفّــك




ثگيـــل بغـــيرتك .. وبثگــــل گـبة حسيــن

وطــويل ... بطــول بالك لو ردت وصفـك




ينصف نصف نصفــك كل غيمهة انصــــاف

ياهو الگــالّك نصفـــو نصف نصفــك؟؟




وبگــصتـك سما ذات البروج تلـــوح

وســـــورة مائــدة ربك خلــق ݘـفــك




يا راس العــرب....والباقــي رووس اقـــلام

روس اقـلامــهم ماوصلــت لحرفــــــك




نسفت الجــوع نسفاً من بيوت الجار

بس الجــار راد بعَــبوِتة ينسفـك




من تنهض خسف يترك مجانك طول

من ثگل الهموم الشايل بݘـتفــك




رِد سورك هــذاك الگــلنة عنـك يوم

اول بيت سورك اعلى من سگفـك




ومو كبوة فرس.. كبوة اسد يعــراق

ميطيح الاسد بس كبوتك صدفة




عراق انت وعلم من ترتفع الاعلام

اطــول عـلم يمك يصبح امهــفـة




ولا تحذف الگــلّك (احـــذر من النــار)

الـگلّك (فــوت بيهة وعالزلم..) حـذفة




فــــرق بين التــحَـفّة وركـض طفـى النار

بين الـدگ صدر.. ولشردتة اتــحَـفّة !




وفـــرق بين اليــدوّر عالجـــمر يطفيه

مابين اليگــرّب للجمـــر سعـفــة !




گــوم امسح عدستك من ذرى الدخان

ولـَصــــوّر فــواتح .. صـَــــوّر الزفـة

وانا بحاجة صور.. جنطة بݘتف تلميذ

ما محتاج صورة.. تفــگتـة بݘـتفـة


مامحتاج


صورة

تفكتة بجتفه
خالدالسعد

[رياض الرسل]

السلام عليكم

الشاعر الغالي
خالد السعد

كالعاده رائعه من روائعك
دمت لكل خير وبركه يارب
والله لايحرمنا منك

رياض الرسل

[كريم السعبري]

خالد العراق خالد
واعدائه اقزام
ويكوم بعافيه ونشوف كل الخير
وكل واحد يضدنه احنه اسياده
جميل شعرك ياخالد

[الشاعرخالدالسعد]

شكرا لكرم المرور العطر
لكم مني خالص الشكر والتقدير

[الشاعرخالدالسعد]

شكرا لكرم المرور العطر
لكم مني خالص الشكر والتقدير

[مصحح المسار]

يا راس العــرب....والباقــي رووس اقـــلام

روس اقـلامــهم ماوصلــت لحرفــــــك




نسفت الجــوع نسفاً من بيوت الجار

بس الجــار راد بعَــبوِتة ينسفـك




من تنهض خسف يترك مجانك طول

من ثگل الهموم الشايل بݘـتفــك
*******************
طيب الله أنفاسك ؛؛ وألصقك شوقا ً
وحبا ًوولها ًبتراب العراق الجريح الحبيب
دمت ودام ألق القلم العراقي إلى
عاليات السماء ؛؛ أعشق الروح في بلادي
تحية ومحبة وسلام

[الشاعرخالدالسعد]

اقتباس : المشاركة الأصلية كتبت بواسطة مصحح المسار [ مشاهدة المشاركة ]

يا راس العــرب....والباقــي رووس اقـــلام روس اقـلامــهم ماوصلــت لحرفــــــك نسفت الجــوع نسفاً من بيوت الجار بس الجــار راد بعَــبوِتة ينسفـك من تنهض خسف يترك مجانك طول من ثگل الهموم الشايل بݘـتفــك ******************* طيب الله أنفاسك ؛؛ وألصقك شوقا ً وحبا ًوولها ًبتراب العراق الجريح الحبيب دمت ودام ألق القلم العراقي إلى عاليات السماء ؛؛ أعشق الروح في بلادي تحية ومحبة وسلام

شكرا لك ولذائقتك المميزة ... انرت القصيدة والمتصفح

دمت في حفظ الرحمن

تحياتي

[ابوتكتم الخير]

ثگيـــل بغـــيرتك .. وبثگــــل گـبة حسيــن

وطــويل ... بطــول بالك لو ردت وصفـك
قمة الأبداع والروعة
موفق أيها الكبير
ودي