أسألوا الليل على قلبي الدفين ** هل سرى العشق على قلبي معين
ان قلبي اضحى في الطف ترابـاً ** فــــــي سماء كربلا خط الحســـين
اهٍ على عين اليقين كم بكت ** منها ارتوت ارض الماسي والم
اهٍ على نحر الضما منه ارتوى ** دين الرسول واعتلا فوق القمم
ابستم دمك يبو السجاد بجة سيـــــوف ** وصفن بعيونك انت الموت واتبســم
وكاع ارض الطفوف اتوجت برجليــــــك ** وجبل ذاك الظلم من صبرك اتهدم
يمن جيشك صبر وجروحك انت جنــود ** وبيها انت اعبرت كلفــات جور الهم
عطش جبدك جمر طفيته بالايمــــــــان ** وصرت ينبوع كوثر ســيدي وزمزم
وانت اكبر جرح متوضي بسم اللــــــه ** راكع للصـــــــــــلاة بدمك ايتمــم
جرح يحضن جرح لجروح اهـــــل البيت ** وجرحنا يا حسين الجرحك اتلثـــــم
نكثت اردانك انت الدنيــا جنها اتراب ** ودمع عينك نهض واغتـاض واتحزم
وكف جالسيف صار بجفك الفقــــــــــار ** ونثرت الموت والشخصك رجـع والتم
جم كافر اجاك وعمية بيـــــــــه العين ** وبجت عينك عليه وما ابـــــد يندم
رويت الدين كلة بنحرك المذبـــــــــوح ** وشلت رمحك براسك فوك هام الدم
وبقيت الوالد الهالدين يا مـــــــــولاي ** ربفعته بنحرك انت وبعــدك اتيتـم
ثم نادا الصوت للحوراء قال ** هــذه الاطفال تهوى والحرم
السقى قد ضاق قلبي والنساء ** يا اخي للماء هل لي من نعم
وين عباس التنادي الحرة هـــــــــاي ** وين سبع الكنطرة وراعــــي العلم
وين زود الغيرة صكار الاســـــــــــود ** وين بحر الجود وامواج الشــــــــيم
واختفت عين الظهور للسماء ** برز البدر علـــى جيش النقم
واعتلا الخيل وهاجت كربـلاء ** ورمى الموت على الموت سهم
كــــال عد عيناج يا زينب اكيــــــد ** وهم اكيد المــــــــــاي جابة وانتقم
بيدة شــال الكاع ذبها اعلى الفرات ** وهم رجع للماي ذبة اعلــــــى الندم
والكمر عبـــــاس من ضحة الجفوف ** ساتر الزينب جعلها اعلى الخيـــــم
ورد لخوه حســــين بس امـر يصيح ** كلة شامر خوية والجيش انهــــــزم
شافك اغتاضيت لاذ اعلــــى الفرار ** وخوية وي الجيش فر حتى الصنــــم
******************
خادم اهل البيت عليهم السلام
الاقل
احمد رفيش
الحسين وزينب والعباس ع ... ملمع .... بقلم احمد رفيش
العرض المتطور
